پنجابی اشعار

[جاسمن]

اکثر اپنے آپ توں رُسی رینی آں
اکثر خود نوں آپ منانا پیندا اے
رجب چودھری

 

[جاسمن]

توں اک درد محبت ورگا دِتا سی
تیرا دِتا درد نبھانا پیندا اے
رجب چودھری

 

[محمد عبدالرؤوف]

مَیلیاں اکھاں دھو نا لئیے؟
کسے بہانے رو نا لئیے ؟
ایتھے اوھنوں تکیا سی میں
ایتھے جھٹ کھلو نا لئیے ؟

 

[سیما علی]

"ھمزاد دا دُکھ"

پِچھلی راتیں تیز ھَوا
سارے شہر وِچ پِھردی رھی
زھری قہر دا کوئی وظیفہ
چاروں پاسے کردی رھی

میں تے بُوھا بند ای رَکھیا
اپنے پُورے زور دے نال
پتہ نئیں کیہ بیتی ھووے
میرے جیہے کِسے ھور دے نال

"طارق عزیز"

 

[سیما علی]

اج میں سولی سہیڑ کے ویکھاں
کن تو پہلاں دی چھیڑ کے ویکھاں
دل دی پیلی وی اج وتر اے
کھو وی نیناں دے گیڑ کے ویکھاں
او چھڈ یار اے کوئی کرامت اے
ایویں کھدو دھیڑ کے ویکھاں

غلام حسين نديم

 

[شمشاد]

بے بس دا کی وس چلدا، کی اوس کھونا
لسے دا کی زور محمد، نس جانا یا رونا
(میاں محمد بخش)

 

[جاسمن]

ایویں تے نئیں گھگھو گھوڑے بن جاندے
مٹی دے وچ خواب ملانے پیندے نیں