خواجہ حیدر علی آتش

  1. طارق شاہ

    آتش خواجہ حیدر علی::::: چمن میں رہنے دے کون آشیاں، نہیں معلوم ::::: Khwaja Haidar Ali Aatish

    غزل خواجہ حیدر علی آتشؔ چمن میں رہنے دے کون آشیاں، نہیں معلُوم نہال کِس کو کرے باغباں، نہیں معلوم مِرے صنم کا کسی کو مکاں نہیں معلُوم خُدا کا نام سُنا ہے، نشاں نہیں معلُوم اخیر ہوگئے غفلت میں دِن جوانی کے! بہار عمر ہُوئی کب خزاں نہیں معلُوم سُنا جو ذکرِ الٰہی، تو اُس صنم نے کہا عیاں کو جانتے...
  2. طارق شاہ

    آتش خواجہ حیدر علی:::::عِشق کے سَودے سے پہلے دردِ سر کوئی نہ تھا ::::: Khwaja Haidar Ali Aatish

    غزل خواجہ حیدر علی آتشؔ عِشق کے سَودے سے پہلے دردِ سر کوئی نہ تھا داغِ دِل خندہ زن، زخمِ جِگر کوئی نہ تھا جوہری کی آنکھ سے دیکھے جواہر بیشتر لعلِ لب سالعل، دنداں سا گُہر کوئی نہ تھا خوب صُورت یُوں تو بہتیرے تھے، لیکن یار سا! نازنیں، نازک بدن، نازک کمر کوئی نہ تھا رہ گئی دِل ہی میں اپنے حسرتِ...
  3. طارق شاہ

    آتش خواجہ حیدر علی آتؔش ::::: خُدا کرے نہ تمھیں میرے حال سے واقف ::::: Khwaja Haidar Ali Aatish

    غزل خواجہ حیدر علی آتشؔ خُدا کرے نہ تمھیں میرے حال سے واقف نہ ہو مزاجِ مبارک ملال سے واقف نہیں جو روز شب وماہ وسال سے واقف وہی ہے خُوب زمانےکے حال سے واقف زباں سے کِس کی مہِ چاردہ نہیں سُنتے! زمانہ ہے تِرے فضل و کمال سے واقف دُعائے خیر ، یہی ہے مری حَسِینوں کو نہ ہو کمال تمھارا زوال سے واقف...
  4. فرخ منظور

    آتش یہ قصہ ہے جب کا کہ آتشؔ جواں تھا ۔ خواجہ حیدر علی آتش

    شبِ وصل تھی چاندنی کا سماں تھا بغل میں صنم تھا خدا مہرباں تھا مبارک شبِ قدر سے بھی وہ شب تھی سحر تک مہ و مشتری کا قراں تھا وہ شب تھی کہ تھی روشنی جس میں دن کی زمیں پر سے اک نور تا آسماں تھا نکالے تھے دو چاند اس نے مقابل وہ شب صبحِ جنت کا جس پر گماں تھا عروسی کی شب کی حلاوت تھی حاصل...
  5. فرخ منظور

    آتش نہ پوچھ حال مرا چوبِ خشک صحرا ہوں ۔ خواجہ حیدر علی آتش

    وہ نازنیں یہ نزاکت میں کچھ یگانہ ہوا جو پہنی پھولوں کی بَدّھی تو دردِ شانہ ہوا شہید و ناز و ادا کا ترے زمانہ ہوا اڑایا مہندی نے دل، چور کا بہانہ ہوا شب اس کے افعیِ گیسو کا جو فسانہ ہوا ہوا کچھ ایسی بندھی گُل چراغِ خانہ ہوا نہ زلفِ یار کا خاکہ بھی کر سکا مانی ہر ایک بال میں کیا کیا نہ شاخسانہ...
  6. فرخ منظور

    آتش پامال کیجیے انھیں رفتارِ ناز کا ۔ خواجہ حیدر علی آتش

    پامال کیجیے انھیں رفتارِ ناز کا طاؤس وکبک رکھتے ہیں دعویٰ نیاز کا لکھتا ہوں وصف ان مژہ ہائے دراز کا لیتا قلم سے کام ہوں میں نیزہ باز کا ساقی سمائے اس میں ہزاروں خُمِ شراب کشتیِ مے کو ظرف، خدا دے جہاز کا اللہ رے صفائے بیانِ حدیثِ دوست دم بند ہے فصاحتِ اہلِ حجاز کا ہوتا ہے شعبدوں سے ترے آسماں...
  7. طارق شاہ

    آتش خواجہ حیدر علی آتؔش ::::: آئنہ سینۂ صاحب نظراں ہے کہ جو تھا ::::: Khwaja Haidar Ali Aatish

