وہیں تو عشق رہتا ہے

ظہیراحمدظہیر نے 'آپ کی شاعری (پابندِ بحور شاعری)' کی ذیل میں اس موضوع کا آغاز کیا، ‏اکتوبر 21, 2020

  1. ظہیراحمدظہیر

    ظہیراحمدظہیر محفلین

    مراسلے:
    3,662
    جھنڈا:
    Pakistan
    موڈ:
    Busy
    ایک پرانی نظم احبابِ محفل کی خدمت میں پیش ہے ۔ یہ نظم میرے عمومی رنگ سے بہت مختلف ہے ۔ اس طرز کا کلام ایک خاص دور اور کیفیت کا کلام ہوتا ہے کہ جسے عبور کئے برسوں گزرگئے ۔ میں اس طرح کا اپنا اکثر کلام رد کرچکا ہوں لیکن یہ نظم کسی طرح بچ بچا کر آپ تک پہنچ رہی ہے ۔ اگر مناسب سمجھیں تو اپنی رائے عطا کیجئے گا ۔


    وہیں تو عشق رہتا ہے

    ٭٭٭

    جہاں ہونے نہ ہونے کی حدیں آپس میں ملتی ہیں
    جہاں غم گیت گاتے ہیں ، جہاں ہر درد ہنستا ہے
    وہیں ہے گھر محبت کا ، وہیں تو عشق رہتا ہے
    جہاں حدِ نظر تک نیلگوں گہرے سمندر کے
    سنہری ساحلوں پر دھوپ کوئی نام لکھتی ہے
    ہوا کی موج بکھرے بادلوں سے رنگ لے لے کر
    شفق کی زرد تختی پر گلابی شام لکھتی ہے
    جہاں اقرار وپیماں کے گھنے شیشم تلے سورج
    نئے اک دن کی خاطر تیرگی کے وار سہتا ہے
    جہاں اک آس کی خوشبو میں لپٹا یاس کا سایہ
    کسی کی نظم لکھتا ہے ، کسی کے شعر کہتا ہے

    اداسی جب کبھی دل پر کمندیں ڈال دیتی ہے
    تھکن جب دھڑکنوں میں نا امیدی گھول دیتی ہے
    تو اُس لمحے دبے پاؤں کسی احساس کا پیکر
    قریب آکر بجھی آنکھوں پہ رکھ کر ہاتھ پیچھے سے
    دبی سرگوشیوں کے نرمگیں لہجے میں کہتا ہے
    " یہ غم میری امانت ہے ، تم اِس سے ہار مت جانا
    تمہیں میری قسم دیکھو کبھی اُس پار مت جانا
    جہاں ہونے نہ ہونے کی حدیں آپس میں ملتی ہیں
    جہاں کوئی نہیں بستا ، جہاں کوئی نہیں رہتا"

    پلٹ کر دیکھئے اُس پل تو کوئی بھی نہیں ہوتا
    بس اک موہوم سی آہٹ اور اک مانوس سی خوشبو
    فضا میں جیسے بکھری ہو ، ہوا جیسے مہکتی ہو
    تبسم کی چنبیلی اور ترنم کے گلابوں سے
    ڈھکے ٹیلوں کے دامن میں ، ذرا سی دور خوابوں سے
    منقش جھلملاتی یاد کی پگھلی ہوئی چاندی
    کا اک آئینہ بہتا ہے
    وہیں تو گھر ہمارا ہے ، وہیں تو عشق رہتا ہے
    وہیں تو عشق رہتا ہے

    ٭٭٭

    ظہیؔر احمد ۔ ۔۔۔۔۔ ۲۰۰۱








     
    آخری تدوین: ‏اکتوبر 22, 2020
    • زبردست زبردست × 16
    • پسندیدہ پسندیدہ × 10
  2. abdul.rouf620

    abdul.rouf620 لائبریرین

    مراسلے:
    998
    بہت خوب، مجھے تو اس نظم میں محترم امجد اسلام امجد صاحب کی نظموں کی جھلک دکھائی دینے لگی :)
     
    • متفق متفق × 2
    • دوستانہ دوستانہ × 1
  3. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    18,888
    جھنڈا:
    Pakistan
    موڈ:
    Cheerful
    زبردست ،
    پر کیف نظم کہی ظہیر بھائی۔
     
    • پسندیدہ پسندیدہ × 1
    • دوستانہ دوستانہ × 1
    • متفق متفق × 1
  4. سید عاطف علی

