ہجر تو روح کا موسم ہے - بانی

الف عین نے 'اردو شاعری' کی ذیل میں اس موضوع کا آغاز کیا، ‏فروری 6, 2007

ٹیگ:
  1. الف عین

    الف عین لائبریرین

    مراسلے:
    35,970
    جھنڈا:
    India
    موڈ:
    Psychedelic
    تمام راستہ پھولوں بھرا ہے میرے لیے
    کہیں تو کوئی دعا مانگتا ہے میرے لیے
    تمام شہر ہے دشمن تو کیا ہے میرے لیے
    میں جانتا ہوں ترا در کھلا ہے میرے لیے
    مجھے بچھڑبے کا غم تو رہے گا ہم سفرو
    مگر سفر کا تقاضا جُدا ہے میرے لیے
    وہ ایک عکس کہ پل بھر نظر میں ٹھہرا تھا
    تمام عمر کا اب ایک سلسلہ ہے میرے لیے
    عجیب در گزری کا شکار ہوں اب تک
    کوئی کرم ہے نہ کوئی سزا ہے میرے لیے
    گزر سکوں گا نہ اس خواب خواب بستی سے
    یہاں کی مٹی بھی زنجیر پا ہے میرے لیے
    اب آپ جاؤں تو جا کر اسے سمیتوں میں
    تمام سلسلہ بکھرا پڑا ہے میرے لیے
    یہ حسنِ ختمِ سفر۔۔ یہ طلسم خانۂ رنگ
    کہ آنکھ جھپکوں تو منظر نیا ہے میرے لیے

    یہ کیسے کوہ کے اندر میں دفن تھا بانیٓ
    وہ ابر بن کے برستا رہا ہے میرے لیے
     
  2. الف عین

    الف عین لائبریرین

    مراسلے:
    35,970
    جھنڈا:
    India
    موڈ:
    Psychedelic
    اِدھر کی آئے گی اک رو، اُدھر کی آئے گی
    کہ میرے ساتھ تو مٹّی سفر کی آئے گی
    ڈھلے گی شام جہاں۔۔۔ کچھ نظر نہ آئے گا
    پھر اُس کے بعد بہت یاد گھر کی آئے گی
    نہ کوئی جا کے اسے دکھ مرے سنائے گا
    نہ کام دوستی اب شہر بھر کی آئے گی
    ابھی بلند رکھو یارو آخری مشعل
    اِدھر تو پہلی کرن کیا سحر کی آئے گی

    کچھ اور موڑ گزرنے کی دیر ہے بانیٓ
    صدا، نہ گرد کسی ہم سفر کی آئے گی
     
  3. الف عین

    الف عین لائبریرین

    مراسلے:
    35,970
    جھنڈا:
    India
    موڈ:
    Psychedelic
    رنگ لپک سے عاری۔۔۔ جسم، ادا سے خالی
    یہ کیسی بستی ہے، عکسِ ہوا سے خالی
    ہم سے پہلے شاید کوئی آیا نہ گیا
    اک اک راہ پڑی ہے نقشِ پا سے خالی
    یوں نکلا ہوں گھر سے، گھر کے ہر منظر سے
    کچھ ٹوٹے اوپر سے، ہونٹ دعا سے خالی
    پچھلے پہر نے بڑھ کر میری چیخ سمیٹی
    کاسۂ شب تھا شاید ایک صدا سے خالی

    اب کے چلی وہ آندھی، لمحۂ روشن غائب
    دن سنگھرش سے عاری،،، رات۔۔ خدا سے خالی
     
  4. الف عین

    الف عین لائبریرین

    مراسلے:
    35,970
    جھنڈا:
    India
    موڈ:
    Psychedelic
    رنگ لپک سے عاری۔۔۔ جسم، ادا سے خالی
    یہ کیسی بستی ہے، عکسِ ہوا سے خالی
    ہم سے پہلے شاید کوئی آیا نہ گیا
    اک اک راہ پڑی ہے نقشِ پا سے خالی
    یوں نکلا ہوں گھر سے، گھر کے ہر منظر سے
    کچھ ٹوٹے اوپر سے، ہونٹ دعا سے خالی
    پچھلے پہر نے بڑھ کر میری چیخ سمیٹی
    کاسۂ شب تھا شاید ایک صدا سے خالی

