1. اردو محفل سالگرہ شانزدہم

    اردو محفل کی سولہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

چبھی ہے دل میں وہ نوکِ سنانِ وہم و گماں

ظہیراحمدظہیر نے 'آپ کی شاعری (پابندِ بحور شاعری)' کی ذیل میں اس موضوع کا آغاز کیا، ‏نومبر 15, 2019

  1. ظہیراحمدظہیر

    ظہیراحمدظہیر محفلین

    مراسلے:
    3,932
    جھنڈا:
    Pakistan
    موڈ:
    Busy
    احبابِ کرام ! ایک پرانی غزل پیشِ محفل ہے ۔ امید ہے کچھ اشعار آپ کو پسند آئیں گے ۔


    چبھی ہے دل میں وہ نوکِ سنانِ وہم و گماں
    ہوا ہے نقشِ سویدا نشانِ وہم و گماں

    میں ایک سایۂ لرزاں ہوں ہست و نیست کے بیچ
    مرا وجود ہے بارِ گرانِ وہم و گماں

    نہ کھا فریب خریدارِ رنگ و بوئے چمن
    محیطِ صحنِ چمن ہے دکانِ وہم و گماں

    قدم قدم پہ ہے دامن کشاں یقینِ بہار
    روش روش پہ ہویدا خزانِ وہم و گماں

    وہ ایک لفظ حقیقت مدار ہے جس پر
    لکھا ہوا ہے کہیں دربیانِ وہم و گماں

    عیاں تھا عالمِ خواب و خیال میں کیا کیا
    کھلی جو آنکھ تو سب داستانِ وہم و گماں

    تمام حکمتیں باطل ہیں عشق کے آگے
    تمام فلسفے سودا گرانِ وہم و گماں

    بدونِ میرِ سفر ہیں جو رہروانِ ہدیٰ
    بھٹک رہے ہیں پسِ کاروانِ وہم و گماں

    مرے لہو میں جزیرہ تری محبت کا
    یقین زارِ حقیقت میانِ وہم و گماں !

    نویدِ عالمِ امکان ہے خیال ترا
    سمٹ رہا ہےمسلسل جہانِ وہم و گماں

    ظہیر ؔناوکِ بے زور ہے سخن بھی ترا
    گرفتِ فکر بھی جیسے کمانِ وہم و گماں


    ٭٭٭


    ظہیرؔ احمد ۔ ۔ ۔ ۔۔۔۔ ۔ ۔۔ ۔۔ مئی 2016




    مئی ۲۰۱۶

     
    • زبردست زبردست × 11
    • پسندیدہ پسندیدہ × 6
  2. محمد خلیل الرحمٰن

    محمد خلیل الرحمٰن مدیر

    مراسلے:
    11,661
    جھنڈا:
    Pakistan
    موڈ:
    Festive
    خوبصورت خوبصورت۔

    حضرت کیا ہم آپ کی غزلوں میں آپ کے نام کا ٹیگ نہ شامل کردیں۔ مشکل کام ہے لیکن اس کے بعد محفلین بیک جنبشِ قلم آپ کی تمام غزلیں دیکھ سکیں گے۔

    جیسے ہم نے اس غزل میں شامل کیا ہے۔
     
    • پسندیدہ پسندیدہ × 2
    • متفق متفق × 2
  3. ظہیراحمدظہیر

    ظہیراحمدظہیر محفلین

    مراسلے:
    3,932
    جھنڈا:
    Pakistan
    موڈ:
    Busy
    بہت شکریہ خلیل بھائی ! جیسے آپ کی مرضی ۔ آپ جو چاہے سلوک کیجئے ان غزلوں کے ساتھ۔ :):):)
    کلام تو پیش ہی اس لئے کرتا ہوں کہ پڑھنے والے پڑھ لیں ۔ آپ احباب قدر افزائی کرتے ہیں ۔ اللہ آپ کو خوش رکھے ۔
     
    • دوستانہ دوستانہ × 2
  4. محمد تابش صدیقی

    محمد تابش صدیقی منتظم

    مراسلے:
    26,795
    جھنڈا:
    Pakistan
    موڈ:
    Breezy
    بہت عمدہ۔ کمال اشعار۔
     
