ورڈ پریس کے لیے اردو ایڈیٹر پلگ ان

نبیل نے 'اردو سوفٹویر ریلیز' کی ذیل میں اس موضوع کا آغاز کیا، ‏جنوری 24, 2009

  1. نبیل

    نبیل محفلین

    مراسلے:
    16,749
    جھنڈا:
    Germany
    موڈ:
    Depressed
    السلام علیکم،
    جیسا کہ میں پہلے بھی عرض کر چکا ہوں کہ ہم ورڈپریس کے اردو ورژن اردو پریس کو ورڈپریس کے ورژن 2.7 پر اپڈیٹ کرنے کے لیے کام کر رہے ہیں۔ جے کویری جاوا سکرپٹ فریم ورک کے لیے اردو ایڈیٹر پلگ ان بھی اسی مقصد کے لیے ڈیویلپ کیا گیا ہے تاکہ ورڈپریس کے لیے ایک بہتر اردو ایڈیٹر پلگ ان تیار کیا جا سکے۔ میں اس پوسٹ میں ورڈپریس کا نیا اردو ایڈیٹر پلگ ان متعارف کروا رہا ہوں جو کہ جے کویری فریم ورک کا استعمال کرتا ہے اور اس کے اردو ایڈیٹر پلگ ان پر مبنی ہے۔ ورڈ پریس کے پرانے اردو ایڈیٹر پلگ ان کے مقابلے میں یہ پلگ ان ورڈپریس کے ایڈمن سیکشن کے زیادہ تر ایڈٹ ایریاز کا احاطہ کرتا ہے۔ اس اردو ایڈیٹر پلگ ان کی ایک اور خاص بات یہ ہے کہ یہ ورڈ پریس کے ایڈمن سیکشن کے دوسرے فنکشنز جیسے کہ آٹو سیو وغیرہ کی راہ میں رکاوٹ نہیں بنتا اور دوسری سکرپٹس کے ساتھ بخوبی کام کرتا ہے۔ واضح رہے کہ اس ایڈیٹر کو ورڈپریس 2.7 پر ہی ٹیسٹ کیا گیا ہے، اور اس کا استعمال انٹرنیٹ ایکسپلورر اور فائرفاکس پر جانچا گیا ہے۔ فی الحال اسے بطور بیٹا ریلیز کیا جا رہا ہے۔ علاوہ ازیں نیا اردو ایڈیٹر پلگ ان استعمال کرنے سے قبل پرانا اردو ایڈیٹر پلگ ان ان انسٹال کرنا بہتر رہے گا۔

    زیر نظر اردو ایڈیٹر پلگ ان کے ذریعے ورڈپریس کے جن حصوں میں اردو ایڈیٹر انٹگریشن دستیاب ہوجاتی ہے ان کی فہرست ذیل میں دی گئی ہے۔

    فرنٹ اینڈ (بلاگ)
    ۔ سرچ ٹیکسٹ باکس
    ۔ تبصروں کے لیے ایڈیٹر

    ایڈمن سیکشن
    ۔ کوئک پریس
    ۔ نئی پوسٹ شامل کرنے والا صفحہ
    ۔ نیا پیج شامل کرنے والا صفحہ
    - زمرہ جات شامل کرنے والا صفحہ
    - روابط شامل کرنے والا صفحہ
    ۔ تبصروں کو فوری ایڈٹ کرنا
    ۔ ٹیگز شامل کرنا

    ورچوئل کی بورڈ

    ورڈپریس کے نئے اردو ایڈیٹر پلگ ان میں ورچوئل کی بورڈ بھی دستیاب ہے لیکن یہ انٹرنیٹ ایکسپلورر میں درست کام نہیں کر رہا ہے جبکہ یہ فائرفاکس میں یہ درست کام کرتا نظر آ رہا ہے جیسا کہ ذیل کی تصویر میں دکھایا گیا ہے۔

    [​IMG]

    آن سکرین کی بورڈ

    آن سکرین کی بورڈ صرف بلاگ کے تبصروں کے ایڈیٹر کے لیے دستیاب ہے اور ایڈمن سیکشن میں کچھ مسائل کی وجہ سے آن سکرین کی بورڈ فراہم نہیں کیا گیا ہے۔