    غزل خواجہ حیدر علی آتؔش آئنہ سینۂ صاحب نظراں ہے کہ جو تھا چہرۂ شاہدِ مقصُود عیاں ہے کہ جو تھا عِشقِ گُل میں وہی بُلبُل کا فُغاں ہے کہ جو تھا پرتَوِ مہ سے وہی حال کتاں ہے کہ جو تھا عالَمِ حُسن ِخُداداد ِبُتاں ہے کہ جو تھا ناز و انداز بَلائے دِل و جاں ہے کہ جو تھا راہ میں تیری شب و روز بَسر...
  8. فرخ منظور

    آتش کام کرتی رہی وہ چشمِ فسوں ساز اپنا ۔ خواجہ حیدر علی آتش

    کام کرتی رہی وہ چشمِ فسوں ساز اپنا لبِ جاں بخش دکھایا کیے اعجاز اپنا سرو گڑ جائیں گے گُل خاک میں مل جاویں گے پاؤں رکھے تو چمن میں وہ سرافراز اپنا خندہ زن ہیں، کبھی گریاں ہیں، کبھی نالاں ہیں نازِ خوباں سے ہوا ہے عجب انداز اپنا یہی اللہ سے خواہش ہے ہماری اے بُت کورِ بد بیں ہو ترا، گُنگ ہو...
  9. مدیحہ گیلانی

    آتش سوتا ہوں ہاتھ گردنِ مینا میں ڈال کے ۔۔۔۔۔۔۔۔۔خواجہ حیدر علی آتش

    زاہد فریفتہ ہیں مرے نونہال کے عاشق بزرگ لوگ ہیں اس خورد سال کے ہر شب شبِ برات ہے، ہر روز عید ہے سوتا ہوں ہاتھ گردنِ مینا میں ڈال کے مضمونِ رفتگاں ہے طبیعت کو اپنی ننگ گاہک نہ ہوویں ہم کبھی مردے کے مال کے شان و شکوہ نے ہمیں برباد کر دیا مثلِ حباب اُڑ گئے خیمہ نکال کے رنجِ خمار اٹھانے کی...
  10. کاشفی

    آتش تاصبح نیند آئی نہ دم بھر تمام رات - آتش

    غزل (آتش) تاصبح نیند آئی نہ دم بھر تمام رات نوچکیّاں چلیں مرے سر پر تمام رات اللہ رے صبح عید کی اُس حور کی خوشی شانہ تھا اور زلفِ معنبر تمام رات کھولے بغل کہیں لحدِ تیرہ روزگار سویا نہیں کبھی میں لپٹ کر تمام رات کنڈی چڑھا کے شام سے وہ شوخ سورہا پٹکا کیا میں سر...
  11. فرخ منظور

    آتش مرے دل کو شوقِ فغاں نہیں، مرے لب تک آتی دعا نہیں ۔ آتش

    مرے دل کو شوقِ فغاں نہیں، مرے لب تک آتی دعا نہیں وہ دہن ہوں جس میں زباں نہیں، وہ جرس ہوں جس میں صدا نہیں نہ تجھے دماغِ نگاہ ہے، نہ کسی کو تابِ جمال ہے انہیں کس طرح سے دکھاؤں میں، وہ جو کہتے ہیں کہ خدا نہیں کسے نیند آتی ہے اے صنم، ترے طاقِ ابرو کی یاد میں کبھی آشنائے تہِ بغل، سرِ مرغِ قبلہ نما...
  12. فرخ منظور

    آتش ہوائے دورِ مئے خوش گوار راہ میں ہے ۔ آتش

    غزل ہوائے دورِ مئے خوش گوار راہ میں ہے خزاں چمن سے ہے جاتی بہار راہ میں ہے گدا نواز کوئی شہسوار راہ میں ہے بلند آج نہایت غبار راہ میں ہے شباب تک نہیں پہونچا ہے عالمِ طفلی ہنوز حسنِ جوانیِ یار راہ میں ہے عدم کے کوچ کی لازم ہے فکر ہستی میں نہ کوئی شہر نہ کوئی دیار راہ میں ہے طریقِ عشق میں اے...
  13. کاشفی

    آتش آئے بہار جائے خزاں ہو چمن درست - حیدر علی آتش

    غزل (حیدر علی آتش) آئے بہار جائے خزاں ہو چمن درست بیمار سال بھر کے نظر آئیں تندرست حالِ شکستہ کا جو کبھی کچھ بیان کیا نکلا نہ ایک اپنی زباں سے سخن درست رکھتے ہیں آپ پاؤں کہیں پڑتے ہیں کہیں رفتار کا تمہاری نہیں ہے چلن درست جو پہنے اُس کو جامہء عریانی ٹھیک ہو اندام پر ہر اک...
  14. کاشفی

