1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $418.00
    اعلان ختم کریں

نصیر الدین نصیر وہ کیا کہہ گئے مجھ کو کیا کہتے کہتے

سردار محمد نعیم نے 'پسندیدہ کلام' کی ذیل میں اس موضوع کا آغاز کیا، ‏مارچ 30, 2019

  1. سردار محمد نعیم

    سردار محمد نعیم محفلین

    مراسلے:
    1,827
    جھنڈا:
    Pakistan
    موڈ:
    Aggressive

    وہ کیا کہہ گئے مجھ کو کیا کہتے کہتے
    بھلا کہہ گئے وہ بُرا کہتے کہتے

    کہیں یہ نہ ہو آنکھ بھر آئے قاصد
    مرے داستانِ وفا کہتے کہتے

    اُٹھا تھا میں کچھ اُن سے کہنے کو ، لیکن
    زباں رُک گئی بارہا کہتے کہتے

    وہ سُنتے مگر اے ہجومِ تمنا!
    ہمیِں کھو گئے مُدّعا کہتے کہتے

    زمانے کی آغوش میں جا پڑے ہم
    زمانے کو نا آشنا کہتے کہتے

    پلائے گا ساقی تو پینی پڑے گی
    کسی دن روا ، ناروا کہتے کہتے

    نگاہیں جھکیں ، لب ہلے ، مُسکرائے
    وہ چُپ ہو گئے جانے کیا کہتے کہتے

    ادھوری رہی داستانِ محبت
    جہاں سے کوئی اٹھ گیا "کہتے کہتے "

    نصیر ؔ ایسے اشعار ان کو سناؤ
    وہ شرمائیں بھی مرحبا کہتے کہتے

    سید نصیر الدین نصیر​
     
    • پسندیدہ پسندیدہ × 2
  2. فلسفی

    فلسفی محفلین

    مراسلے:
    2,576
    جھنڈا:
    Pakistan
    موڈ:
    Pensive
    یہاں "مری" نہیں ہونا چاہئے؟
     
    • متفق متفق × 2

اس صفحے کی تشہیر