وہ اردو اشعار جن میں فارسی گو شعراء کا ذکر ہے
- صاحب لڑی حسان خان
- تاریخ ابتداء
-
- ٹیگ
- فارسی شاعری
حسان خان
لائبریرین
۔۔۔۔
انوری سعدی و خاقانی و مدّاح ترا
رتبۂ شعر و سخن میں ہیں بہم چاروں ایک
ایک ڈنکا ہے اب اقلیمِ سخن میں ان کا
رکھتے ہیں زیرِ فلک طبل و علم چاروں ایک
سخن و نطق زبان اور فصاحت ان کی
سن کے سحباں کہے یہ لا و نعم چاروں ایک
عیب بیں ہو کے جو دیکھے کوئی ان کے اشعار
آنکھیں اس شخص کی اور گوشِ اصم چاروں ایک
جوہری ہووے جو بازارِ سخن کا سو کہے
قدر و قیمت میں ہیں باہم یہ رقم چاروں ایک
ہجو گر ان کی ہو منظور کسی شاعر کو
کر جدا ایک کو ان سے کہے ہم چاروں ایک
۔۔۔۔
(مرزا محمد رفیع سودا)
انوری سعدی و خاقانی و مدّاح ترا
رتبۂ شعر و سخن میں ہیں بہم چاروں ایک
ایک ڈنکا ہے اب اقلیمِ سخن میں ان کا
رکھتے ہیں زیرِ فلک طبل و علم چاروں ایک
سخن و نطق زبان اور فصاحت ان کی
سن کے سحباں کہے یہ لا و نعم چاروں ایک
عیب بیں ہو کے جو دیکھے کوئی ان کے اشعار
آنکھیں اس شخص کی اور گوشِ اصم چاروں ایک
جوہری ہووے جو بازارِ سخن کا سو کہے
قدر و قیمت میں ہیں باہم یہ رقم چاروں ایک
ہجو گر ان کی ہو منظور کسی شاعر کو
کر جدا ایک کو ان سے کہے ہم چاروں ایک
۔۔۔۔
(مرزا محمد رفیع سودا)
حسان خان
لائبریرین
۔۔۔۔
غرض میں دیکھ کے یہ تنگ چشمیِ گردوں
شبِ گذشتہ اسی فکر بیچ مرتا تھا
کدھر کو جاؤں میں تا دل کرے مرا واشد
ووہیں خیال میں قدسی کا یہ سخن گذرا
'دمے بہ بزمِ حریفاں شگفتہ شو چوں قدح
کہ جاں برائے تو دارد در آستیں مینا'
یہ سن کے مژدۂ جاں بخش میکدے کی طرف
چلا میں گھر سے نپٹ خوش ہو یہ غزل پڑھتا
۔۔۔۔
(مرزا محمد رفیع سودا)
غرض میں دیکھ کے یہ تنگ چشمیِ گردوں
شبِ گذشتہ اسی فکر بیچ مرتا تھا
کدھر کو جاؤں میں تا دل کرے مرا واشد
ووہیں خیال میں قدسی کا یہ سخن گذرا
'دمے بہ بزمِ حریفاں شگفتہ شو چوں قدح
کہ جاں برائے تو دارد در آستیں مینا'
یہ سن کے مژدۂ جاں بخش میکدے کی طرف
چلا میں گھر سے نپٹ خوش ہو یہ غزل پڑھتا
۔۔۔۔
(مرزا محمد رفیع سودا)
حسان خان
لائبریرین
ہے سخن سنج اک جوانِ متیں
فخرِ صائب جو وہ کرے تحسیں
رات جا کر میں اُس کی خدمت میں
اُسے دیکھا تو تھا نپٹ غمگیں
میں جو پوچھا سبب کہا مت پوچھ
خُبث کرنا کسو کا خوب نہیں
نہ کچھ اس سے حصول دنیا کا
نہ کچھ اس سے بر آوے مطلبِ دیں
لیکن اے یار تجھ سے کہتا ہوں
مل کے گو تجھ پہ سب کریں نفریں
داغ ہوں ان سے اب زمانے میں
بزمِ شعرا کے ہیں جو صدر نشیں
یعنی سودا و میر و قائم و درد
لے ہدایت سے تا کلیم و حزیں
کیا غرور و دماغ کیا نخوت
کون سا کِبر ہے جو اُن میں نہیں
الخ
(مرزا محمد رفیع سودا)
فخرِ صائب جو وہ کرے تحسیں
رات جا کر میں اُس کی خدمت میں
اُسے دیکھا تو تھا نپٹ غمگیں
میں جو پوچھا سبب کہا مت پوچھ
خُبث کرنا کسو کا خوب نہیں