    اردو ایڈیٹر پلگ ان آپشنز

    ورڈپریس کے نئے اردو ایڈیٹر پلگ ان میں فرنٹ اینڈ بلاگ اور ایڈمن سیکشن کے ہر حصے میں اردو ایڈیٹر کی انٹگریشن کو فعال یا غیر فعال کرنے کی آپشنز مہیا کی گئی ہیں۔ ورچوئل کی بورڈ کو بھی فعال یا غیر فعال کیا جا سکتا ہے۔ لیکن غالباً سب سے اہم آپشنز خود اردو ایڈیٹر کو کسٹمائز کرنے کی ہیں۔ جیسا کہ ذیل کی تصویر میں دکھایا گیا ہے، اردو ایڈیٹر میں استعمال کیے جانے والے فونٹ کو تبدیل کیا جا سکتا ہے۔


    [​IMG]

    اس کے علاوہ اردو ایڈیٹر کے اردو لینگویج موڈ اور انگریزی لینگویج موڈ کو بھی اس پلگ ان کی سیٹنگز میں تبدیل کیا جا سکتا ہے جیسا کہ ذیل کی تصویر میں دکھایا گیا ہے۔


    [​IMG]

    ورڈپریس کے اس نئے اردو ایڈیٹر پلگ ان کے بارے میں آپ کی آراء کے ہم منتظر رہیں گے۔

    ورڈ پریس کا اردو ایڈیٹر پلگ ان ڈاؤنلوڈ کریں
     
    • پسندیدہ پسندیدہ × 18
  2. ابن سعید

    ابن سعید خادم

    مراسلے:
    60,165
    لینکس پر اسے استعمال کرتا ہوں پھر نتائج سے آگاہ کرتا ہوں ان شاء‌ اللہ
     
    • پسندیدہ پسندیدہ × 1
  3. دوست

    دوست محفلین

    مراسلے:
    13,076
    جھنڈا:
    Germany
    موڈ:
    Fine
    ونڈوز پر بہترین کام کررہا ہے۔ لینکس ابھی ہے نہیں ورنہ اس پر بھی دیکھتا۔
    نبیل بھائی زندہ باد۔:lovestruck:
     
    • پسندیدہ پسندیدہ × 1
  4. duffer

    duffer محفلین

    مراسلے:
    57
    ابھی استعمال کر کے دیکھتا ہوں لیکن دیکھے بغیر ہی ورچوئل کی بورڈ والا فیچر متاثر کن لگ رہا ہے
     
    • پسندیدہ پسندیدہ × 1
  5. ماوراء

    ماوراء محفلین

    مراسلے:
    16,399
    زبردست ہے۔ بہت شکریہ۔
    بلاگ پر تو ٹھیک چل گیا ہے۔۔لیکن لوکل ہوسٹ پر نہیں چل رہا۔
     
  6. جہانزیب

    جہانزیب محفلین

    مراسلے:
    2,442
    جھنڈا:
    UnitedStates
    موڈ:
    Brooding
    میرے پاس بھی لوکل ہوسٹ‌ پر نہیں‌ چلا ۔ بلاگ پر چیک نہیں‌ کیا ، میں‌ سمجھا شائد لینکس کا مسلہ ہے ۔
     
  7. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    اسکو استعمال کرکے اپنے بلاگ کا ربط فراہم کریں تاکہ ہم جیسے "لابلاگرز" بھی اسکو ٹیسٹ کر سکیں!
     
  8. شکاری

    شکاری محفلین

    مراسلے:
    529
    نبیل بھائی اپڈیٹ اردو ایڈیٹر پلگ ان کا شکریہ ابھی یہاں تو بہت اچھا لگ رہا ہے استعمال پر مزید پتا چلے گا۔
     
    • پسندیدہ پسندیدہ × 1
  9. نبیل

    نبیل محفلین

    مراسلے:
    16,749
    جھنڈا:
    Germany
    موڈ:
    Depressed
    میرے پاس تو لوکل ہوسٹ پر بھی کام کر رہا ہے۔ میں ونڈوز وسٹا پر یونیفارم سرور 3.5 استعمال کر رہا ہوں۔ ماوراء کے بلاگ پر بھی یہ صحیح کام کر رہا ہے۔
     
  10. جہانزیب

    جہانزیب محفلین

    مراسلے:
    2,442
    جھنڈا:
    UnitedStates
    موڈ:
    Brooding
    صحیح‌ کام کر رہا ہے اب میرے پاس بھی، پہلے سانچہ پرانا استعمال کر رہا تھا، اب کمنٹس کے سانچہ کو 2.7 کے مطابق ڈھالا ہے، تو سب کچھ درست ہو گیا ہے، میں نے اپنے بلاگ پر بھی اسے لگایا ہے، وہاں بھی درست کام کر رہا ہے اب ۔
     