    • دوستانہ دوستانہ × 1
  5. محمد وارث

    محمد وارث لائبریرین

    مراسلے:
    27,160
    جھنڈا:
    Pakistan
    موڈ:
    Depressed
    مشکل زمین میں کلاسیکی رنگ کی عمدہ غزل ہے ڈاکٹر صاحب، بہت خوب۔
     
    • دوستانہ دوستانہ × 2
    • پسندیدہ پسندیدہ × 1
  6. فاخر رضا

    فاخر رضا محفلین

    مراسلے:
    3,653
    میں تو پہلے ہی شعر میں اٹک گیا پھر اگر کوئی کام آیا تو وہ محفل ہی کی ایک لڑی
    یہ صحیح ہے کہ محفل یا لائبریری میں محفل میں استعمال کئے گئے مشکل الفاظ کا ایک ذخیرہ ہو بمع معانی

    سویدا کا کیا مطلب ہے؟؟؟؟

    اس لنک سے ایک بات اور پتہ چلتی ہے کہ محفل کی سطح اب وہ نہیں رہی جو پہلے ہوتی تھی. وجہ کچھ بھی ہو مگر المیہ ضرور ہے. ایسے میں ظہیراحمدظہیر ایک دیا ہیں جو ٹمٹما نہیں رہا بلکہ دوسروں کو روشن کررہا ہے. آپ کی شاعری قدیم روایت اور جدید سماجی مسائل سے پیدا ہونے والے تاثرات کا حسین امتزاج ہے. آپ کو چاہیے کہ جلد از جلد کچھ ماہ کی چھٹی لے کر اپنا تمام کلام یکجا کریں اور اسے برقی کتاب کی شکل میں چھپوا دیں. وقت کسی کے ہاتھ میں نہیں اور وقت کا کسی کو معلوم نہیں
     
    • متفق متفق × 2
    • زبردست زبردست × 1
    • دوستانہ دوستانہ × 1
  7. فاخر رضا

    فاخر رضا محفلین

    مراسلے:
    3,653
    اس تجویز کو کم از کم پانچ ہزار متفق ملنے چاہئیں مگر آپ ہمارے ایک ہی متفق پر عمل کرتے ہوئے یہ کام کر ڈالیے
     
    • دوستانہ دوستانہ × 1
    • متفق متفق × 1
  8. عبید انصاری

    عبید انصاری محفلین

    مراسلے:
    2,723
    جھنڈا:
    Pakistan
    موڈ:
    Cool
    لاجواب!
     
    • دوستانہ دوستانہ × 1
  9. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    19,280
    جھنڈا:
    Pakistan
    موڈ:
    Cheerful
    ماشاءاللّٰہ،
    کیا ہی لاجواب شعر ہے
    بہت زبردست غزل ہے۔
     
    • دوستانہ دوستانہ × 1
  10. محمداحمد

    محمداحمد لائبریرین

    مراسلے:
    23,492
    جھنڈا:
    Pakistan
    موڈ:
    Amazed
    کمال!

    خوبصورت!

    لاجواب!

    بہت سی داد اور مبارکباد قبول فرمائیے ظہیر بھائی! :redrose:
     
    • دوستانہ دوستانہ × 1
  11. نیرنگ خیال

    نیرنگ خیال لائبریرین

    مراسلے:
    18,846
    جھنڈا:
    Pakistan
    موڈ:
    Dunce
    لاجواب غزل ہے ظہیر بھائی۔ کمال ۔۔۔ ماشاءاللہ۔۔۔
     
    • دوستانہ دوستانہ × 1
    • متفق متفق × 1
  12. ظہیراحمدظہیر

    ظہیراحمدظہیر محفلین

    مراسلے:
    3,932
    جھنڈا:
    Pakistan
    موڈ:
    Busy
    نوازش ہے تابش بھائی ! بہت بہت شکریہ ! مجھے معلوم تھا کہ کچھ اشعار آپ کو ضرور پسند آئیں گے ۔ :)
     
    • دوستانہ دوستانہ × 1
  13. ظہیراحمدظہیر

    ظہیراحمدظہیر محفلین

    مراسلے:
    3,932
    جھنڈا:
    Pakistan
    موڈ:
    Busy
    آداب ! نوازش ہے وارث صاحب ! سراپا سپاس ہوں اس کلمۂ تحسین کے لئے! اللہ آپ کو سلامت رکھے !
     