نہ کچھ اس سے حصول دنیا کا
نہ کچھ اس سے بر آوے مطلبِ دیں
لیکن اے یار تجھ سے کہتا ہوں
مل کے گو تجھ پہ سب کریں نفریں
داغ ہوں ان سے اب زمانے میں
بزمِ شعرا کے ہیں جو صدر نشیں
یعنی سودا و میر و قائم و درد
لے ہدایت سے تا کلیم و حزیں
کیا غرور و دماغ کیا نخوت
کون سا کِبر ہے جو اُن میں نہیں
الخ
(مرزا محمد رفیع سودا)
حسان خان
لائبریرین
جب کہے موردِ تحسین میں اکثر اشعار
کہا استاد نے مجھ سے مرے سن کر اشعار
اے پسر چار نصائح میں کروں ہوں اُن کو
کر کے تحویلِ دل اپنے تو کہا کر اشعار
ہیں جو خاقانی و فردوسی و سعدی مشہور
کیا عجب ہے کہے ان کے جو برابر اشعار
۔۔۔۔۔۔۔
اس نصائح کی سند پھر ز کلام عرفی
لا کے وہ میرے لیے بہ ز جواہر اشعار
لگے فرمانے کہ استاد اُنہوں کا سن کر
ویسے شعروں کو کہے تھا نہ کہا کر اشعار
مرتبہ شعر کا زنہار نہ سمجھے گا تو
فائدہ کیا جو کرے داخلِ دفتر اشعار
اِس طرح کی جو سنی طعن و تعرض اُن نے
اور کے نام سے اپنے پڑھے اکثر اشعار
آفریں آفریں ہر شعر پہ دے کر استاد
بولا یہ خوب پڑھے تو نے سراسر اشعار
سن کے تحسین یہ عرفی نے کی استاد سے عرض
میرے ہی گذرے تھے یہ میری زباں پر اشعار
پڑھ کے نام اپنے سے تھا موردِ نفریں ورنہ
کسی دیواں میں نہیں ان سے تو بہتر اشعار
الخ
(مرزا محمد رفیع سودا)
کہا استاد نے مجھ سے مرے سن کر اشعار
اے پسر چار نصائح میں کروں ہوں اُن کو
کر کے تحویلِ دل اپنے تو کہا کر اشعار
ہیں جو خاقانی و فردوسی و سعدی مشہور
کیا عجب ہے کہے ان کے جو برابر اشعار
۔۔۔۔۔۔۔
اس نصائح کی سند پھر ز کلام عرفی
لا کے وہ میرے لیے بہ ز جواہر اشعار
لگے فرمانے کہ استاد اُنہوں کا سن کر
ویسے شعروں کو کہے تھا نہ کہا کر اشعار
مرتبہ شعر کا زنہار نہ سمجھے گا تو
فائدہ کیا جو کرے داخلِ دفتر اشعار
اِس طرح کی جو سنی طعن و تعرض اُن نے
اور کے نام سے اپنے پڑھے اکثر اشعار
آفریں آفریں ہر شعر پہ دے کر استاد
بولا یہ خوب پڑھے تو نے سراسر اشعار
سن کے تحسین یہ عرفی نے کی استاد سے عرض
میرے ہی گذرے تھے یہ میری زباں پر اشعار
پڑھ کے نام اپنے سے تھا موردِ نفریں ورنہ
کسی دیواں میں نہیں ان سے تو بہتر اشعار
الخ
(مرزا محمد رفیع سودا)
حسان خان
لائبریرین
نصیر الدین نصیر گولڑوی کی نظم 'عظمتِ عقلِ انسانی' کا ایک بند:
غالب و مومن و فردوسی و میر و سعدی
حافظ و رومی و عطار و جنید و شبلی
خسرو و جامی و خیام و انیس و عرفی
آدم و یونس و یحییٰ و نبی اور ولی
اِن کی گفتار کی پرواز کی سرحد تو ہے
غایتِ جنبشِ لب ہائے محمد تو ہے
(نصیر الدین نصیر گولڑوی)
غالب و مومن و فردوسی و میر و سعدی
حافظ و رومی و عطار و جنید و شبلی
خسرو و جامی و خیام و انیس و عرفی
آدم و یونس و یحییٰ و نبی اور ولی
اِن کی گفتار کی پرواز کی سرحد تو ہے
غایتِ جنبشِ لب ہائے محمد تو ہے
(نصیر الدین نصیر گولڑوی)