آج کا شعر - 3

[کاشف رفیق]

انگلیاں بھی اسی سوچ میں گُم ہیں فراز
جانے اس نے کیسے نئے ہاتھ کو تھاما ہوگا

 

[فاروقی]

کٹھن ہے راہگزر تھوڑی دور ساتھ چلو
بہت کڑا ہے سفر تھوڑی دور ساتھ چلو

تمام عُمر کہاں کوئی ساتھ دیتا ہے
یہ جانتا ہوں مگر تھوڑی دور ساتھ چلو

 

[محمد وارث]

ذکر اُس پری وش کا اور پھر بیاں اپنا
ہوگیا رقیب آخر جو تھا رازداں اپنا

ذکر اس پری وش کا اور پھر بیاں اپنا
بن گیا رقیب آخر تھا جو راز داں اپنا

 

[فاروقی]

وہ مجھ کو چھوڑ گیا تو یقین آیا مجھے
کوئی بھی شخص ضروری نہں کسی کے لیئے

 

[محمداحمد]

ذکر اس پری وش کا اور پھر بیاں اپنا
بن گیا رقیب آخر تھا جو راز داں اپنا

وارث بھائی

تصیح کا شکریہ!

 

[محمداحمد]

اُس نے پوچھا جناب کیسے ہو
اس خوشی کا حساب کیسے ہو

 

[کاشف رفیق]

رات بڑی مشکل سے سلایا خود کو
اپنی آنکھوں کو تیرے خواب کا لالچ دے کر

 

[حسن علوی]

یہ کہاں کی دوستی ھے کہ بنے ہیں دوست ناصح
کوئی چارہ ساز ہوتا، کوئی غم گُسار ہوتا

(غالب)

 

[مغزل]

ذکر اس غیرتِ مریم کا جب آتا ہے فراز
گھنٹیاں بجتی ہیں لفظوں کے کلیساؤں میں

احمد فراز

 

[محمداحمد]

چارہ سازوں کی چارہ سازی سے درد بدنام تو نہیں ہوگا
ہاں دوا دو مگر یہ بتلا دو مجھ کو آرام تو نہیں ہو گا

جون ایلیا

 

[فاروقی]

میرے قاتل نے پسِ دفن دعا دی مجھ کو
ایسا ہمدرد زمانے میں نہ محسن دیکھا

 

[مغزل]

کہیں شعور میں صدیوں کا خوف زندہ تھا
میں شاخِ عصر پہ بیٹھا ہوا پرندہ تھا
پھر ایک رات مجھی پر جھپٹ پڑا مرا ضبط
میں جس کو پال رہا تھا کوئی درندہ تھا

توقیر تقی (بورے والا)

 

[فاروقی]

چھو لیں اسے کہ دور سے بس دیکھتے رہیں
تارے بھی رات میری طرح مخمصے میں تھے

جگنو، ستارے، آنکھ، صبا ، تتلیاں، چراغ
سب اپنے اپنے غم کے کسی سلسلے میں تھے

 

[محمداحمد]

دل بہت مجبور تھا اظہار پر
لکھ دیے دو نام اک دیوار پر

لیاقت علی عاصم

 

[محمد وارث]

چھو لیں اسے کہ دور سے بس دیکھتے رہیں
تارے بھی رات میری طرح مخمصے میں تھے

جگنو، ستارے، آنکھ، صبا ، تتلیاں، چراغ
سب اپنے اپنے غم کے کسی سلسلے میں تھے

لا جواب، ان اشعار کے خالق کو سات سلام، واہ واہ واہ ۔۔۔۔۔۔۔۔۔۔

 

[مغزل]

بے شک جناب ۔۔ سبحان اللہ سبحان اللہ ۔۔ بہت خوب اشعار ہیں۔
۔ فاروقی بھیا ۔۔ مکمل کلام اور شاعر کا نام ہوسکے تو فراہم کیجئے۔


کچھ شعر:

پیار کا بادل جب برسا ہم دونوں پر
پہلے اس نے دل لکھا ہم دونوں پر
نرم ہوا اور پتوں میں سرگوشی تھی
دنیا بھر کو شک گزرا ہم دونوں پر
پھولوں میں جب خوشبو آنے لگتی ہے
وہ لمحہ بھی آپہنچا ہم دونوں پر
پہلے بھی کچھ عشق کے قصّے تھے ورنہ
یہ الزام بھی آجاتا ہم دونوں پر

نیّر ندیم (شاعر، کالم نگار ’’جنگ‘‘)

 

[حسن علوی]

آتا ھے میرے قتل کو پُر جوش رشک سے
مرتا ہوں ‌اس کے ہاتھ میں تلوار دیکھ کر

(غالب)

 

[زونی]

شکوہء ظلمتِ شب سے تو کہیں بہتر تھا
اپنے حصّے کی کوئی شمع جلاتے جاتے



(احمد فراز)

 

[محمد وارث]

گُل ہو، مہتاب ہو، آئینہ ہو، خورشید ہو میر
اپنا محبوب وہی ہے جو ادا رکھتا ہو

(میر تقی میر)

 

[جیا راؤ]

آج کیوں بے سبب اداس ہے جی
عشق ہوتا تو کوئی بات بھی تھی