آج کا شعر - 3

[پیاسا صحرا]

مجھ سے پوچھتے ھو کیا زندگی کے بارے میں
اجنبی بتائے کیا اجنبی کے بارے میں
انجم حبیبی

 

[فرحت کیانی]

سکوتِ خلق سمندر کی نیند ہوتا ہے
سکوں نہ جان بظاہر جو اضطراب نہ ہو

پروین شاکر

 

[فرحت کیانی]

یہ کائنات ابھی نا تمام ہے شاید
کہ آ رہی ہے دما دم صدائے کُن فیکون

علامہ محمد اقبال

 

[طالوت]

کہہ رہا تھا شورِ دریا سے سمندر کا سکوت
جس کا جتنا ظرف ہے وہ اتنا خاموش
وسلام

 

[زین]

ناداں ہو جو کہتے ہو کہ کیوں جیتے ہیں غالب ؔ
قسمت میں ہے مرنے کی تمنا کوئی دن اور

 

[فرخ منظور]

کہہ رہا تھا شورِ دریا سے سمندر کا سکوت
جس کا جتنا ظرف ہے وہ اتنا خاموش
وسلام

میرے خیال میں صحیح شعر یوں ہے -

شورِ دریا سے یہ کہتا تھا سمندر کا سکوت
جس کا جتنا ظرف ہے اتنا ہی وہ خاموش ہے

 

[طالوت]

آپ خیال نہ پیش کریں ، تصدیق کریں تاکہ میں اپنی غلطی صحیح کر سکوں
وسلام

 

[مغزل]

میرے خیال میں صحیح شعر یوں ہے -

شورِ دریا سے یہ کہتا تھا سمندر کا سکوت
جس کا جتنا ظرف ہے اتنا ہی وہ خاموش ہے

یہ شعر یوں صحیح‌ہے ۔۔۔

کہہ رہا ہے شورِ دریا سے سمندر کا سکوت
جس میں جتنا ظرف ہے اتنا ہی وہ خاموش ہے

 

[فرحت کیانی]

اس کی خاطر نہ معمہ نہ پہیلی ہو گی
زندگی جس نے مری طرح سے جھیلی ہو گی

مسرور علیم

 

[فرخ منظور]

یہ شعر یوں صحیح‌ہے ۔۔۔

کہہ رہا ہے شورِ دریا سے سمندر کا سکوت
جس میں جتنا ظرف ہے اتنا ہی وہ خاموش ہے

محاورہ "آپ کا کتنا ظرف ہے" ہوتا ہے "آپ میں کتنا ظرف ہے" گرامر کے لحاظ سے ہی ٹھیک نہیں -

 

[الف نظامی]

منزل تیرے مقصد کی کعبہ ہے نہ بت خانہ
ان دونوں سے آگے چل اے ہمتِ مردانہ
بیدم

 

[زینب]

جتنے ہمدرد ملے،دوست ملے،یار ملے

سبھی ابھرتے ہوئے سورج کے پرستار ملے

زندگی لائی ہے کس لیے سرِِبازار ہمیں

ہم تو یوسف بھی نہیں کہ کوئی خریدار ملے

 

[فہیم]

اف یہ تیرا تیر نظر زخمی جگر جاؤں کدھر
ہے آج سنڈے جانِ من بند ہیں سب ڈاکٹر

 

[زینب]

اے دوست ہم نے ترک تعلق کے باوجود

محسوس کی ہے تیری ضرورت کبھی کبھی

 

[مغزل]

نیند اب روٹھ چکی تم بھی تو آخر عاصم
آج کا کام بہت کل پہ اٹھا رکھتے تھے

لیاقت علی عاصم

 

[الف نظامی]

وہ جن چہروں کو زینت غازہِ خاکِ نجف بخشے
دمِ آخر بھی ان چہروں کی زیبائی نہیں جاتی
سید نصیر الدین نصیر

 

[محمداحمد]

دل سے ملتی تو ہے اک راہ کہیں سے آکر
سوچتا ہوں یہ تری راہ گزر ہے کہ نہیں

 

[مغزل]

لیاقت علی عاصم کا ایک شعر جو ان کی شخصیت میں افتخار کی علامت ہے

شعر جیسے بھی کہے ہوں مگر اس ناز کے ساتھ
میں نے شہرت کے لیے شہر میں سازش نہیں کی
(لیاقت علی عاصم)

احمد بالخصوص تمھارے لیے (از:عاصم)

 

[محمداحمد]

لیاقت علی عاصم کا ایک شعر جو ان کی شخصیت میں افتخار کی علامت ہے

شعر جیسے بھی کہے ہوں مگر اس ناز کے ساتھ
میں نے شہرت کے لیے شہر میں سازش نہیں کی
(لیاقت علی عاصم)

احمد بالخصوص تمھارے لیے (از:عاصم)

بہت خوب یہ شعر واقعی عاصم بھائی کی شخصیت کا عکاس ہے۔

عاصم بھائی کا ایک شعر جو مجھے بہت پسند ہے۔ ملاحظہ کیجے۔

ڈوبنے کی بھی خبر مجھ کو نہ ہونے پائی
میں لئے پھرتا رہا ناؤ میں دریا ترا

 

[مغزل]

اور ایک یہ شعر جو ضرب المث بن چلا ہے:

ورنہ سقراط مرگیا ہوتا
اس پیالے میں زہر تھا ہی نہیں
لیاقت علی عاصم