”فعولن فعولن فعولن فعولن“ کا کھیل

[شکیب]

سواگت ہے محفل میں بھائی شکیب آج تشریف لائے۔

جی! آداب آداب آداب آدا

 

[ظہیراحمدظہیر]

جو قاضی نے پوچھا کہ ’’ دلہن قبولن؟‘‘
تو فوراً سے گفتن ’’ قبولن قبولن‘‘
کئی سال بعداً جو پوچھے خیالن
تو گردن جھکا کر یہ بولے حضوراً
’’میں صبراً جمیلاً ، وہ شکراً قبولن‘‘

(نامعلوم)

 

[امان زرگر]

فعولن فعولن کی تکرار بھائی
بہت بہتریں ہے یوں گفتار بھائی
مگر شرط ہو قافیہ کی یہاں پر
ردیف اس پہ لانا ہو معیار بھائی
خلافِ ادب ہو اگر لفظ کوئی
مجھے بخش دیجے گا اک بار بھائی

محمد تابش صدیقی​

 

[شکیب]

ہوا یوں! مجھے اپنے ارسال کردہ مواد اک نظر دیکھنے کی تمنا ہوئی اور پھر اس بیش قیمت لڑی کی اچانک ہی یاد آگئی...

 

[ام اویس]

فعولن فعولن کہے جا رہے ہیں
فعولن میں سب ہی بہے جا رہے ہیں
مجھے بھی فعولن کی ہے بات کرنی
فعولن میں کہنا فعولن میں لکھنا

 

[ام اویس]

فعولن ہے کیا جی فعولن میں کیا ہے
سمجھنا ہے مشکل سمجھنا ہے آساں
ردہم ہے فعولن یہ اک دو ، نہ نا نا
ستاروں سے آگے جہاں اور بھی ہیں

 

[ام اویس]

یہ محفل ہے اردو یہ اردو کی محفل
یہاں سب بڑے ہیں یہاں سب بھلے ہیں
خدایا بڑوں کو سلامت تو رکھنا
جو چھوٹے ہیں ان کو بڑا تو ہی کرنا

 

[محمد تابش صدیقی]

ارے یہ لڑی زندہ کر کے بہن آپ نے یاد کروا دیا کیا زمانہ
کبھی ہم بھی کھیلے تھےاس خوبصورت لڑی میں مزے سے فعولن فعولن

 

[سید عاطف علی]

بہت وقت گزرا لڑی بند یہ تھی
بہن اک ہماری یہاں سے جو گزری
ستایا پرانی جو یادوں نے اس کو
چلا یاقلم ، جی اٹھایا لڑی کو

 

[ارشد چوہدری]

فعولن جو روٹھے نہیں یہ گوارا
فعولن کو لازم منانا پڑے گا
جسے شاعری سیکھنے کا ہے چسکا
فعولن کو دل میں بسانا پڑے گا

 

[محمد احسن سمیع راحلؔ]

شفیق الرحمٰن نے اپنے ایک انشائیے میں، کسی زمانے میں اخبارات یا رسالوں کے مدیران سے بذریعہ خط سوال و جواب کئے جاتے تھے اس کی پیروڈی لکھی ہے۔ کوئی صاحب یا صاحبہ ایڈیٹر کو خط لکھ کر مندرجہ ذی اشعار کا مطلب پوچھتے ہیں۔

لیا جس نے مجھ سے عداوت کا پنجہ
سنلقی علیھم عذاباً ثقیلا
نکل اس کی زلفوں کے کوچہ سے اے دل
تو پڑھنا، قم اللّیلَ الّا قلیلا

ایڈیٹر صاحب جواب دیتے ہیں کہ ان اشعار کا مطلب ہے کہ شاعر کو عربی بھی آتی ہے
(ایسے ہی، فعولن فعولن کی گردان دیکھ کر یاد آگیا)

 

[ملک عدنان احمد]

شفیق الرحمٰن نے اپنے ایک انشائیے میں، کسی زمانے میں اخبارات یا رسالوں کے مدیران سے بذریعہ خط سوال و جواب کئے جاتے تھے اس کی پیروڈی لکھی ہے۔ کوئی صاحب یا صاحبہ ایڈیٹر کو خط لکھ کر مندرجہ ذی اشعار کا مطلب پوچھتے ہیں۔

لیا جس نے مجھ سے عداوت کا پنجہ
سنلقی علیھم عذاباً ثقیلا
نکل اس کی زلفوں کے کوچہ سے اے دل
تو پڑھنا، قم اللّیلَ الّا قلیلا

ایڈیٹر صاحب جواب دیتے ہیں کہ ان اشعار کا مطلب ہے کہ شاعر کو عربی بھی آتی ہے
(ایسے ہی، فعولن فعولن کی گردان دیکھ کر یاد آگیا)

یا اس کا یہ مطلب بھی لیا جا سکتا ہے کہ قرآنی آیات کو بحور پر جانچا جا سکتا ہے؟

 

[محمد احسن سمیع راحلؔ]

یا اس کا یہ مطلب بھی لیا جا سکتا ہے کہ قرآنی آیات کو بحور پر جانچا جا سکتا ہے؟

کسی قرآنی آیت یا اس کے کسی جزو کا موزوں ہونا محض اتفاق ہوتا ہے۔ قرآن میں اللہ پاک نے واضح فرما دیا ہے کہ یہ شعر نہیں ہے۔
واللہ اعلم۔

 

[شکیب]

یا اس کا یہ مطلب بھی لیا جا سکتا ہے کہ قرآنی آیات کو بحور پر جانچا جا سکتا ہے؟

جانچا تو جا سکتا ہے، لیکن یہ اسے شاعری نہیں بناتا۔ شعر کی تعریف ہے کہ موزوں ہو اور قصداً (ارادہ کر کے) کہا گیا ہو۔ اسی وجہ سے اگر کسی ایسے شخص سے جو وزن نہیں جانتا، کوئی "جملہ" غلطی سے وزن میں بیٹھ جائے تو اسے شعر نہیں کہا جائے گا کیونکہ اس نے ارادہ نہیں کیا۔

 

[نور وجدان]

صابرہ امین