“ وفا “

[عمر سیف]

محبت میں وفاداری سے بچیئے
جہاں تک ہو اداکاری سے بچیئے
شرافت، آدمیت، دردمندی
بڑے شہروں میں بیماری سے بچیئے

 

[شمشاد]

میری وفا کا اور نہ تری بے رخی کا تھا
قصہ جو تھا وہ فکر کی بے چارگی کا تھا
(سرور)

 

[عمر سیف]

پیار کرکے جو وفا کرتے ہیں
ایسے کم لوگ ملا کرتے ہیں
کیوں وہ خود ہم سے نہیں کہ دیتے
اور لوگوں سے گلا کرتے ہیں

 

[شمشاد]

شاعر سے زیادہ یہ انساں ہیں بڑے پیارے
معیارِ وفا ان کا گر ہے تو شرافت ہے
(سرور)

(سرور عالم راز سرور نے یہ شعر حمایت علی شاعر کے لیے لکھا تھا۔)

 

[محمد وارث]

یہ کیسی رفاقت ہے نہ ملنا نہ بچھڑنا
یہ کیسی وفا ہے کہ نہ تریاق نہ سم ہے

(فراز)

 

[شمشاد]

تصویر محبت کی رنگینی و شوخی کیا!
یہ خونِ جگر ہو گا، یہ خونِ وفا ہوگا۔
(سرور)

 

[الف عین]

صلہ ملا تو نہیں کچھ مجھے وفا کر کے
مگر میں خوش ہوں یہی جرم بارہا کر کے
ا ع

 

[شمشاد]

راہِ وفا میں لٹ گیا آخر وہ کس طرح
سرور جو زعم آپ کو فرزانگی کا تھا
(سرور)

 

[عمر سیف]

وفا کا نام ہے نا کامیِ مجبت سے
وگرنہ کوئے ہوس تک یہ سلسلہ جاتا

 

[شمشاد]

آئینِ وفا پوچھئے ان سے کہ جنہوں نے
سودا تھا گراں یا کہ تھا ارزاں نہیں دیکھا
(سرور)

 

[عمر سیف]

نہ وہ آوارگی مجھ میں، نہ وہ آشفتگی مجھ میں
میں کس معیار پہ اپنی وفا کو تول کر دیکھوں

 

[شمشاد]

دل دیا جان کے کیوں اُس کو وفادار اسد
غلطی کی کہ جو کافر کو مسلماں سمجھا
(چچا)

 

[عمر سیف]

کچھ تو وہ خود بھی ہے نا واقفِ آدابِ وفا
اور کچھ مجھ کو محبت کا سلیقہ بھی نہیں

 

[شمشاد]

وہ نہیں جانتے جب وفا، کیا کریں
بات اتنی سی ہے، دل بُرا کیا کریں
(ناہید ورک)

 

[عمر سیف]

ہوا جو یوں تو یہ خوبی تیرے ہُنر کی تھی
میری وفاؤں میں میرا کمال کوئی نہ تھا

 

[شمشاد]

اتنی آساں نہیں وفا کیشی
دل بتوں سے لگا کے دیکھ لیا
(سرور)

 

[عیشل]

وفا کا عہد تھا دل کو سنبھالنے کے لیئے
وہ ہنس پڑے مجھے مشکل میں ڈالنے کے لیئے​

 

[فرخ منظور]

وفا کیسی، کہاں کا عشق، جب سر پھوڑنا ٹھہرا
تو پھر اے سنگ دل، تیرا ہی سنگ آستاں کیوں ہو

 

[عمر سیف]

ایسی مشکل تو نہیں دشتِ وفا کی تسخیر
سر میں سودا بھی تو ہو،دل میں ارادہ بھی تو ہو ۔۔۔۔

 

[شمشاد]

سنتے تھے بیوفائیاں تیری
ہر طرف آشنائیاں تیری
ضبط کی انتہا ہے اور وہ ہے
جس نے جھیلی جدائیاں تیری
(ناہید ورک)