ہم نہائیں تو کیا تماشا ہو

بے حجابانہ، باحجابانہ
ہل ہی پائیں تو کیا تماشا ہو​

 

تیری شادی کی باتیں چل رہی ہیں آج کل بیٹا
سو تیرا صاف ستھرا ہر گھڑی ہونا ضروری ہے۔
مرا مطلب مہینے تک نہ ہو نہانے کی فرصت
تو پھر ہفتے کے ہفتے منہ ہاتھ دھونا ضروری ہے۔

 

ہاہ۔۔۔۔۔۔ یہ بھی کسی شاعر نے ہی کہا تھا

غسلِ میّت ہی ہمارا غسلِ صحّت ہو تو ہو ​

​

 

بہت اچھے جناب..... چھا گئے ہیں آپ تو ...... آپ نے تو محفل ہی لوٹ لی ہے..... بس ذرا اب پولیس سے بچ کر رہیے گا – کیوں کہ وہ آپ کو داد دینے کے لیے تلاش کر رہی ہے......​

مریں آپ کے دشمن..... یعنی جوئیں ..... جو دو سال نہ نہانے کی وجہ سے آپ کے سر میں پڑگئی تھیں......

جناب ، بندہ جب ٹھنڈا پانی اپنے اوپر ڈالتا ہے تو "ہاسا " خود بہ خود نکل جاتا ہے اس کے لیے محنت نہیں کرنی پڑتی .....

کیوں جناب آپ "ٹوٹی " بند کرکے نہاتے ہیں ؟ جو آپ کو نہانے سے پہلے اور بعد میں کوئی فرق محسوس نہیں ہوتا؟

غزل کا تو پتا نہیں لیکن ٹھنڈے پانی سے نہانے کے بعد "دانتوں کا ساز" ضرور بج رہا ہوتا ہے....... ​

 

واہ واہ واہ ۔۔ کیا بات ہے جناب آپ کی ۔۔ کمال شمال کر دیا آپ نے ۔ اتنی ٹھنڈی غزل ۔۔۔ تھوڑا تھوڑا میراثیانہ تڑکا ۔۔ زبردست

 

مجھے روزانہ غسل کی عادت ہے، شاید نہائے بغیر میرا دن ہی نہیں چڑھتا۔ پچھلے سال کی سردیوں میں مجھے کچھ عرصہ لاہور کے ایک ہوسٹل میں گزارنا پڑا۔ ہوسٹل میں کمروں کے ساتھ اٹیچ باتھ روم نہیں تھے اور ہر فلور پر چار چار باتھ روم بنے ہوئے تھے۔ گیزر تو تھے لیکن سردی بڑھی تو گیس ندارد۔ اب میں اپنی روٹین کے مطابق ٹھنڈ شنڈ کی پرواہ کیے بغیر روزانہ صبح سویرے نہایا کروں۔

ایک روز کافی دھند تھی اور موسم بھی عام دنوں سے زیادہ ٹھنڈا تھا، صبح نہا کر باتھ روم سے باہر نکلا تو فلور کے سات آٹھ بندے باہر کھڑے مجھے یوں دیکھ رہے تھے جیسے میں کسی اور سیارے سے آیا ہوں۔ ان میں سے دو تین کے ساتھ اچھی گپ شپ تھی، ایک نے کہا کہ جناب اتنی ٹھنڈ میں ہم سے منہ ہاتھ نہیں دھویا جا رہا ہوتا اور آپ روزانہ نہا رہے ہوتے ہیں کیسے نہا لیتے ہیں؟

میں نے باتھ روم کا دروازہ کھولا، شاور چلایا اور اسے پانی کے نیچے دھکا دے دیا کہ ایسے نہاتا ہوں۔ بندہ پورا مہینہ ناراض رہا

 

ہاہاہاہاہا ۔۔ آپ پہ قتلِ عمد کا پرچہ بھی ہو سکتا تھا

 

مرشدی!
ساغر صدیقی کی روح تو معذرت قبول کر لے گی،لیکن آپ کی روح کے متعلق خدشات کا شکار ہوں بہت خوب ہے!
سلامت رہیں...

 

لاہور میں ٹھنڈ؟ اتنا بڑا جھوٹ

 

ٹھنڈ دھند کی وجہ سے بنتی ہے یا جیسے ابھی جنوری میں بہت بارشیں ہوئیں تو درجہ حرارت کافی کم رہا۔
باقی ہم نیم پہاڑیوں کے لیے یہ کوئی سردی نہیں

 

واہ واہ۔ بہت خوب راحیل فاروق

 

لاہور میں سردی کچھ دن کے لیے آتی ہے

 

یعنی بات کپکپی سے آگے جاکر منجمد ہونے تک پہنچ چکی ہے۔

 

ویسےنہانے کا لطف وہاں آتا ہے جہاں پانی کی اوپر والی تہہ جمی ہوئی ہو!

 

نہانا ایک دلچسپ ثقافتی اور مذہبی حیثیت کا معاملہ رہا ہے۔ مختلف مذاہب میں اس بارے میں مختلف احکام ہیں جو بہت حد تک جغرافیائی حالات کے زیرِ تحت رہے ہیں۔

 

آپکا یہ رنگ بھی خوب ہے، بہت خوب، گویا۔۔۔ نہائے ہو نہ شبِ انتظار گزری ہے