ظہیراحمدظہیر

لائبریرین
بہت عرصے کے بعد کچھ تازہ اشعار احبابِ محفل کی خدمت میں پیش کررہا ہوں ۔ خاکدان کا مجموعہ ترتیب دینے کے بعد بھی کئی ساری پرانی غزلیں اور نکل آئی ہیں ۔ چند ایک کی نوک پلک درست کرکے مکمل بھی کرلیا ہے اور وقتاً فوقتاً آپ کے ذوق کی نذر کرنے کا ارادہ ہے ۔ فی الحال یہ تازہ اشعار دیکھئے گا ۔ امید ہے کہ آپ کو پسند آئیں گے ۔

٭٭٭

اب تری یاد میں غم بھی ہوئے شامل میرے
مل گئے میرے مسیحا سے یہ قاتل میرے

دن نکلتے ہی چلے آئے مقابل میرے
یہ مری جاں کے طلبگار ، مسائل میرے

بے اماں کر گئی مجھ کو تو جزیروں کی تلاش
اب سمندر ہی رہا میرا نہ ساحل میرے

یہ سبب کم تو نہ تھا ترکِ تمنا کے لئے
تیری امید سے کم کم تھے وسائل میرے

مشکلیں جب سے بنیں سہل پسندی کا جواز
کام ہوتے گئے کچھ اور بھی مشکل میرے​

کیا کہوں دوستو میں اپنی وکالت میں اب اور
یہ مرے زخمِ مروّت ہیں دلائل میرے

-
اک طرف میں ہوں ، مری راہ گزر ، میری تھکن
اک طرف خواب نا آسودۂ منزل میرے

ہاتھ محوِ رقمِ نغمۂ آزادیِ رقص
پیر وابستۂ زنجیر و سلاسل میرے

-
مرے عادل نے مجھے جو بھی دیا ٹھیک دیا
اور کچھ تھا بھی نہیں دہر میں قابل میرے

حرفِ توصیف نہ بدلے گا حقیقت کو مری
مجھے معلوم ہے کیا کیا ہیں فضائل میرے​

کیسے آئے مری تمثیل میں سچائی ظہیؔر
سبھی کردار ہیں پروردۂ باطل میرے

٭٭٭

ظہیرؔ احمد ۔ ۔ ۔۔ ۔۔ ۔۔ ۔ ۲۰۲۱

 
آخری تدوین:
لاجواب ظہیر بھائی۔
ایک ایک شعر بیت الغزل
شاندار واپسی :)
اب تری یاد میں غم بھی ہوئے شامل میرے
مل گئے میرے مسیحا سے یہ قاتل میرے

دن نکلتے ہی چلے آئے مقابل میرے
یہ مری جاں کے طلبگار ، مسائل میرے

بے اماں کر گئی مجھ کو تو جزیروں کی تلاش
اب سمندر ہی رہا میرا نہ ساحل میرے

یہ سبب کم تو نہ تھا ترکِ تمنا کے لئے
تیری امید سے کم کم تھے وسائل میرے

مشکلیں جب سے بنیں سہل پسندی کا جواز
کام ہوتے گئے کچھ اور بھی مشکل میرے
کیا کہوں دوستو میں اپنی وکالت میں اب اور
یہ مرے زخمِ مروّت ہیں دلائل میرے

-
اک طرف میں ہوں ، مری راہ گزر ، میری تھکن
اک طرف خواب نا آسودۂ منزل میرے

ہاتھ مصروفِ رقم نغمۂ آزادیِ رقص
پیر وابستۂ زنجیر و سلاسل میرے

-
مرے عادل نے مجھے جو بھی دیا ٹھیک دیا
اور کچھ تھا بھی نہیں دہر میں قابل میرے

حرفِ توصیف نہ بدلے گا حقیقت کو مری
مجھے معلوم ہے کیا کیا ہیں فضائل میرے

کیسے آئے مری تمثیل میں سچائی ظہیؔر
سبھی کردار ہیں پروردۂ باطل میرے​
 

ظہیراحمدظہیر

لائبریرین
لاجواب ظہیر بھائی۔
ایک ایک شعر بیت الغزل
شاندار واپسی :)
بہت شکریہ! نوازش! ممنون ہوں تابش بھائی! مجھے خوشی ہے کہ آپ کو اشعار پسند آئے ۔ اللہ آپ کو خوش رکھے ۔