    سید عاطف علی لائبریرین

    مراسلے:
    10,751
    جھنڈا:
    SaudiArabia
    موڈ:
    Cheerful
    واہ ظہیر بھائی !!! آپ کا جو متین اور نفیس تغزل اب تک ہمیں میسر آیا تھا اس کی روشنی میں یہ تو "کسی قدر" سمجھ میں آتا ہے کہ آپ نے کیوں یہ کلام اب تک پردۂ حکمت کے پیچھے رکھا :) ، البتہ یہ زیادتی کی کہ اس نوع کے کلام ہی کو مردود کر دیا ۔ یہ تو آپ کے افکار اور ان کے مراحل کے بدلتے آئینوں کے عکس کی ایک متنوع رنگوں میں ڈھلتی دستاویز ہی ہو جاتا اور یوں ہر مرحلے کے قاریوں کو سیراب کرتا ۔ اور ہمیں بھی کہیں اپنی یاد داشتوں کے صفحات پلٹنے کا موقع دیتا تو کہیں زندگی کے گزرے نقوش اور ماضی کے دریچوں پر دستک دے کر دور حاضر کی ان مہیب مصروفیتوں سے پناہ ہی دے دیا کرتا ۔
     
    • پسندیدہ پسندیدہ × 4
    • متفق متفق × 1
  5. صابرہ امین

    صابرہ امین لائبریرین

    مراسلے:
    1,223
    جھنڈا:
    Pakistan
    موڈ:
    Bookworm
    " یہ غم میری امانت ہے ، تم اِس سے ہار مت جانا
    تمہیں میری قسم دیکھو کبھی اُس پار مت جانا
    جہاں ہونے نہ ہونے کی حدیں آپس میں ملتی ہیں
    جہاں کوئی نہیں بستا ، جہاں کوئی نہیں رہتا"

    کس دنیا کی باتیں ۔ ۔ واہ واہ ۔ ۔ بہت عمدہ ۔ ۔ ماشااللہ :)
     
    • پسندیدہ پسندیدہ × 2
    • دوستانہ دوستانہ × 1
  6. قرۃالعین اعوان

    قرۃالعین اعوان لائبریرین

    مراسلے:
    8,961
    موڈ:
    Lurking
    بہت ہی خوب!
    دل آویز کلام
     
    • دوستانہ دوستانہ × 2
    • متفق متفق × 1
  7. احمد محمد

    احمد محمد محفلین

    مراسلے:
    486
    جھنڈا:
    Pakistan
    موڈ:
    Breezy
    ماشاءاللہ۔ آپ کو ہر صنف پر ملکہ حاصل ہے۔
     
    • متفق متفق × 2
    • دوستانہ دوستانہ × 1
  8. ظہیراحمدظہیر

    ظہیراحمدظہیر محفلین

    مراسلے:
    3,662
    جھنڈا:
    Pakistan
    موڈ:
    Busy
    بہت شکریہ عبدالرؤف بھائی ! بہت نوازش!
    امجد اسلام امجد کی اکثر نظمیں بھی مفاعیلن کی تکرار سے بنتی ہیں ۔ آپ کے تاثر کی ایک وجہ شاید یہ بھی ہو ۔
     
    • دوستانہ دوستانہ × 1
    • متفق متفق × 1
  9. ظہیراحمدظہیر

    ظہیراحمدظہیر محفلین

    مراسلے:
    3,662
    جھنڈا:
    Pakistan
    موڈ:
    Busy
    نوازش، بہت شکریہ، معان بھائی ! اللہ آپ کو خوش رکھے ۔ بہت ممنون ہوں ۔
     
    • دوستانہ دوستانہ × 1
  10. محمد تابش صدیقی

    محمد تابش صدیقی منتظم

    مراسلے:
    25,854
    جھنڈا:
    Pakistan
    موڈ:
    Breezy
    کیا عمدہ اور کسی چشمے کے بہاؤ جیسے نظم ہے۔
    احساسات سے بھرپور نظم
    بہت خوب ظہیر بھائی۔
     
    • دوستانہ دوستانہ × 1
    • متفق متفق × 1
  11. ظہیراحمدظہیر

    ظہیراحمدظہیر محفلین

    مراسلے:
    3,662
    جھنڈا:
    Pakistan
    موڈ:
    Busy
    آداب ، عاطف بھائی ! مجھے خوشی ہے کہ نظم آپ کو پسند آئی ۔:)
    عاطف بھائی ، آپ کاکہنا بالکل بجا ہے اور انتہائی معقول بات ہے ۔ بس میں شروع ہی سے اپنی شاعری کے بارے میں کچھ تردد کا شکار رہا ہوں ۔ ابتدائی دور کے کچھ مشاعرے اور محفلیں وغیرہ ایک دیرپا تلخ ذائقہ مجھ میں چھوڑگئیں ۔ پانچ سال پہلے اردو محفل کی رکنیت اختیار کی توجھجکتے جھجکتے یہاں کلام لگانا شروع کیا ورنہ اس سے پہلے شعر خوانی قریبی حلقۂ احباب تک محدود تھی۔ آپ لوگوں کی طرف سے اس قدر پذیرائی اور محبتیں ملیں کہ اب بلا جھجک کلام لگاتا ہوں ۔ :D
    ان محبتوں پر شکرگزار ہوں ۔ اللہ کریم آپ کو سلامت رکھے ۔
    کس طرح اتنی محبت اب نبھاؤں میں ظہیؔر
    اتنا قرضِ دوستی آخر ادا کیسے کروں
     
