“ وفا “

[حسن علوی]

میرا جنون شوق وہ عرض وفا کے بعد
وہ شان احتیاط تری، ہر ادا کے بعد

تیری خبر نہیں مگر اتنی تو ھے خبر
تو ابتدا سے پہلے ھے، تو انتہا کے بعد

(جگر مراد ابادی)

 

[شمشاد]

اس دشت بے وفائی میں جائیں کہاں کہ ہم
ہیں اپنے آپ سے کوئی وعدہ کیے ُہوئے
(امجد اسلام امجد)

 

[فرخ منظور]

سچ ہے ہمیں کو آپ سے شکوے بجا نہ تھے
بے شک ستم جناب کے سب دوستانہ تھے
ہاں! آپ نے جفا بھی کی تو قاعدے سے کی
ہاں! ہم ہی کاربند ِ اصول ِ وفا نہ تھے
فیض

 

[شمشاد]

سکوں محال ہے امجد وفا کے رستے میں
کبھی چراح جلے ہیں ہَوا کے رستے میں ؟

 

[فرخ منظور]

وفائے وعدہ نہیں وعدہِ دگر بھی نہیں
وہ مجھ سے روٹھے تو تھے لیکن اس قدر بھی نہیں
-فیض-

 

[شمشاد]

سوائے دردِ محبت، بُجز غبار سَفر
کوئی رفیق نہ پایا وفا کے رستے میں

 

[نوید صادق]

پلکوں سے اب کے ابر جو کھل کر برس گیا
فرطِ وفا سے دل کا ہر اک تار کس گیا

شاعر: سید آلِ احمد

 

[شمشاد]

جسے آپ گنتے تھے آشنا، جیسے آپ کہتے تھے باوفا
میں وہی ہوں مومن مبتلا، تمہیں یاد ہو کہ نہ یاد ہو
(مومن خان مومن)

 

[بلال]

بے وفائی کر کے بھی تم نے کونسا اچھا کیا
وفا کرتے تو کوئی بات بھی تھی
اپنے سے کم تر کو سبھی ٹھکرا دیتے ہیں
ساتھ لے کر چلتے تو کوئی بات بھی تھی

 

[شمشاد]

بے وفا تم کبھی نہ تھے
یہ بھی سچ ہے کہ بے وفا سے رہے

ان چراغوں میں تیل ہی کم تھا
کیوں گلہ پھر ھمیں ہوا سے رہے

 

[عیشل]

اس بے وفا کی یاد دلاتا تھا بار بار
کل آئینے پہ ہاتھ اُٹھانا پڑا مجھے​

 

[شمشاد]

اک تمہیں کو خدا سے مانگا ہے
تم کہیں بے وفا نہ ہو جانا

 

[عمر سیف]

ساحل کے انتظار میں چکرا گیا ہوں میں‌
مجھ کو مری وفا کے بھنور سے نکا لیے

 

[شمشاد]

میری پسند میرے نام پر نہ حرف آئے
بہت حسیں بہت با وفا کہوں گا تمھیں
(جمیل الدین عالی)

 

[عیشل]

کیوں نہ اس کو اُسی کا آئینہ ہو کر ملیں
بے وفا ہے وہ تو اُس کو بے وفا ہو کر ملیں​

 

[شمشاد]

جفا کے فیصلے اچھے نہیں تھے
وفا کے مرحلے اچھے نہیں تھے
(نزہت عباسی)

 

[سارہ خان]

نہ تو غم کی دھوپ جلا سکی نہ تو موسموں کا اثر ہوا
وہ میری وفا کا ہی پھول تھا جو ابھی تلک ہے کھلا ہوا

 

[شمشاد]

دلوں کا راستہ بھولی ہوائے عجز و وفا
یہاں پہ اب تو جفا کا غبار باقی ہے

 

[نوید صادق]

کھل گئی مجھ سے حیا ان کی پر اے عمرِ وفا
دل یہ کہتا ہے کہ اب اور کسی پر آؤں

شاعر: محب عارفی

 

[شمشاد]

جو تجھ بِن نہ جینے کو کہتے تھے ہم
سو اُس عہد کو اب وفا کر چلے