ایک نظم-- معجزہ ۔۔۔ نوید صادق

نوید صادق

محفلین
نوید صادق

معجزہ​

ہمارے ہاتھ کٹنے سے بہت پ
ہلے
سُنا ہے، لوگ کہتے تھے
”یہاں اک شہسوار آئے گا
جس کی چاپ سے دیوارِ استبداد میں رخنے پڑیں گے
ملائک آسمانوں سے اُتر آئیں گے اُس کے ساتھ چلنے کو
وہ اپنے گُرزِ ہیبت ناک سے،تلوار سے
خوشحالیوں کے عہد کی بُنیاد رکھے گا“

بہت ممکن ہے
اب بھی لوگ کہتے ہوں
”یہاں اک شہسوار آئے گا
جس کی چاپ ---- !!!! “

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔(ںوید صادق)
 

مغزل

محفلین
اے ہے ۔۔ اف فففف۔۔۔
سبحان اللہ ، سبحان اللہ ، سبحان اللہ ، سبحان اللہ ، ۔۔۔ نوید بھائی جواب نہیں ، ۔ کمال تاثر ہے نظم کا، مجھے تو لگتا ہے روایت شکنی میں آپ ہمیں اپنا مرید قبول کرہی لیں گے ، کمال اوج پر ہے نظم اپنی حسیت، نفسِ مضمون ، اتار چڑھاؤ،دروبست اور وحدتِ تاثر۔۔۔ ایک سے ایک ندرت ایک ایک کمال ، اس پرسہاگہ کہ نظم طویل نہیں ، حالانکہ موضوع مکمل نشست کا متقاضی ہے ، ۔۔ سب سے بڑی بات کہ نظم کا مزاج سرگوشی پر منطبق ہے اور قصہ خوانی کی مجلس میں مجلسیوں کے چہروں پر زرد الاؤ کے رنگ میں بے یقینی کی گومگوں کیفیت چھوڑتا ہوا۔۔۔۔ ایں سعادت بزورِ بازو نیست، کاش مجھے دست بوسی کا شرف حاصل ہوتا آپ سے۔۔
 

مغزل

محفلین
آپ ہمیں شرمندہ کرنے کی ایک عدد ناکام کوشش کر رہے ہیں!!:)

قبلہ ، نہ تو مجھے منافقت آتی ہے اور نہ شعوری طور پر ایسا کرتا ہوں ۔ سو میرے بیان کوشرمندہ کرنے کے تناظر میں مت لیجیے ۔
اے کاش کے میں روانی میں دست بوسی کی بجائے قدم بوسی لکھ جاتا ۔اے کاش
 

مغزل

محفلین
اوہ۔۔ گڑیا ۔۔ کیا میں کوشش کروں‌سمجھانے کی ؟؟
(‌اس نظم پر ایک تنقیدی مضمون لکھا جاسکتا ہے ، انشا اللہ تفہیم آسان ہوجائے گی )
 

آصف شفیع

محفلین
نوید صاحب، بہت عمدہ نظم کہی ہے۔ اس نظم کی خوبی اس کا اختصار اور جامیعیت ہے۔ ملائکہ صاحبہ کو نظم شاید ڈرامائی اختتمام کی وجہ سے سمجھ نہیں آئی۔
 

فرخ منظور

لائبریرین
بہت خوب نظم ہے۔ واہ واہ! نوید بھائی، آپ کے نظمیں تو غزلوں سے بازی لیتی جا رہی ہیں۔ بہت داد قبول فرمائیں۔ :)
 

S. H. Naqvi

محفلین
معجزہ


ہمارے ہاتھ کٹنے سے بہت پہلے
سُنا ہے، لوگ کہتے تھے
”یہاں اک شہسوار آئے گا
جس کی چاپ سے دیوارِ استبداد میں رخنے پڑیں گے
ملائک آسمانوں سے اُتر آئیں گے اُس کے ساتھ چلنے کو
وہ اپنے گُرزِ ہیبت ناک سے،تلوار سے
خوشحالیوں کے عہد کی بُنیاد رکھے گا“

بہت ممکن ہے
اب بھی لوگ کہتے ہوں
”یہاں اک شہسوار آئے گا
جس کی چاپ ---- !!!! “

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ (ںوید صادق
 

مغزل

محفلین
نقوی صاحب اپنا تعار ف باقائدہ دیجے ، تعارف کی لڑی میں ویسے آپ کا تکیہ کلام ” سب مایہ ہے ’’ بھی خوب تعارف ہے ۔
 

الف عین

لائبریرین
واہ نوید۔ واقعی کیا ڈرامائی نظم کہی ہے۔ ماشاء اللہ۔ لگتا ہے کہ نظموں کا ایک مجموعہ ہونے والا ہے۔
 
Top