آج کا شعر - 3

[محمداحمد]

آج تو بے سبب اداس ہے جی
عشق ہوتا تو کوئی بات تو تھی

 

[فاروقی]

آج کیوں بے سبب اداس ہے جی
عشق ہوتا تو کوئی بات بھی تھی

واہ. . . واہ. . . واہ. . . کیا غضب کا شعر ہے، . . ’(غضب کا ہی ہے یا کسی اور شاعر کا(

 

[فاروقی]

بے شک جناب ۔۔ سبحان اللہ سبحان اللہ ۔۔ بہت خوب اشعار ہیں۔
۔ فاروقی بھیا ۔۔ مکمل کلام اور شاعر کا نام ہوسکے تو فراہم کیجئے۔

یہاں دیکھیں . . . بڑی مشکل سے ملی یہ مکمل غزل ........آپ کے لیے

 

[محمداحمد]

کل اک فقیر نے کس سادگی سے مجھ سے کہا
تری جبیں کو بھی ترسیں گے آستانے، جا!​

 

[ایم اے راجا]

مروت میں کہاں تک آ گیا ہوں
فصیلِ دشمناں تک آ گیا ہوں

میں اپنے قتل کی خواہش میں امجد
حصارِ دوستاں تک آ گیا ہوں​

[/

]
( امجد حسین امجد )​

 

[فرخ منظور]

یہ کہہ کے چھیڑتی ہے ہمیں دل گرفتگی
گھبرا رہے ہیں‌ آپ تو باہر ہی لے چلیں
(ناصر کاظمی)

 

[محمداحمد]

دیوارِ خستگی ہوں مجھے ہاتھ مت لگا
میں گر پڑوں گا دیکھ سہارا نہ دے مجھے

 

[محمد وارث]

بعد مرنے کے مری قبر پہ آیا وہ میر
یاد آئی مرے عیسٰی کو دوا میرے بعد

 

[مغزل]

وارث صاحب آپ کی نذر ::

[font="urdu_umad_nastaliq"]دیارِ مصر میں دیکھا ہے ہم نے دولت کو
س۔۔۔۔۔تم ظ۔۔ریف۔۔۔۔۔۔۔ پیمبر خرید لیتی ہے[/font]​

 

[محمد وارث]

شغل بہتر ہے عشق بازی کا
کیا حقیقی و کیا مجازی کا

(ولی دکنی)

 

[مغزل]

پھر اس کے بعد گر گیا سونے کا بھاؤ بھی
اک شام اس نے کان سے جھمکا اتارا تھا
اختر رضا سلیمی

 

[محمد وارث]

تاروں سے پوچھ لو مری رودادِ زندگی
راتوں کو جاگتا ہوں تمھارے خیال میں

(بہزاد لکھنوی)

 

[مغزل]

بیدل لباسِ زیست بڑا دیدہ زیب تھا
اور ہم نے اس لبا س کو الٹا پہن لیا

بیدل حیدری (شاگردِ رشید : علامہ نازش حیدری)

 

[محمد وارث]

اس نقشِ پا کے سجدے نے کیا کیا کِیا ذلیل
میں کوچۂ رقیب میں بھی سر کے بل گیا

(غالب)

 

[فرخ منظور]

ابھی نہ چھیڑ محبت کے گیت اے مطرب
ابھی حیات کا ماحول خوشگوار نہیں

(ساحر لدھیانوی)

 

[محمد وارث]

زمانہ رنج دیتا ہے بقدرِ حال انساں کو
گدا کو فکرِ ناں، اندیشۂ عالم ہے سلطاں کو

(مظفر علی اسیر)

 

[امیداورمحبت]

یہ جو سرگشتہ سے پھرتے ہیں کتابوں والے
ان سے مت مل کہ انہیں روگ ہیں خوابوں والے

احمد فراز

 

[فرخ منظور]

خواب ہی خواب کب تلک دیکھوں
کاش تجھ کو بھی اِک جھلک دیکھوں

(عبیداللہ علیم)

 

[محمد وارث]

بہار آئی ہے پھر، خیر ہو خداوندا
جنوں کے ہاتھوں میں دامن ہے پارسائی کا

(امیر مینائی)

 

[مغزل]

عشق برہنہ پا چلتا تھا اور رستے پتھریلے تھے
گھستے گھستے گھس گئے آخر کنکر جو نوکیلے تھے
تم یوں ہی ناراض ہوئے ہو ورنہ مے خانے کا پتہ
ہم نے ہر اس شخص سے پوچھا جس کے نین نشیلے تھے
کون غلام محمد قاصر دیوانے سے کرتا بات ؟
یہ چالاکوں کی بستی تھی اور حضرت شرمیلے تھے

غلام محمد قاصر