یادوں کے اک چراغ کو روشن کیے ہوئے

عاطف ملک نے 'آپ کی شاعری (پابندِ بحور شاعری)' کی ذیل میں اس موضوع کا آغاز کیا، ‏نومبر 4, 2019

  1. عاطف ملک

    عاطف ملک محفلین

    مراسلے:
    1,241
    جھنڈا:
    Pakistan
    موڈ:
    Innocent
    یادوں کے اک چراغ کو روشن کیے ہوئے
    وہ چن رہا ہے آس کے جگنو بجھے ہوئے

    اک بدنصیب کور نگاہی کے شہر میں
    پھرتا ہے اب بھی دیدہِ بینا لیے ہوئے

    کیسے کہوں میں شعر؟ غزل ہو تو بھلا کیوں؟
    مدت ہوئی وہ چاند سا چہرہ تکے ہوئے

    بچھڑا جو اپنی اصل سے،گھر کا نہ گھاٹ کا
    جھونکا ہوا کا لے گیا پتے گرے ہوئے

    نکلے تری زباں سے مرے دل کو چیر کر
    الفاظ تھے یا زہر میں خنجر بجھے ہوئے

    منت بھی بے ثمر تھی، دعائیں بھی بے اثر
    مجھ کو نہ موت آئی نہ تم ہی مِرے ہوئے

    لائی چمن میں تازگی پھر سے بسنت رُت
    عاطفؔ کے دل کے زخم بھی پھر سے ہرے ہوئے

    (عاطفؔ ملک)
    نوٹ: کافی عرصے سے ٹوٹے پھوٹے چند اشعار اس امید پر رکھے ہوئے تھے کہ شاید ایک دو اچھے شعر ہو جائیں۔لیکن مستقبل قریب میں ایسا ہوتا نظر نہیں آرہا۔اس لیے سوچا کہ ایسے ہی شریک کر دیتا ہوں۔تمام احباب سے گزارش ہے کہ اپنی رائے ضرور دیجیے گا۔

    خصوصی توجہ کی درخواست:
    استادِ محترم

    ظہیراحمدظہیر
    محمد وارث
    محمد تابش صدیقی
    محمداحمد
    یاسر شاہ
     
    آخری تدوین: ‏نومبر 4, 2019
    • پسندیدہ پسندیدہ × 4
    • زبردست زبردست × 1
  2. سید عاطف علی

    سید عاطف علی لائبریرین

    مراسلے:
    10,340
    جھنڈا:
    SaudiArabia
    موڈ:
    Cheerful
    کچھ ملاحظات۔
    لگتا ہے یہاں ایک تھیں زائد آگیا ۔
    یہاں " کیوں بھلا" ہو نا چاہیئے۔
    یہاں الفاظ دل کو چیر کر نکلے یا نکل کے دل کو چیرا ؟
    ویسے چیر کر کو چیرنے کیا جاسکتاہے ۔
     
    • متفق متفق × 2
    • دوستانہ دوستانہ × 1
  3. الف عین

    الف عین لائبریرین

    مراسلے:
    35,229
    جھنڈا:
    India
    موڈ:
    Psychedelic
    ظہیر میاں کے مشوروں کے علاوہ
    الفاظ تھے یا زہر میں خنجر بجھے ہوئے
    'یا' نہیں، 'کہ' استعمال کرو

    بچھڑا جو اپنی اصل سے،گھر کا نہ گھاٹ کا
    محاورہ بے ربط لگ رہا ہے، ربط کے لیے 'وہ ہوا' کی کمی ہے
    ایک تجویز
    بچھڑا جو اصل سے، رہا گھر کا نہ گھاٹ کا
     
    • پسندیدہ پسندیدہ × 1
    • معلوماتی معلوماتی × 1
  4. عاطف ملک

    عاطف ملک محفلین

    مراسلے:
    1,241
    جھنڈا:
    Pakistan
    موڈ:
    Innocent
    زہے نصیب
    جی، ٹائپو (n)
    درست کر دیا۔
    اچھا مشورہ ہے شاہ جی:)
    یہ کہنا چاہ رہا ہوں کہ زبان سے الفاظ بعد میں نکلے، میرا دل پہلے چھلنی کر دیا۔تھوڑا سا مبالغہ:act-up:
    :)
    ابھی ظہیر صاحب کے مشوروں سے تو مستفید نہیں ہو سکے ہم۔ آپ سید عاطف صاحب کہنا چاہ رہے ہوں گے شاید۔
    یہ بھی بھلا معلوم ہو رہا ہے پہلی صورت سے۔
    ویسے اب اس غزل کو اصلاح کے سیکشن میں نہ ڈال دیا جائے(n)
    کیوں محمد تابش صدیقی بھائی؟
     
    • دوستانہ دوستانہ × 1
  5. سید عاطف علی

    سید عاطف علی لائبریرین

    مراسلے:
    10,340
    جھنڈا:
    SaudiArabia
    موڈ:
    Cheerful
    :noxxx:شرم آگئی مجھے ۔
     
