آپ کے پسندیدہ اشعار!

[کاشفی]

خراب کر دی نا ہوش و حواس کی دُنیا
یہ کیا کیا کہ مجھے مُسکرا کے دیکھ لیا
(بہزاد لکھنوی)

 

[عینی مروت]

عجب تھا جرمِ محبت کہ جس پہ دل نے مرے
سزا بھی پائی نہیں اور معاف بھی نہ ہوا

 

[عبدالقیوم چوہدری]

عجب تھا جرمِ محبت کہ جس پہ دل نے مرے
سزا بھی پائی نہیں اور معاف بھی نہ ہوا

(۔۔۔۔۔۔۔۔)

 

[عینی مروت]

(۔۔۔۔۔۔۔۔)

؟؟

 

[عبدالقیوم چوہدری]

؟؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(بہزاد لکھنوی)

 

[محمد وارث]

چلتا ہوں تھوڑی دُور ہر اک تیز رو کے ساتھ
پہچانتا نہیں ہوں ابھی راہبر کو میں

غالب

 

[چوہدری لیاقت علی]

جو ملا اس نے بے وفائی کی
کچھ عجب رنگ ہے زمانے کا
مصحفی

 

[چوہدری لیاقت علی]

تالیف نسخہ ہائے وفا کر رہا تھا میں
مجموعہ خیال ابھی ابھی فرد فرد تھا
غالب

 

[طارق شاہ]

مُصحفی! وصل میں اُس کے جو مُوا جاتا ہو
اُس پہ ایّامِ جُدائی میں سِتم کیا ہوگا

غلام ہمدانی مصحفی

 

[طارق شاہ]

چھوڑا نہ رشک نے، کہ تِرے گھر کا نام لوُں
ہراِک سے پُو چھتا ہُوں کہ، جاؤں کِدھرکو میں

اسداللہ خاں غالب

 

[طارق شاہ]

ہے ہے تمیزِ عِشق و ہَوَس آج تک نہیں
وہ چُھپتے پھرتے ہیں مجھے بیتاب دیکھ کر

حکیم مومن خاں مومن

 

[طارق شاہ]

دِکھا تو دیتی ہے بہتر حیات کے سپنے !
خراب ہو کے بھی، یہ زندگی خراب نہیں

فِراق گورکھپوری

 

[طارق شاہ]

نہ میری راہ میں تارے، نہ میرے پاس چراغ
وہ میرے ساتھ سفر اختیار کیوں کرتے

منظور نظر

 

[طارق شاہ]

لاؤ تو قتل نامہ مِرا، میں بھی دیکھ لوُں
کِس کِس کی مُہر ہے سرِ محضر لگی ہُوئی

محبوب علی خان آصف

 

[bilal260]

واہ جی واہ بہت خوب اچھا سلسلہ ہے۔

 

[طارق شاہ]

نہ جانے ہجر کی رات اور میری سیہ بختی
کہاں کہاں کے اندھیرے سمیٹ لائی ہے

استاد قمر جلالوی

 

[طارق شاہ]

جاں لُٹانے کا مجھے بھی شوق ہے، لیکن خلِش
جس پہ صدقے ہوسکوں، ایسی یہاں کوئی نہیں

شفیق خلِش

 

[چوہدری لیاقت علی]

وہ تیرا پل بھر کو ملنا پھر بچھڑنے کے لئے
دل کی مٹھی میں ہے اس لمحے کا جگنو آج بھی

خورشید رضوی

 

[طارق شاہ]

وسِیلہ راستے کا چھوڑ کر منزِل نہیں مِلتی
خُدا اچھا لگے کیا جب بشر اچھّا نہیں لگتا

صابر ظفر

 

[طارق شاہ]

تِرے سِوا بھی کئی رنگ خوش نظر تھے، مگر
جو تجھ کو دیکھ چُکا ہو، وہ اور کیا دیکھے

پروین شاکر