آج کا بلاگ - آپ کے بلاگ پر نئی پوسٹ کا اقتباس!

[عین لام میم]

ہر جگہ میرے چمکنے سے!
آجکل نجی چینلوں پہ ایک کمرشل بہت چل رہی ہے جو اقبال کی مشہورِزمانہ نظم “بچے کی دعا” کے ایک مصرعے سے شروع ہوتی ہے۔ مزارِاقبال کے احاطے میں سفید اجلے لباس میں سکول کے بچے بلند آواز میں پڑھتے ہیں۔ ۔ ۔ ہر جگہ میرے چمکنے سے اجالا ہو جائے۔ ۔۔ ۔

مزید پڑھیں

 

[خورشیدآزاد]

اب ایسا نہیں ہونا چاہیئے اور نہ ہوگا کہ کچھ بھی کرو، اس کے خلاف اظہار ناپسندیدگی کرو اور پھر سب کچھ بھول جاؤ. نہیں نہیں ایسا نہیں ہوگا. فل سٹاپ

 

[گرائیں]

گرمیوں کے دن تھےاور اس زمانے میں لوڈشیڈنگ نام کی کوئی چیز نہیں ہوا کرتی تھی۔ دوپہر کا وقت تھا اور دونوں بے چینی سے کسی کا انتظار کر رہے تھے۔ سرکاری کوارٹر تھا، ٹیلی فون کی سہولت صرف امراء اور سرکاری افسروں کو ہی میسر تھی۔

 

[خورشیدآزاد]

بی بی سی اردو بلاگ - حسن مجتبیٰ

مجھے معلوم ہے کہ یہاں صرف اپنے بلاگ کی تحریر کا اقتباس پیش کیا جاتا ہے، لیکن آج بی بی سی اردو بلاگز پر حسن مجتبیٰ صاحب کا بلاگ پڑھنے کے بعد، مجھ سے رہا نہیں گیا کہ اس کا اقتباس یہاں پوسٹ نہ کروں۔

یہ بلاگ بی بی سی اردو بلاگ پر بلاگنگ کرنے والے سینیئر صحافی جناب حسن مجتبیٰ صاحب کا ہے۔

نیویارک میں دنیا کی مشہور ایمپائر اسٹیٹ بلڈنگ کی چونتیسویں منزل پر واقع ہیومن رائٹس واچ کو بارہ ہزار میل دور پاکستان میں بارہ لاکھ لوگوں کی اپنے وطن میں بے وطن بے خانماں بربادی نظر آگئی لیکن نیویارک شہر میں ہڈسن ندی کی لہروں پر 'اسکائی لائین' کروزنگ جہاز کے عرشے پر جام لنڈھاتے پاکستان کے وزیروں اور لمبی لمبی لیموزین میں چڑہ کر عوامی لیکن خانگی سیاسی فنکشنوں میں آنے والے پاکستانی حکمرانوں کو نظر کیوں نہیں آئی۔

 

[گرائیں]

سیاست

آج دن بھر سونے کے بعد شام کو آوارہ گردی کا وقت مِلا تو دوبارہ کالج کی طرف جا نکلا۔

دوست کے ساتھ کیمپس کی سڑکوں پر آوارہ گردی کرتے ہوئے میں نے مُختلف جگہوں پر شامیانے آویزاں دیکھے۔

 

[گرائیں]

گلہ ۔۔
سری لنکا کی حکومت نے بالآخر اپنے ملک میں تین دہائیوں سے جاری خانہ جنگی ختم کر ہی ڈالی۔

اس بارے میں آراء مختلف ہیں کہ یہ کام انھوں نے کیسے سرانجام دیا ، مگر یہ بات تو روز روشن کی طرح عیاں ہے کہ اگر ارادہ مصمم ہو، نیت صاف ہو تو کوئی کام بھی ناممکن نہیں۔

 

[عین لام میم]

میرے نئے بلاگ پہ پرانی پوسٹیں۔ ۔ ۔ ۔!!

