یادیں ہیں ، حسرتیں ہیں ، تمنائے خام ہے

9/10/2014
یادیں ہیں ، حسرتیں ہیں ، تمنائے خام ہے
باتیں ہیں ، ذلتیں ہیں ، تماشائے عام ہے

حاجت روا! ہماری دعائیں قبول کر
پیاسے ہیں ، تشنگی ہے ، تقاضائے جام ہے

کیوں شکر ہم کریں نہ خدائے بصیر کا
آنکھیں ہیں ، روشنی ہے ، سراپائے تام ہے

ہیں مجتمع حَسِین ، حَسِیں تر ، حَسِیں ترین
بجلی ہے ، چاندنی ہے ، دلارائے بام ہے

کامل نصابِ حسن ہے دے دو زکوٰۃِ جاں
یوسف ہے ، انگلیاں ہیں ، زلیخائے رام ہے

پھر بھی بھٹک رہی ہے یہ امت نہ جانے کیوں
دانائے راستہ ہے ، توانائے گام ہے

یک دم اسامہ ہوگیا مشہور سرسری
یک سو ہے ، یک زبان ہے ، یکتائے نام ہے
​

 

بہت خوب اسامہ بھائی۔۔

 

واہ۔بہت اچھا۔

 

واہ، یہ اچھی غزل کہی ہے۔ لگتا ہے خوب آمد ہو رہی ہے آج کل۔
زلیخا رام کی تھیں۔ اس کا مجھے علم نہیں تھا!!

 

حسن یوسف نے رام کر لیا تھا ۔
ویسے یہاں جان کے بجائے عشق کی زکواۃ واجب تھی ۔

 

تعریف کا شکریہ ، جزاک اللہ خیرا۔

 

آداب عرض ہے۔

 

جی استاد محترم! آج کل ذاتی حالات کچھ ایسے ہیں کہ شعری آمدنی حیرت انگیز طور پر بڑھ گئی ہے۔
"زلیخائے رام" مرکب اضافی ہونے کی صورت میں تو میرے علم بھی اضافہ ہوتا ، مگر یہ مرکب توصیفی ہے۔

 

بہت شکریہ عاطف بھائی! "عشق" والی رائے خوب دی ہے ، جزاک اللہ خیرا ، میں عشق ہی کردیتا ہوں جو کہ پہلے بھی سوچا تھا ، مگر پتا نہیں کیوں جان کو ترجیح دے دی ، اب وہ کیفیت بھی نہیں رہی کہ سمجھ سکوں۔

 

بہت خوب غزل
بہت سی داد آپ کی کاوش کی نذر
اللہ کرے زور قلم زیادہ

 

تعریف اور حوصلہ افزائی فرمانے کا بہت شکریہ جناب!
جزاک اللہ خیرا۔

 

خووووب۔۔۔بہت عمدہ غزل کہی صاحب!!

 

بہت شکریہ ، حسنِ نظر ہے آپ کا۔
شاد و آباد رہیے۔

 

پیاسے ہیں ، تشنگی ہے ، تقاضائے جام ہے۔
واہ۔۔۔ بہت خوب۔۔۔

 

شکرا۔

 

لاجواب