یہ سال شاعری کے لئے زرخیز رہا ہے اب تک۔ دو تازہ غزلیں اور ہیں ۔ وارننگ دے دی ہے ، تیار رہئے گا ۔:)
 

سید عاطف علی

لائبریرین
اب تری یاد میں غم بھی ہوئے شامل میرے
مل گئے میرے مسیحا سے یہ قاتل میرے
واہ خوب غزل ہے ظہیر بھائی ۔ شاد آباد
 

محمداحمد

لائبریرین
واہ واہ واہ
بہت خوبصورت غزل ہے ظہیر بھائی!
ماشاء اللہ !
سب اشعار ایک سے بڑھ کر ایک ہیں۔

اب تری یاد میں غم بھی ہوئے شامل میرے
مل گئے میرے مسیحا سے یہ قاتل میرے
کیا کہنے!
عمدہ مطلع ہے۔
بے اماں کر گئی مجھ کو تو جزیروں کی تلاش
اب سمندر ہی رہا میرا نہ ساحل میرے
واہ !
واقعی
مشکلیں جب سے بنیں سہل پسندی کا جواز
کام ہوتے گئے کچھ اور بھی مشکل میرے
یہ تو ہمارا حال کہا آپ نے۔
کیا کہوں دوستو میں اپنی وکالت میں اب اور
یہ مرے زخمِ مروّت ہیں دلائل میرے​
اللہ اللہ!

-
اک طرف میں ہوں ، مری راہ گزر ، میری تھکن
اک طرف خواب نا آسودۂ منزل میرے
بہت خوب
مرے عادل نے مجھے جو بھی دیا ٹھیک دیا
اور کچھ تھا بھی نہیں دہر میں قابل میرے
کیا کہنے ! واہ واہ!

ظہیر بھائی آپ کی غزل لائقِ صد ستائش ہے۔
ڈھیرو ں داد قبول کیجے۔ :) :)
 
بہت عرصے کے بعد کچھ تازہ اشعار احبابِ محفل کی خدمت میں پیش کررہا ہوں ۔ خاکدان کا مجموعہ ترتیب دینے کے بعد بھی کئی ساری پرانی غزلیں اور نکل آئی ہیں ۔ چند ایک کی نوک پلک درست کرکے مکمل بھی کرلیا ہے اور وقتاً فوقتاً آپ کے ذوق کی نذر کرنے کا ارادہ ہے ۔ فی الحال یہ تازہ اشعار دیکھئے گا ۔ امید ہے کہ آپ کو پسند آئیں گے ۔

