طارق شاہ
محفلین
غزل
کُچھ اِس سے بڑھ کےہوگا بَھلا کیا حَسِیں عِلاج
کرتے ہیں غم کا غم سے مِرے دِلنشیں عِلاج
پُر رحم دِل کے درد کا ہوگا نہیں عِلاج
رو رو کے پک رہے جو، ہو اُس کا کہِیں عِلاج
کِس کِس کی موت کا وہاں رونا رہے ، جہاں !
بالا زمِیں کے غم کا ہو زیرِ زمِیں عِلاج
انسانیت کا خون اُنہی سے ہے اب ہُوا
کرنا تھا جن کو لوگوں کا بن کر امیں عِلاج
افسوس! ڈُھونڈتا ہےخؔلش آکے پھر وہی
دوزخ میں، اپنے دُکھ کا ہو جنّت مکیں عِلاج
شفیق خلؔش