 

[مغزل]

تازہ اظہاریہ:
معافی نامہ
(ایک نثم)

 

[باذوق]

۔۔۔۔۔۔۔۔۔۔۔۔
۔۔۔۔۔
عشق کو ہوا دینے والوں میں ۔۔۔۔ اہم ترین دنیائے ادب کی جنون تاب شاعری ہے اور اس کی تصوراتی اچھل کود ، فلم اور آرٹ کے تراشے ہوئے رنگین خوابوں میں کھوئے ہوئے لوگ۔۔۔۔ اب اسی عکس و آواز کے آفریدہ گھرانوں کی ہلاکت خیزیاں لوگ دیکھ رہے ہیں۔
مشرقی تہذیب کے جیالے عشق کے نام پر پردۂ سیمیں کی طوفان بدتمیزیوں کو اپنے گھروں کی آخری چوکیاں بھی ہار کے لے آئے !

یاد رہے کہ لغت کے بکھیڑوں میں جذبات کی ہلاکت خیزیاں حدوں کا تعین نہیں کرتی۔ آج الفاظ کا وجود معنوی ارتداد کا شکار ہو چکا ہے۔
۔۔۔۔۔
۔۔۔۔۔۔۔۔۔۔۔۔

مزید پڑھئے ۔۔۔ : یہ عشق نہیں آساں ۔۔۔

 

[مغزل]

یہ نقدِ جاں ہے اسے سود پر نہیں دیتے -معروف شاعر حسین مجروح سے ملاقات -- ناطقہ سے

یہ نقدِ جاں ہے اسے سود پر نہیں دیتے
قصہ معروف شاعر حسین مجروح سے ملاقات کا
تازہ اظہاریہ میرے بلاگ ’’ ناطقہ‘‘ سے ۔۔ آپ کی رائے کا پیشگی شکریہ​

سفید کڑھائی کیے ہوئے کرتے شلوار میں ملبوس ، قد قریباً ۵ فٹ ۳، انچ، سفیدی مائل گندمی رنگت ، مضبوط اور توانا ہاتھ، چوڑے چکلے شانے، مختصر سی گردن، کشمیری سیب کی سی صور ت ٹھوڑی،سیب کی قاش کی صورت تراشی ہوئی کان جن کولوئیں قہقہوں میں جلترنگ چھیڑنے پرآمادہ نظر آتی تھیں،تمتماتے ہویئے رخسار ،قندھاری انار اور خون کی سرخی سے لبریز اور پر ستم کہ بائیں رخسار کے ڈھلکتے ہوئے حصے پر تل ،مختصر دھانہ، نپے تلے تراشیدہ ہونٹ ، گھنی مونچھیں (جن میں برف کی سپیدی غالب ) اوپری ہونٹ کو مکمل طور پر اپنی آغوش میں لیے ہوئے ، مناسب ناک جو بیک وقت احساسِ تفاخر سے بلند اور انکسار سے خم،برسوں کی مشقت سمیٹے عقابی آنکھیں جن پرباہر کی جانب ۴۵ کے زاویے پر گری ہوئی پلکوں کا بوجھ ،باریک فریم اور بھاری عدسوں کی خوبصورت عینک جو آنکھوں میں کرب کو مزید واضح کرتے ہوئے باطنی احوال کی چغلی کھارہی تھی،

مزید پڑھیں >>>

 

[خرم شہزاد خرم]

http://nawaiadab.com/khurram/?p=41

 

[سارہ پاکستان]