    اب کے چلی وہ آندھی، لمحۂ روشن غائب
    دن سنگھرش سے عاری،،، رات۔۔ خدا سے خالی
     
  5. الف عین

    الف عین لائبریرین

    مراسلے:
    35,970
    جھنڈا:
    India
    موڈ:
    Psychedelic
    وہ مناظر ہیں یہاں، جن میں کوئی رنگ نہ بو۔۔۔۔ بھاگ چلو
    جاتے موسم کی فجا ہے، کہیں مانگے نہ لہو۔۔۔۔ بھاگ چلو
    کوئی آواز پسِ در ہے، نہ آۃت سرِ کُو۔۔۔۔ بھاگ چلو
    بے صدائی کا وہ عالم ہے کہ جم جائے لہو۔۔۔۔ بھاگ چلو
    یہ وہ بستی ہے جہاں شام سے سو جاتے ہیں سب اہلِ وفا
    شب کا سنّاٹا دکھائے گا عجب عالمِ ہو۔۔۔۔ بھاگ چلو
    کیا عجب منظرِ بے چہرگی ہع سمت نظر آتا ہے
    ہر کوئی اور کوئی اور ہے، نہ یہاں میں ہے نہ توٗ۔۔۔۔ بھاگ چلو
    پھر کسی حرفِ تمنٓا کو اُڑا دے گا دھوئیں کے مانند
    وقت بیٹھا ہے یہاں بن کے کوئی شعبدہ جو۔۔۔۔ بھاگ چلو
    دوستو شکر کرو چاکِ جگر تک نہیں بات آئی ابھی
    یہ گریبان تو ہو جائے گا سَو بار رفُو۔۔۔۔ بھاگ چلو

    کسی تصویر کے پیچھے نہیں یاں کوئی تصوّر بانی
    ایک اک چیز ہے بیگانۂ ادراکِ نمو۔۔۔۔ بھاگ چلو
     
  6. الف عین

    الف عین لائبریرین

    مراسلے:
    35,970
    جھنڈا:
    India
    موڈ:
    Psychedelic
    جادو گری اس پر کسی صورت نہ چلے گی
    اے عشق، تری سعیِ متانت نہ چلے گی
    مجھ سا ترا دشمن بھی یہاں کون ہے، کچھ سوچ
    دو روز بھی اپنی یہ عداوت نہ چلے گی
    خوابیدہ سے لہجے میں سنا لے ابھی قصّے
    وہ درد اٹھے گا کہ نزاکت نہ چلے گی
    تو اپنے غمِ ذات کو کیسے ہی بیاں کر
    اَوروٕ کی تراشیدہ عبارت نہ چلے گی
    جھلسی ہوئی اک راہ پہ آنے کی ہے بس دیر
    پھر ساتھ ترے گردِ مسافت نہ چلے گی
    بستی ہے مری جاں یہ عجب بند گھروں کی
    چل دے کہ یہاں رسمِ محبّت نہ چلے گی
    میں ترکِ وفا کر لوں، مگر مجھ کو بتا دو
    اس حادثے سے کوئی روایت نہ چلے گی
    جو آئے ترے دھیان میں دل باختہ کہہ دے
    بے ساختہ کہہ دے۔۔۔ کہ حکایت نہ چلے گی

    ٹوٹے ہوئے خوابوں کا یہ درماں نہیں بانی
    شب بھر ترے پینے کی یہ عادت نہ چلے گی
     
  7. الف عین

    الف عین لائبریرین

    مراسلے:
    35,970
    جھنڈا:
    India
    موڈ:
    Psychedelic
    تیرگی بلا کی ہے، میں کوئی صدا لگاؤں
    ایک شخص ساتھ تھا، اُس کا کچھ پتا لگاؤں
    بہتے جانے کے سوا، بس میں کچھ نہیں تو کیا
    دشمنوں کے گھاٹ ہیں، ناؤ کیسے جا لگاؤں
    وہ تمام رنگ ہے، اس سے بات کیا کروں
    وہ تمام خواب ہے، اُس کو ہاتھ کیا لگاؤں
    کچھ نہ بن پڑے تو پھر ایک ایک دوست پر
    بات بات شک کروں، تہمتیں جُدا لگاؤں
    منظر آس پاس کا دوبتا دکھائی دے
    میں کبھی جو دور کی بات کا پتا لگاؤں
    ایسی تیری بزم کیا۔۔۔ ایسا نظم و ضبط کیا!
    میرے جی میں آئی ہے آج قہقہہ لگاؤں