    • دوستانہ دوستانہ × 1
  14. ظہیراحمدظہیر

    ظہیراحمدظہیر محفلین

    مراسلے:
    3,932
    جھنڈا:
    Pakistan
    موڈ:
    Busy
    بہت نوازش ہے فاخر بھائی ! اللہ آپ کو فلاحِ دارین عطا فرمائے ۔ عزت افزائی کے لئے دل سے ممنون ہوں۔ آپ نے تو اپنے تبصرے میں بعینہ میرا فلسفۂ شعر بیان کردیا ۔ میری شعوری کوشش ہوتی ہے کہ غزل کی روایات کی پاسداری کرتے ہوئے بدلتے حالات ، جدید مسائل اوران سے پیدا ہونے والی جدید حسّیات پر روشنی ڈالی جائے ۔ اس میں کہاں تک کامیاب ہوتا ہوں اس کا فیصلہ تو پڑھنے والے ہی کریں گے ۔آپ احباب حوصلہ افزائی کرتے ہیں اس کے لئے بہت ممنون ہوں ۔ برقی کتاب کی کوششیں جاری ہیں ۔ جلد ہی کچھ نتیجہ نکلنا چاہئے ۔
     
  15. ظہیراحمدظہیر

    ظہیراحمدظہیر محفلین

    مراسلے:
    3,932
    جھنڈا:
    Pakistan
    موڈ:
    Busy
    آداب عبید بھائی ! شکریہ! اللہ کریم آپ کو خوش رکھے۔
     
    • دوستانہ دوستانہ × 1
  16. ظہیراحمدظہیر

    ظہیراحمدظہیر محفلین

    مراسلے:
    3,932
    جھنڈا:
    Pakistan
    موڈ:
    Busy
    بہت نوازش معان بھائی ! خوشی ہوئی کہ آپ کو یہ شعر پسند آیا۔
    اب آپ کی طبیعت کیسی ہے؟ ٹانگ کا کیا حال ہے ؟ کب تک چلنا پھرنا شروع کریں گے؟ اللہ کریم آپ کو جلد از جلد شفائے کاملہ عطا فرمائے اور آپ کی پریشانی کو دور کرے ۔ آمین ۔
     
    • دوستانہ دوستانہ × 1
  17. ظہیراحمدظہیر

    ظہیراحمدظہیر محفلین

    مراسلے:
    3,932
    جھنڈا:
    Pakistan
    موڈ:
    Busy
    بہت شکریہ احمد بھائی! آپ ہمیشہ عزت افزائی کرتے ہیں ۔ اللہ کریم آپ کو خوش رکھے!
     
  18. ظہیراحمدظہیر

    ظہیراحمدظہیر محفلین

    مراسلے:
    3,932
    جھنڈا:
    Pakistan
    موڈ:
    Busy
    بہت بہت شکریہ نین بھائی ! سراپا سپاس ہوں ۔ آپ احباب کی حوصلہ افزائی سے دل بڑھ جاتا ہے ۔ مولا کریم خوش رکھے!
     
    • دوستانہ دوستانہ × 1
  19. بافقیہ

    بافقیہ محفلین

    مراسلے:
    526
    جھنڈا:
    India
    موڈ:
    Volatile
    بڑی مدت بعد !!! کوئی کلاسیکی غزل حال میں لکھی پڑھنے میں آئی ہے۔۔۔

    اب کہاں کلاسیکی ذوق رکھنے والے رہے!!!

    مقطع پر اقبال کا یہ شعر یاد آگیا:۔
    ہو بہو کھینچے گا لیکن عشق کی تصویر کون؟
    اٹھ گیا ناوک فگن، مارے گا دل پر تیر کون؟
     
    • دوستانہ دوستانہ × 1
  20. سید عاطف علی

    سید عاطف علی لائبریرین

    مراسلے:
    13,666
    جھنڈا:
    SaudiArabia
    موڈ:
    Cheerful
    بھئی تما م کی تمام غزل ہی شاندار ہے ۔ ظہیر بھائی ۔ کئی جگہ قلبی واردات ( بلکہ اس کے تفرد اورتنوع ) کو خوب سمیٹا ہے ۔ :)
    کھلی جو آنکھ تو سب داستانِ وہم و گماں ۔واہ ۔
    تمام فلسفے سودا گرانِ وہم و گماں ۔واہ ۔
     
    • متفق متفق × 1

اس صفحے کی تشہیر