چکن مرغی کیا ہوتا ہے؟

عمار بھائی (عمار ابن ضیاء ۔نے اپنے بلاگ پر پوچھا ہے کہ چکن قورمہ وغیرہ تو سن رکھا ہے۔ یہ چکن مرغی آخر کیا ہوتا ہے ؟
تو جناب ہم خود تو چونکہ عرصہ ہوا مرغی اور انڈے کھانے سے کنارہ کش ہوچکے ہیں‌ اس لئے اس پرندے پر تفصیل سے روشنی ڈالنے کی کوشش کرتے ہیں‌،ویسے مرغی کھانا چھوڑ دینے کی وضاحت شروع شروع میں‌ہم گھر والوں‌کو یوں‌ پیش کرتے تھے کہ یہ آپ جسے مرغی سمجھ کر کھاتے ہیں‌ یہ وہ مرغی نہیں‌ ہے بلکہ یہ ایک نیا پرندہ ایجاد کیا گیا ہے جو مرغی سے مشابہ ہے ہماری اس وضاحت پر گھر والے بس خاموش ہوجاتےسوچتے ہوں‌گے کہ یہ تو پاگل ہے ،بخدا انہوں‌نے کبھی ایسا کہنے کی جسارت نہیں‌کی لیکن سبھی کے منہ کے زاویوں‌سے ہم نے یہی اندازہ لگایا ۔

 

[مغزل]

مرزا غالب کی بدیہہ گوئی تاریخ کے اوراق سے

اس نے کہا کہ فیضی جب پہلی بار اکبر کے روبرو گیا تھا تو اس نے اڑھائی سو شعر کا قصیدہ اسی وقت ارتجالاً کہہ کر پڑھا تھا۔۔ مرزا بولے ، اب بھی اللہ کے بندے ایسے ہیں کہ دوچار سو نہیں تو دو چار شعر تو ہر موقع پر بدا ہۃً کہہ سکتے ہیں ، مخاطب نے جیب سے ایک چکنی ڈلی ( ایک طرح کی سپاری یا چھالیہ جو دوودھ میں پکا کر خشک کرلی جاتی ہے اور نہایف نفیس و لذیز ہوتی ہے) نکالی اور ہتھیلی پر رکھ لی اور مرزا سے درخواست کی کہ اس ڈلی پر کچھ ارشاد ہو ، مرزا نے گیارہ شعر کا قطعہ اسی وقت موزوں کرکے پڑھ دیا۔​

مزید پڑھیں>>>​

 

[موجو]

السلام علیکم
احباب محفل
دعا جسے سن کر رسول اللہ صلی اللہ علیہ وآلہ وسلم نے انعام دیا
حضرت انس رضی اللہ عنہ بیان کرتے ہیں کہ رسول اللہ ﷺ نے ایک بدو کو دیکھا جو نماز میں دعا کر رہا تھا اور یہ کہہ رہا تھا:
ائے اللہ جسے آنکھیں دیکھ نہیں سکتیں جسے گمان بھی نہیں پاسکتے تعریف کرنے والے اس کی تعریف بیان نہیں کرسکتے جسے حوادث تبدیل نہیں کرسکتے جسے زوال کا کوئی خوف نہیں ۔
تو جانتا ہے پہاڑوں کے وزن کو، سمندر کے پانی کو بارش کے قطروں کو، درختوں کے پتوں کو، جو رات کے اندھیرے میں ہے، اور جو دن کی روشنی میں ہے
کوئی آسمان تجھ سے کسی دوسرے آسمان کو چھپا نہیں سکتا
مزید۔۔۔۔۔۔۔۔۔۔۔۔۔۔۔۔۔۔

 

[مغزل]

صلائے عام

شوخی ء تحریر ۔۔ عنیقہ ناز کا بلاگ

آپ یونیورسٹی کی تعلیم حاصل کرنا چاہتے ہیں لیکن اس کی فیس آپ کے لئے ایک مسئلہ ہے تو میں آپ کو مایوس نہیں دیکھنا چاہتی۔
ہیں لوگ وہی اچھے آتے ہیں جو کام دوسروں کے۔ اقوام متحدہ کے ایک ادارے نے آپ کی مشکل آسان کرنے کے لئے ایک آن لائن
یونیورسٹی قائم کی ہے --------------------------------------- کام کی نہیں تو اقوام متحدہ والوں کو برا بھلا کہئیے۔ اور مجھے بھول جائیے گا۔

 

[گرائیں]

ایک لمحے کو خیال آیا ، اپنے تین مَیموں والے مغل بھائی کو ضرور کچھ ہوا ہے جو اتنی آسان اردو میں کچھ لکھ دیا ہے۔ وہ تو دوبارہ دیکھنے پر علم ہوا کہ عنیقہ صاحبہ کے لئے جناب نے اتنی زحمت کی ہے۔۔