    یہ ہے کیا جگہ میاں، کہہ رہے ہیں سب کہ یاں
    کچھ کشاں کشاں رہوں، دل ذرا ذرا لگاؤں
     
  8. الف عین

    الف عین لائبریرین

    مراسلے:
    35,970
    جھنڈا:
    India
    موڈ:
    Psychedelic
    گِرد میرے نہ فصیلیں ترے کام آئیں گی
    کچھ ہوائیں تو مری سمت مدام آئیں گی
    یہ مسافت کہ چلی جائے گی رستہ رستہ
    منزلیں یوں تو نئی گام بہ گام آئیں گی
    کچھ تو دل آپ ہی بجھتا سا چلا جاتا ہے
    اورکیا کیا نہ ہوائیں سرِ شام آئیں گی
    اِس اندھیرے میں نہ اک گام بھی رکنا یارو
    اب تو اک دوسرے کی آہٹیں کام آئیں گی

    بین کرتی ہوئی سمتوں سے نہ ڈرنا بانیؔ
    اتنی آوازیں تو اس راہ میں عام آئیں گی
     
  9. الف عین

    الف عین لائبریرین

    مراسلے:
    35,970
    جھنڈا:
    India
    موڈ:
    Psychedelic
    اختتام
    ۔۔۔۔۔۔۔۔۔۔۔
    ترتیب، ٹائپنگ، تدوین اور ای بک کی تشکیل: اعجاز عبید
     
  10. نوید صادق

    نوید صادق محفلین

    مراسلے:
    2,278
    اعجاز صاحب!!
    آداب!
    بانی کا کلام مکمل ای بک کی شکل میں کب تک فائنل کر رہے ہیں۔
    اور کیا میں بھی رام ریاض کے کلام کی ٹائپنگ اسی طرح تھریڈ بنا کر شروع کر دون۔
    والسلام
     
  11. نبیل

    نبیل محفلین

    مراسلے:
    16,810
    جھنڈا:
    Germany
    موڈ:
    Depressed
    نوید صادق، ای بک کا مرحلہ پروف ریڈنگ کے بعد آئے گا۔ آپ اگر لائبریری پراجیکٹ میں حصہ لینا چاہتے ہیں تو بصد شوق۔
     
  12. نوید صادق

    نوید صادق محفلین

    مراسلے:
    2,278
    نبیل بھائی!!
    میں اس پروجیکٹ میں حصہ لینا چاہتا ہوں۔
    میں ان پیج میں تو کافی ٹائپ کر لیتا ہوں۔ اعجاز ساحب سے کافی دسکس ہوا ہے۔ انہوں نے گائیڈ بھی بہت کیا۔ لیکن بانی کا کلام دیکھ کر خیال آیا کہ مین بھی تھوڑا تھوڑا کر کے اس طرح کچھ شعراء کا کلام ٹائپ کر دوں یہیں محفل میں۔
     
  13. الف عین

    الف عین لائبریرین

    مراسلے:
    35,970
    جھنڈا:
    India
    موڈ:
    Psychedelic
    نوید۔ اس ای بک میں میں نے غزلیں ہی شامل کی ہیں بانی کی۔
    (اور ایک آپ کی تصحیح۔ آپ کے گروپ میں بانی کی غزلوں کی پہ ڈی ایف فائل میں اس کا نام رامین لکھا ہے۔ اس کا نام راجیندر لال منچندا تھا۔
    نوید آپ کلام ٹائپ کرنا تو شروع کر دیں، رکنیت سے پہلے بھی۔ لیکن خیال رہے کہ یا تو اجازت لی جائے مصنف سے، یا پھر میری طرح ترکیب لگائی جائے۔ میں نے منیر نیازی کے تین مجموعوں سے پانچ ای بکس بنا دی ہیں، کچھ کلام چھوڑ کر، کسی میں محض غزلیں، کسی میں محض نظمیں۔ اسی طرح آپ بھی کریں۔
    منتظمین سے درخواست ہے کہ نوید صادق کو بھی لائبریری میں شامل کر لیں۔
     

اس صفحے کی تشہیر