  6. محمد خلیل الرحمٰن

    محمد خلیل الرحمٰن مدیر

    مراسلے:
    9,904
    جھنڈا:
    Pakistan
    موڈ:
    Festive
  7. سید عاطف علی

    سید عاطف علی لائبریرین

    مراسلے:
    10,340
    جھنڈا:
    SaudiArabia
    موڈ:
    Cheerful
    خریف کا بیج ربیع کے موسم میں بودیا خلیل بھائی ۔
     
    • پر مزاح پر مزاح × 2
  8. محمد خلیل الرحمٰن

    محمد خلیل الرحمٰن مدیر

    مراسلے:
    9,904
    جھنڈا:
    Pakistan
    موڈ:
    Festive
    جی ہاں۔ دوبارہ ہل چلا کر واپس نکالنا پڑا۔
     
    • زبردست زبردست × 1
  9. ظہیراحمدظہیر

    ظہیراحمدظہیر محفلین

    مراسلے:
    3,369
    جھنڈا:
    Pakistan
    موڈ:
    Busy
    عاطف بھائی اچھے اشعار ہیں ۔ تقریباً تمام باتیں شاہ صاحب نے اور اعجاز بھائی نے پہلے ہی کہہ دی ہیں ۔ مین اتنا اور اضافہ کروں گا کہ مطلع میں جگنو چننے کا اظہاریہ پسند نہیں آیا ۔ بہت عجیب سا لگ رہا ہے ۔ جگنو بھلا کیسے چنے جاسکتے ہیں ؟! اسے پھر دیکھ لیجئے۔
     
    • دوستانہ دوستانہ × 1
  10. محمداحمد

    محمداحمد لائبریرین

    مراسلے:
    22,412
    جھنڈا:
    Pakistan
    موڈ:
    Amazed
    بہت خوب عاطف بھائی!

    عمدہ اشعار ہیں!
     
  11. عاطف ملک

    عاطف ملک محفلین

    مراسلے:
    1,241
    جھنڈا:
    Pakistan
    موڈ:
    Innocent
    ہاہاہا۔۔۔۔۔۔کہیں ایک مرتبہ پھر سے؟؟؟ ۔۔۔۔۔۔کیونکہ مرد شرماتا صرف ایک ہی صورت میں ہے۔اور وہ صورت ہمیں نصیب نہیں ہوئی:unsure:

    بہت شکریہ ظہیر صاحب:)
    جگنو چننا عجیب کیوں لگ رہا ہے بھلا؟
    لوگ جگنو جمع کر کے ان سے لیمپ بھی تو بناتے ہیں۔ ویسے یہ استعارے کے طور پر استعمال ہوا ہے۔اگر ہو سکے تو وضاحت کر دیجیے گا اس حوالے سے۔
    اگرچہ چننے کی جگہ ڈھونڈنا بھی کیا جا سکتا ہے
    شکریہ احمد بھائی:)
     
    آخری تدوین: ‏نومبر 6, 2019
    • دوستانہ دوستانہ × 1
  12. ظہیراحمدظہیر

    ظہیراحمدظہیر محفلین

    مراسلے:
    3,369
    جھنڈا:
    Pakistan
    موڈ:
    Busy
    کہیں پڑی ہوئی یا رکھی ہوئی چیزوں میں سے کچھ کو منتخب کرکے اٹھانے کو چننا کہتے ہیں ۔ جیسے سیپیاں چننا ، موتی چننا ، دانے چننا ، کنکر چننا ، پھول چننا وغیرہ۔ اب آپ خود ہی بتائیے کہ جگنو چننا کیسا ہے؟! آج آپ جگنو چن رہے ہیں تو کل کوئی تتلیاں بھی چننا شروع کردے گا ۔ اس کے بعد شاید چڑیاں چننے کا نمبر ہوگا ۔ :):):)
     
    • پسندیدہ پسندیدہ × 1
  13. عاطف ملک

    عاطف ملک محفلین

    مراسلے:
    1,241
    جھنڈا:
    Pakistan
    موڈ:
    Innocent
    سمجھ گیا۔
    یوں ہے بجھے ہوئے جگنو ٹوٹی ہوئی آرزوؤں کا استعارہ ہیں،اس تناظر میں بھی چننے کی گنجائش نہیں ہے تو پھر ڈھونڈنا کر لوں؟
     
    • پسندیدہ پسندیدہ × 1
  14. ظہیراحمدظہیر

    ظہیراحمدظہیر محفلین

    مراسلے:
    3,369
    جھنڈا:
    Pakistan
    موڈ:
    Busy
    جگنو خواہ کسی بھی چیز کا استعارہ ہوں ، ہیں تو جگنو ہی ۔ سو جگنو کے لئے جگنو پکڑنا ہی استعمال ہوگا ،جگنو چننا نہیں ۔ جگنو ڈھونڈنا بھی لسانی طور پر درست ہے ۔
     
    • معلوماتی معلوماتی × 1

اس صفحے کی تشہیر