  11. جہانزیب

    جہانزیب محفلین

    مراسلے:
    2,442
    جھنڈا:
    UnitedStates
    موڈ:
    Brooding
    نبیل ایک سوال ہے ، مثال کے طور پر ہم ایک کثیر زبان بلاگ بناتے ہیں‌ ، اب انگریزی کے لئے میں‌ اس کا استعمال نہیں‌ کرنا چاہتا ۔ اس کا ورک آراؤنڈ‌ یہ نکالا ہے کہ انگریزی تحاریر کے لئے الگ سے کمنٹس بنائے جائیں‌ ۔ لیکن ڈیش بورڈ‌ سے کمنٹس باکس میں‌ پلگ اِن بحال کرنے سے انگریزی والے خانہ میں بھی ایڈیٹر بحال ہو جاتا ہے ، اس سے بچنے کے لئے میں‌ نے فارم میں فیلڈز کے ڈیفالٹ‌ نام بدل کر دیکھے ہیں‌ ، مثلآ‌ author کی بجائے comment-user لیکن پھر بھی فرق نہیں پڑا ۔ اس سے بچنے کا کیا طریقہ ہو سکتا ہے؟
     
  12. نبیل

    نبیل محفلین

    مراسلے:
    16,749
    جھنڈا:
    Germany
    موڈ:
    Depressed
    جہانزیب، اس سوال کے جواب کا کچھ انتظار کر لو۔ میں فی الحال ڈیفالٹ تھیم کو ہی بائی لنگوئل بنانا چاہ رہا ہوں۔ میں بھی یہی چاہ رہا ہوں کہ انگریزی مراسلات پر اردو ایڈیٹر ڈسپلے نہ ہو۔ میں اس کا کوئی حل نکالنے کی کوشش کرتا ہوں۔ فی الحال میں ضروری پلگ انز کو اکٹھا کرکے ڈیفالٹ انسٹالیشن میں شامل کر رہا ہوں۔
     
  13. نبیل

    نبیل محفلین

    مراسلے:
    16,749
    جھنڈا:
    Germany
    موڈ:
    Depressed
    جہانزیب، میں نے انگریزی پوسٹس میں اردو ایڈیٹر ہٹانے کا طریقہ معلوم کر لیا ہے۔ میں اس کے بارے میں جلد ہی تفصیل سے لکھوں گا۔
     
  14. جہانزیب

    جہانزیب محفلین

    مراسلے:
    2,442
    جھنڈا:
    UnitedStates
    موڈ:
    Brooding
    میں‌ نے بھی کر لیا ہے :grin:
     
  15. فرخ

    فرخ محفلین

    مراسلے:
    1,722
    جھنڈا:
    Pakistan
    موڈ:
    Aggressive
    بہت خوب نبیل۔۔
    اسی لیئے میں‌اب بھی سوچتا ہوں کہ اردو ویب میں شمولیت فضول میں نہیں گئی۔۔۔ :grin:
     
    • پسندیدہ پسندیدہ × 1
  16. عمران القادری

    عمران القادری محفلین

    مراسلے:
    725
    میں چیک کرتا ہوں لیکن ابھی ٹائم کم ہے۔
     
  17. عمران القادری

    عمران القادری محفلین

    مراسلے:
    725
    پھر لائٹ‌چلی جائے گی۔
     
  18. جہانزیب

    جہانزیب محفلین

    مراسلے:
    2,442
    جھنڈا:
    UnitedStates
    موڈ:
    Brooding
    ورڈپریس کے نئے ورژن 2.7.1 کے ساتھ اب یہ کام نہیں کرتا ۔
     
  19. سلیم احمد

    سلیم احمد محفلین

    مراسلے:
    264
    میرا خیال ہے سیف صاحب نے ایک ہی جملہ کاپی کرکے ہر جگہ پوسٹ کردیا ہے
     
  20. زیک

    زیک محفلین

    مراسلے:
    38,826
    جھنڈا:
    UnitedStates
    موڈ:
    Bookworm
    میں اپنا بلاگ ورڈپریس پر منتقل کر رہا ہوں تو سوچا کہ یہ پلگ‌ان بھی انسٹال کر لیا جائے۔

    چونکہ میرا بلاگ 99 فیصد انگریزی میں ہے اس لئے یہ طریقہ میرے لئے اہم ہے۔ سو جہانزیب اور نبیل کیا طریقہ ہے؟

    مجھے تو یہ ورڈپریس 2.8.4 میں کام کرتا نطر آ رہا ہے۔
     
    • پسندیدہ پسندیدہ × 2

اس صفحے کی تشہیر