٭٭٭

اب تری یاد میں غم بھی ہوئے شامل میرے
مل گئے میرے مسیحا سے یہ قاتل میرے

دن نکلتے ہی چلے آئے مقابل میرے
یہ مری جاں کے طلبگار ، مسائل میرے

بے اماں کر گئی مجھ کو تو جزیروں کی تلاش
اب سمندر ہی رہا میرا نہ ساحل میرے

یہ سبب کم تو نہ تھا ترکِ تمنا کے لئے
تیری امید سے کم کم تھے وسائل میرے

مشکلیں جب سے بنیں سہل پسندی کا جواز
کام ہوتے گئے کچھ اور بھی مشکل میرے​

کیا کہوں دوستو میں اپنی وکالت میں اب اور
یہ مرے زخمِ مروّت ہیں دلائل میرے

-
اک طرف میں ہوں ، مری راہ گزر ، میری تھکن
اک طرف خواب نا آسودۂ منزل میرے

ہاتھ مصروفِ رقم نغمۂ آزادیِ رقص
پیر وابستۂ زنجیر و سلاسل میرے

-
مرے عادل نے مجھے جو بھی دیا ٹھیک دیا
اور کچھ تھا بھی نہیں دہر میں قابل میرے

حرفِ توصیف نہ بدلے گا حقیقت کو مری
مجھے معلوم ہے کیا کیا ہیں فضائل میرے​

کیسے آئے مری تمثیل میں سچائی ظہیؔر
سبھی کردار ہیں پروردۂ باطل میرے

٭٭٭

ظہیرؔ احمد ۔ ۔ ۔۔ ۔۔ ۔۔ ۔ ۲۰۲۱

خوبصورت خوبصورت! کیا بات ہے صاحب! داد وصول فرمائیے
 

میم الف

محفلین
ماشا٫اللہ - بہت عمدہ اشعار
ظہر کا وقت ظہور پذیر ہے اور ایسے میں ظہیر صاحب کے اشعار پہ اظہار خیال کر رہا ہوں۔
شاید یہ اس بات کا مظہر ہے کہ جو روشنی و حرارت ظہر کے وقت کو حاصل ہے، وہی ان اشعار کو بھی ہے۔
 

یاسر شاہ

محفلین
السلام علیکم ظہیر بھائی۔
اب تری یاد میں غم بھی ہوئے شامل میرے
مل گئے میرے مسیحا سے یہ قاتل میرے

دن نکلتے ہی چلے آئے مقابل میرے
یہ مری جاں کے طلبگار ، مسائل میرے

بے اماں کر گئی مجھ کو تو جزیروں کی تلاش
اب سمندر ہی رہا میرا نہ ساحل میرے
کیا اچھے اشعار ہیں ۔ما شاء اللہ
یہ سبب کم تو نہ تھا ترکِ تمنا کے لئے
تیری امید سے کم کم تھے وسائل میرے
واہ۔حسب حال۔
اک طرف میں ہوں ، مری راہ گزر ، میری تھکن
اک طرف خواب نا آسودۂ منزل میرے
واہ ۔
یہاں "نا" کو زیادہ دبا دیا۔نہیں؟

بہرحال ایک عمدہ غزل پہ ہدیہء داد حاضر ہے۔:)
 

میم الف

محفلین
ماشا٫اللہ - بہت عمدہ اشعار
ظہر کا وقت ظہور پذیر ہے اور ایسے میں ظہیر صاحب کے اشعار پہ اظہار خیال کر رہا ہوں۔
شاید یہ اس بات کا مظہر ہے کہ جو روشنی و حرارت ظہر کے وقت کو حاصل ہے، وہی ان اشعار کو بھی ہے۔
یہ تبصرہ کرنے کے بعد لیٹا ہی تھا کہ ایک لفظ اظہر بھی ذہن میں آ گیا۔
اگر پہلے ذہن میں آ جاتا تو اسے بھی اس تبصرے میں پرو دیتا۔
ایسے شعر کہنے والے تو کم ہیں ہی - ایسی داد دینے والے بھی اب کہاں ہیں - آہ!
 

ظہیراحمدظہیر

لائبریرین
اب تری یاد میں غم بھی ہوئے شامل میرے
مل گئے میرے مسیحا سے یہ قاتل میرے
واہ خوب غزل ہے ظہیر بھائی ۔ شاد آباد
آداب ! نوازش ! بہت شکریہ عاطف بھائی !
اللہ آپ کو سلامت رکھے ، آپ نے دل بڑھادیا ۔ بہت شکریہ!
 

ظہیراحمدظہیر

لائبریرین
واہ واہ واہ
بہت خوبصورت غزل ہے ظہیر بھائی!
ماشاء اللہ !
سب اشعار ایک سے بڑھ کر ایک ہیں۔


کیا کہنے!
عمدہ مطلع ہے۔

واہ !
واقعی

یہ تو ہمارا حال کہا آپ نے۔

اللہ اللہ!


بہت خوب

کیا کہنے ! واہ واہ!

ظہیر بھائی آپ کی غزل لائقِ صد ستائش ہے۔
ڈھیرو ں داد قبول کیجے۔ :) :)

بہت بہت شکریہ احمد بھائی !
اچھے شاعر کی طرف سے حرفِ تحسین ہمیشہ باعثِ افتخار ہوتا ہے۔ اللہ آپ کو خوش رکھے ۔
ڈھیروں شکریہ!:):):)
 

ظہیراحمدظہیر

لائبریرین
Top