آج کا شعر - 3

[ش زاد]

مُجھے دوہری اذیت جھیلنا ہے
مرا قاتل بھی مارا جا رہا ہے

مُنیر فیاض​

 

[مغزل]

بد دعا دے گیا کیوں سرِ انجمن کوئی درویشِ فن
سلب سب ہوگیا میرا علم و ہنرشعر کیسے لکھوں ؟
احمد امتیاز

 

[پیاسا صحرا]

تو کیا اجل سب حسین منظر اجاڑ دے گی
یہ چاند تارے یہ ماہ پارے نہیں رہیں گے
آفتاب حسین

 

[مغزل]

ادھر تقاضہ ہے روح کا اور ادھر بدن کا
خدا سے اس کا وصال مانگوں کہ رزق مانگوں‌ ؟

احمد امتیاز

 

[محمداحمد]

عمرِ جاوید کی دعا کرتے
فیض اتنے وہ کب ہمارے تھے

​

 

[مغزل]

گھر کی تقسیم کے سوا عاصم
کوئی تقریب میرے گھر نہ ہوئی

لیاقت علی عاصم

 

[محمداحمد]

افق افق پہ زمانوں کی دھند سے اُبھرے
طیور، نغمے، ندی، تتلیاں ، گلاب کے پھول

مجید امجد

 

[مغزل]

رات بہت ہوا چلی سارے شجر ہجر ڈرے
میں بھی ذرا ذرا ڈرااور پھر مجھے نیند آگئی

رئیس فروغ

 

[فرحت کیانی]

موسم کی سازش ہے یا پھر مٹی بانجھ ہوئی
پیڑ زیادہ ہوتے جائیں، گھٹتا جائے پھل

امجد اسلام امجد

 

[بنگش]

ترے شہر کے اور بھی واقعے ہیں، ترے پیار کی بخششوں کے علاوہ
وہاں وضع داری کی بات آ گئ تھی ، جہاں چار تنکوں کا گھرے بھی نہیں تھا

 

[پیاسا صحرا]

ضبط کا عہد بھی ھے شوق کا پیماں بھی ھے
عہد وپیماں سے گزر جانے کو جی چاہتا ھے
درد اتنا ھے کہ ھر رگ میں ھے محشر برپا
اور سکوں ایسا کہ مر جانے کو جی چاہتا ھے
فیض احمد

 

[محمداحمد]

خوبصورت، اُداس، خوفزدہ
وہ بھی ہے بیسویں صدی کی طرح

 

[مغزل]

اٹھارہویں صدی سے اکیسویں تک
بدلی نہیں ہماری تقدیر میر صاحب
ل ع عاصم

 

[فرخ منظور]

تجھ کو دیکھا تو سیر چشم ہوئے
تجھ کو چاہا تو اور چاہ نہ کی

تیرے دستِ ستم کا عجز نہیں
دل ہی کافر تھا جس نے آہ نہ کی

(فیض)

 

[زینب]

خوشبو کے جزیروں سے ، ستاروں کی حدوں تک
اس شہر میں سب کچھ ہے بس اک تیری کمی ہے

 

[فرخ منظور]

اب اور کیا کسی سے مراسم بڑھائیں ہم
یہ بھی بہت ہے،تجھ کو اگر بھول جائیں ہم

(فراز)

 

[زونی]

کیا جانے کس کو کس سے ھے اب داد کی طلب
وہ غم جو میرے دل میں ھے تیری نظر میں ھے

 

[زینب]

لپٹا ہے میرے دل سے کسی راز کی صورت

وہ شخص کہ جس کو مرا ہونا بھی نہیں ہے

یہ عشق و محبت کی روایت بھی عجیب ہے

پانا بھی نہیں ہے اسے کھونا بھی نہیں ہے

 

[محمداحمد]

اے شخص میں تری جستجو میں
بے زار نہیں ہوں تھک گیا ہوں

جون ایلیا

 

[مغزل]

تن مٹکی ، من دھی ، سرت بلوھن ھار
کبیرا ماکھن کھا گیو چھاچھ پئے سنسار

بھگت کبیر

( جسم کو آگر ایک مٹکا سمجھیں تو دل کو دہی اس جسم کے مٹکے میں دل کے دہی
کو ڈال کے عقل کی مدھانی سے بلوھنے والے اس واردات کو کرکے مکھن خود کھا گئے
اور لسی بیچارے لوگوں کے لیے رہ گئی ۔ )‌
شکریہ