”فعولن فعولن فعولن فعولن“ کا کھیل

[الف عین]

میاں تاب بے تاب کیوں ہو رہے ہیں
یہ ہے کھیل ، اس میں تو سب ہے گوارا
اگر کوئی اک لفظ کا ہی تلفظ
غلط باندھ دے، تو زباں کا ہے ’مسلا‘
تو پھر اس کی تصحیح بھی ہے ضروری
کہ ’مسلا‘ غلط، مسئلہ واقعی ہے
’صِرِف‘ صرف کو کاشف اسرار باندھیں
تو اس کی درستی بہت لازمی ہے

 

[شبیر حسین تاب]

بہت ہی نرالا انوکھا واعلا
ہے جس نے نکالا غضب کا نکالا
سلامت رہے یہ لڑی دینے والا
" کلام آتے ہیں درمیاں کیسے کیسے"
خصوصاً وہ باتیں جو ارشاد کرتے
جناب مکرم الف عین صاحب

 

[محمد امجد نذیر الہ آبادی]

فعولن فعولن سے محفل سجی ہے
دعا ہے مری بس کہ سجتی رہے یہ

 

[اکمل زیدی]

بصد خلوص و بصد احترام
ہم آگئے سب کو ہمارا سلام

 

[فاروق احمد بھٹی]

چلے آؤ یارو یہاں پر بھی اب تو
ہے دل پھر سے آمادہِ شعر گوئی

 

[ملک عدنان احمد]

سبھی کھو گئے ہیں اے فاروق احمد
بڑے دن ہوئے کوئی گویا نہیں ہے

 

[فاروق احمد بھٹی]

چلو پھر کہانی کو چھیڑیں وہیں سے

 

[محمد تابش صدیقی]

کہانی کو آگے بڑھانا پڑے گا
وگرنہ بکھر جائے گا سلسلہ یہ

 

[فاروق احمد بھٹی]

تو عنوان بهی کوئی تجویز کیجے

 

[حسن محمود جماعتی]

بڑی مدتوں بعد دیکھا یہ دھاگہ
ہو عنوان کچھ بھی یہ دھاگہ نہ ٹوٹے

 

[شکیب]

ذرا دیکھ لیجے کہ اک ہم ہیں جو مرد کہلا رہے ہیں اور آپس میں کچھ گفتگو کے لیے بھی یہی سوچتے ہیں کہ کیا گفتگو ہو؟ یہیں کچھ خواتین آجائیں گی تو ذرا دیکھیے گا لڑی کی طوالت۔
(فعولن کی تکرار کی ہے یہاں پر)

 

[فاروق احمد بھٹی]

لڑی میں روانی جو محصول نہ ہو
مزا گفتگو کا کہاں پھر ہے کب ہے

 

[شکیب]

اگر کوئی موضوع ہی چاہیے تو
چلیں شاعروں کا کریں پوسٹ مارٹم

 

[حسن محمود جماعتی]

ذرا دیکھنا کیا، ہے بات آپ کی ٹھیک، مگر عورتوں کو نہیں کام کوئی، ہیں گپیں تو گپیں، تو گپیں ہی گپیں۔ نہیں مرد کو کچھ ذرا بھر فراغت، کہ اتنی طوالت میں گپیں ہی ہانکے۔

 

[محمد تابش صدیقی]

ذرا دیکھنا کیا، ہے بات آپ کی ٹھیک، مگر عورتوں کو نہیں کام کوئی، ہیں گپیں تو گپیں، تو گپیں ہی گپیں۔ نہیں مرد کو کچھ ذرا بھر فراغت، کہ اتنی طوالت میں گپیں ہی ہانکے۔

ذرا دیکھنا اس کو گڑبڑ یہاں ہے

 

[حسن محمود جماعتی]

نہیں شاعری اس کی اصلاح کریں کیا
ہے گڑ بڑ یقینا انہیں لائنوں میں

 

[شکیب]

یقینا انھوں نے ٹھیک کو ”ٹھک“ کہا ہے، اسی وجہ سے وزن میں واں کجی ہے۔

 

[حسن محمود جماعتی]

وزن

وزن کو جو ہے آپ نے وزن باندھا
کجی تو یہاں پر بھی در آ رہی ہے

 

[فاروق احمد بھٹی]

طبیعت کو کرنا رواں گر ہو تم نے
لڑی ہے یہ اس میں بڑی کارگر سی
وگرنہ وہ کہتے ہیں کہ شعر کہنا
ہے مشکل بہت اور کٹھن سے کٹھن بھی

 

[شکیب]

ذرا یہ تو بتلاؤ تابش اخی، محترم آسی صاحب کہاں ہیں نظر ہی نہیں آ رہے آج کل میں پریشان ہوں ،کتنے عرصے سے اک ذاتی پیغام بھیجا ہوا ہےمگر کچھ جواب ہی نہیں مل رہا ہے۔
محمد تابش صدیقی