آج کا شعر - 3

[محمداحمد]

جسے خرید کر آزاد کردیا جائے
وہ بد حواس پرندہ پلٹ کے کیا دیکھے

لیاقت علی عاصم

 

[محمد وارث]

جگا سکے نہ ترے لب، لکیر ایسی تھی
ہمارے بخت کی ریکھا بھی میر ایسی تھی

(پروین شاکر)

 

[محمداحمد]

شبنم کے آنسو پھول پر، یہ تو وہی قصہ ہوا
آنکھیں مری بھیگی ہوئیں، چہرا ترا اُترا ہوا
برسات میں دیوار و در کی ساری تحریریں مٹیں
دھویا بہت، مٹتا نہیں، تقدیر کا لکھا ہوا

 

[مغزل]

عشق برہنہ پا چلتا تھا اور رستے پتھریلے تھے
گھستے گھستے گھس گے آخر کنکر جو نوکیلے تھے

تم ناحق ناراض ہوئے ہو ورنہ مئے خانے کا پتہ
ہم نے ہر اس شخص سے پوچھا جس کے نین نشیلے تھے

کون غلام محمد قاصر دیوانے کی سنتا بات
یہ چالاکوں کی بستی تھی اور حضرت شرمیلے تھے

غلام محمد قاصراقتباس: ’’ تسلسل‘‘

 

[حسن علوی]

جا بجا بکھرے نظر آتی ہیں آثارِ قدیم
پی گئیں جس کو گزر گاہیں وہ دریا ہم بھی ہیں

اس حرم کی زیب و زینت کو خدا رکھے مگر
مجرمانِ عہد و پیمانِ کلیسا ہم بھی ہیں

(احسان دانش)

 

[محمد وارث]

میں تو پہلے نہیں گزرا کبھی اس رستے سے
آپ کو علم ہے، یہ راہ کدھر جاتی ہے؟

(عدم)

 

[زھرا علوی]

مخلوق تو فنکار ہے اس درجہ کہ پل میں
سنگِ درِ کعبہ سے بھی اصنام تراشے
تو کون ہے اور کیا ہے ترا داغِ قبا بھی
لوگوں نے تو مریم پہ بھی الزام تراشے

 

[نوید صادق]

کس مسافت کے بعد پہنچا ہے
تیرے رخسار پر مرا آنسو

شاعر: سید آلِ احمد

 

[مغزل]

دھیان کی سیڑھیوں پہ پچھلے پہر
کوئی چ۔پ۔کے س۔ے پ۔اؤں دھ۔رت۔ا ہے
(ناصر کاظمی)

 

[محمداحمد]

دھیان کے آتش دان میں ناصر
بجھے دنوں کا ڈھیر پڑا ہے

 

[مغزل]

یہ عہدِ کم نگہی اس میں قدرِ جوہر کیا ؟
’’غزالِ دشتِ سگاں‘‘ ہوں مرا مقدر کیا

خالد علیگ

 

[فاروقی]

تم آگئے ہو تو آؤ وفا کی بات کریں
وفا کی بات میں ہر بے وفا سے کرتا ہوں

 

[مغزل]

باادب آئے گا دعا لے گا
ہم فقیروں سے ورنہ کیا لے گا
پالنے سے ہی جو گواہی دے
دار سے کم وہ کیا صلہ لے گا
مانگنے والے اپنا ظرف بھی دیکھ
سر کٹائے گا ؟؟ کربلا لے گا ؟؟

خالد علیگ

 

[فاروقی]

وہ مجھ کو چھوڑ گیا تو یقین آیا مجھے
کوئی بھی شخص ضروری نہں کسی کے لیئے

 

[فرحت کیانی]

میں ایک پل کے رنجِ فراداں میں کھو گیا
مرجھا گئے زمانے مرے انتظار میں

احمد فراز

 

[محمد وارث]

دل کی خلش تو ساتھ رہے گی تمام عمر
دریائے غم کے پار اتر جائیں ہم تو کیا

(منیر نیازی)

 

[محمداحمد]

مری مشکل کا حل کوئی نہیں‌ ہے
ترا نعم البدل کوئی نہیں ہے


​

 

[نوید صادق]

موت کی ایک علامت ہے اگر دیکھا جائے
روح کا چار عناصر پہ سواری کرنا

شاعر: خورشید رضوی

 

[مغزل]

ہوا ہی ایسی چلی ہے، ہرایک سوچتا ہے
تما م شہر جلے ، ا یک میر ا گھر نہ جلے
نسیم صادق
(ریگِ رواں)

 

[آصف شفیع]

اس نے پوچھا جناب! کیسے ہو
اس خوشی کا حساب کیسے ہو