    آتش طریقِ عشق میں مارا پڑا ، جو دل بھٹکا - حیدر علی آتش

    غزل (حیدر علی آتش) طریقِ عشق میں مارا پڑا ، جو دل بھٹکا یہی وہ راہ ہے جس میں ہے جان کا کھٹکا نہ بوریا بھی میسّر ہوا بچھانے کو ہمیشہ خواب ہی دیکھا کیے چھپر کھٹ کا شبِ فراق میں اُس غیرتِ مسیح بغیر اُٹھا اُٹھا کے مجھے، دردِ دل نے دے پٹکا پری سے چہرہ کو اپنے وہ نازنیں...
  15. کاشفی

    آتش فریبِ حُسن سے گبرو مسلماں کا چلن بگڑا - حیدر علی آتش

    غزل (حیدر علی آتش) فریبِ حُسن سے گبرو مسلماں کا چلن بگڑا خدا کی یاد بھولا شیخ، بُت سے برہمن بگڑا امانت کی طرح رکھا زمیں نے روز محشر تک نہ اک مُو کم ہوا اپنا ، نہ اک تارِ کفن بگڑا لگے مُنہ بھی چڑانے دیتے دیتے گالیاں صاحب زباں بگڑی تو بگڑی تھی خبر لیجئے دہن بگڑا بناوٹ...
  16. کاشفی

    آتش حشر کو بھی دیکھنے کا اُسکے ارما‌ں رہ گیا - حیدر علی آتش

    غزل (حیدر علی آتش) حشر کو بھی دیکھنے کا اُسکے ارما‌ں رہ گیا دن ہوا پر آفتاب آنکھوں سے پنہاں رہ گیا دوستی نبھتی نہیں ہرگز فرو مایہ کے ساتھ روح جنت کو گئی جسمِ گِلی یاں رہ گیا چال ہے مجھ ناتواں کی مرغِ بسمل کی تڑپ ہر قدم پر ہے یقین ، یاں رہ گیا، واں رہ گیا کر کے آرایش، جو...
  17. فرخ منظور

    آتش ہے جب سے دستِ یار میں ساغر شراب کا ۔ آتش

    غزل ہے جب سے دستِ یار میں ساغر شراب کا کوڑی کا ہو گیا ہے کٹورا گلاب کا صیاد نے تسلیِ بلبل کے واسطے کنجِ قفس میں حوض بھرا ہے، گلاب کا دریائے خوں کیا ہے تری تیغ نے رواں حاصل ہوا ہے رتبہ سروں کو، حباب کا جو سطر ہے، وہ گیسوئے حورِ بہشت ہے خالِ پری ہے نقطہ، ہماری کتاب کا نور آسماں ہیں صفحۂ اوّل...
  18. فرخ منظور

    آتش یار کو میں نے مجھے یار نے سونے نہ دیا ۔ آتش

    غزل یار کو میں نے مجھے یار نے سونے نہ دیا رات بھر طالعِ بیدار نے سونے نہ دیا خاک پر سنگِ درِ یار نے سونے نہ دیا دھوپ میں سایۂ دیوار نے سونے نہ دیا شام سے وصل کی شب آنکھ نہ جھپکی تا صبح شادئ دولتِ دیدار نے سونے نہ دیا ایک شب بلبلِ بے تاب کے جاگے نہ نصیب پہلوئے گُل میں کبھی خار نے سونے نہ دیا...
  19. فرخ منظور

    آتش محبت سے بنا لیتے ہیں اپنا دوست دشمن کو- آتش

    محبت سے بنا لیتے ہیں اپنا دوست دشمن کو جھکاتی ہے ہماری عاجزی سرکش کی گردن کو نقاب اس آفتاب حسن کا اندھیر رکھتا ہے رخ روشن چھپاکر سب کیا ہے روز روشن کو اڑاتے دولتِ دنیا کو ہیں ہم عشق بازی میں طلائی رنگ پر صدقے کیا کرتے ہیں کندن کو قبائے سرخ وہ اندامِ نازک دوست رکھتا ہے ملانا خاک میں...
  20. محمد وارث

    آتش غزل - خوشا وہ دل کہ ہو جس دل میں‌ آرزو تیری - آتش

    خوشا وہ دل کہ ہو جس دل میں‌ آرزو تیری خوشا دماغ جسے تازہ رکھّے بُو تیری پھرے ہیں مشرق و مغرب سے تا جنوب و شمال تلاش کی ہے صنم ہم نے چار سُو تیری شبِ فراق میں اک دم نہیں قرار آیا خدا گواہ ہے، شاہد ہے آرزو تیری دماغ اپنا بھی اے گُلبدن معطّر ہے صبا ہی کے نہیں حصّے میں آئی بُو تیری مری طرف...
Top