    • پسندیدہ پسندیدہ × 4
  12. ظہیراحمدظہیر

    ظہیراحمدظہیر محفلین

    مراسلے:
    3,662
    جھنڈا:
    Pakistan
    موڈ:
    Busy
    بہت شکریہ ! نوازش! بہت ممنون ہوں ۔ اللہ آپ کو خوش رکھے ۔
     
    • دوستانہ دوستانہ × 1
  13. ظہیراحمدظہیر

    ظہیراحمدظہیر محفلین

    مراسلے:
    3,662
    جھنڈا:
    Pakistan
    موڈ:
    Busy
    بہت بہت شکریہ قرۃالعین اعوان صاحبہ! بہت نوازش آپ کی!
    اللہ کریم آپ کو خوش رکھے ۔ ذوق سلامت رکھے۔
     
    • دوستانہ دوستانہ × 1
  14. ظہیراحمدظہیر

    ظہیراحمدظہیر محفلین

    مراسلے:
    3,662
    جھنڈا:
    Pakistan
    موڈ:
    Busy
    بہت شکریہ ، محمد بھائی ! داد و تحسین کے لئے سپاسگزار ہوں ۔ اللہ آپ کو خوش رکھے ۔
     
    • دوستانہ دوستانہ × 1
  15. عبید انصاری

    عبید انصاری محفلین

    مراسلے:
    2,687
    جھنڈا:
    Pakistan
    موڈ:
    Cool
    خوب!
    انداز ہی سے لگ رہا ہے کہ یہ اس غزل سے بھی پہلے کی نظم ہوگی۔ :)
     
    • پسندیدہ پسندیدہ × 1
    • دوستانہ دوستانہ × 1
  16. ظہیراحمدظہیر

    ظہیراحمدظہیر محفلین

    مراسلے:
    3,662
    جھنڈا:
    Pakistan
    موڈ:
    Busy
    آداب ، آداب ! محبت ہے آپ کی تابش بھائی ! بہت عزت افزائی کرتے ہیں ۔ اللہ آپ کو سلامت رکھے!
    بس یہ کچھ رومانوی سی پرانی نظم ہے ۔ کسی زمانے میں ایسا کچھ لکھا کرتا تھا ۔ اب تو میرا خیال ہے کہ میں "میچور" ہو گیا ہوں ۔ :D
     
    • پر مزاح پر مزاح × 4
  17. محمد خلیل الرحمٰن

    محمد خلیل الرحمٰن مدیر

    مراسلے:
    10,632
    جھنڈا:
    Pakistan
    موڈ:
    Festive
    خوبصورت خوبصورت!!!

    کیا بات ہے صاحب۔
     
    • دوستانہ دوستانہ × 1
    • متفق متفق × 1
  18. محمد تابش صدیقی

    محمد تابش صدیقی منتظم

    مراسلے:
    25,854
    جھنڈا:
    Pakistan
    موڈ:
    Breezy
    جتنی عمر آپ کی یہ نظم لکھتے وقت تھی، اب میری ہے۔ مگر میں جلدی بوڑھا ہو گیا ہوں۔ :p
     
    • پر مزاح پر مزاح × 3
  19. ظہیراحمدظہیر

    ظہیراحمدظہیر محفلین

    مراسلے:
    3,662
    جھنڈا:
    Pakistan
    موڈ:
    Busy
    :):):)

    عبید بھائی ، اس طرح کا جو وقتی اور جذباتاتاتاتی نوعیت کا کلام تھا وہ تو بیشتر ترک کرچکا ۔ :) ایک آدھ چیزیں ہیں کہ بس پھینکنے کو دل نہیں کرتا کہ دوستوں کی محفلوں میں کئی دفعہ سناچکا ہوں ، یادیں وابستہ ہیں ۔ اپنے محمداحمد بھائی کو یہ پسند آئی تھی تو سوچا شاید آپ لوگوں کو بھی پسند آئے ۔ اس لئے یہاں پوسٹ کردی ۔
    یہ انیس بیس سا ل پرانی ہے ۔ جس غزل کا حوالہ آپ نے دیا وہ شاید ۲۰۰۹ کی ہے ۔ سو آپ کا اندازہ بالکل درست ہے ۔ :):):)
     
    • پسندیدہ پسندیدہ × 1
    • دوستانہ دوستانہ × 1
  20. ظہیراحمدظہیر

    ظہیراحمدظہیر محفلین

    مراسلے:
    3,662
    جھنڈا:
    Pakistan
    موڈ:
    Busy
    ہو نہیں گئے ، آپ نے طاری کرلیا ہے ۔ :D
    ابھی تو آپ کے رومانوی اشعار لکھنے کے دن ہیں ۔ صوفیانہ کلام میں بیس سال باقی ہیں ۔ :):):)
     
    • پر مزاح پر مزاح × 7

اس صفحے کی تشہیر