 

[خرم شہزاد خرم]

سورج (عروج و زوال)​

دومہینے ہو گے مجھے ابوظہبی آئے ہوئے ان دو مہنوں میں نا تو میں نے سورچ کو غروب ہوئے دیکھا ہے۔ اور نا ہی طلوع ہوتے ہوئے دیکھا ہے۔ دن کو کبھی کبھی دھوپ دیکھ لیتا ہوں لیکن سورچ نہیں دیکھا ہے۔ مجھے اچھی طرح یاد ہے جب میں پاکستان میں ہوا کرتا تھا تو تقریباََ روز سورج کو دیکھا کرتا تھا۔ کبھی گھر کی چھت سے دیکھتا تھا مشرق کی طرف سے سورج بہت آہستہ آہستہ زمین کے کسی کونے سے نمودار ہو رہا ہوتا تھا۔ جیسے زمین ہی سورج کو اگل رہی ہو۔ اس وقت سورج کسی بچے کی طرح معصوم سا نظر آتا تھا ہلکی ہلکی روشنی کو زمین کی طرف کی نذر کرتا ہوں پستی سے بلندی کی طرف

 

[خرم شہزاد خرم]

نوید نے ٹیکسی ایک طرف روکی اور سواری کا انتظار رکنے لگا وہ زیادہ دیر نہیں‌رکھا تھا کہ ایک بزرگ اس کی ٹیکسی کے پاس آئے اور السلام کیا
السلام علیکم بیٹا صادق آباد جانا ہے چلو گے
جی سر ضرور جاؤں گا آئے بیٹھے
کتنے پیسے ہونگے
جو مناسب ہو دے دیجئے گا
اصل میں بیٹا میں نے وہاں جانا ہے اور وہاں اے دو مہمان خواتین کو لے کر آنا ہے میں نے وہاں رکنا نہیں ہے آپ آنے جانے کا تہہ کر لیں
جی ٹھیک ہے ویسے جانے کا تو ہم 80 روپے لیتے ہیں۔ آئنے جانے کا ملا کر 150 لے لوں گا

 

[گرائیں]

ہم بھی طالبان ہوں۔

کل ایک مقامی روزنامے (روزنامہ آج ) میں ایک چھوٹے شہر میں نئے تعینات شدہ ایس ایچ او کا ایک بیا ن پڑھا۔ موصوف علاقے کے معززین سے خطاب کر رہے تھے۔ میں ذرا جلدی میں تھا اس لیئے پوری خبر کی تصویر نہ بنا سکا، سوچا تھا واپسی پر بنا لوں گا مگر واپس اُس جگہ جانا نصیب نہ ہوا۔

جاری رکھئیےَ>>>

 

[گرائیں]

ہم بھی طالبان ہوں۔۔۔ 2

میڈیکل کی زندگی کے بارے میں کچھ لکھنا شروع کیا تھا، مگر پھر متضاد خیالات کی بنا ء پر نا مکمل چھوڑ دیا۔ کچھ گزارشات یہاں کی تھیں اور کچھ یہاں۔ پھر ایک مہربان مبصر ، جناب جاوید گوندل نے بارسیلونا سپین سےحکم دیا کہ پی ایم ڈی سی کے استحصالی کردار کے بارے میں بھی کچھ لکھوں۔

کچھ مواد جمع کیا، اور لکھنا بھی شروع کیا مگر، میں ایک کاہل انسان، کس کس کام کو مکمل کروں؟ لہذا سب کچھ چھوڑ دیا۔ جاوید بھائی۔ میرا ارادہ ہے اس بارے میں لکھنے کا، مگر میں ابھی پوری طرح اردو میں ٹائپ کرنے پر قادر نہیں ہوا اس لیئے اپنا مافی ا لضمیر اچھی طرح بیان نہیں کر سکتا۔ انشاء اللہ ضرور آپ کے حکم کی تعمیل ہوگی۔

جاری رکھئے ۔۔۔۔