1. اردو محفل سالگرہ شانزدہم

    اردو محفل کی سولہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

نستعلیق کی تیاری

بلال نے 'ٹائپو گرافی اور خطاطی' کی ذیل میں اس موضوع کا آغاز کیا، ‏جولائی 1, 2008

  1. بلال

    بلال محفلین

    مراسلے:
    2,121
    جھنڈا:
    Pakistan
    موڈ:
    Busy
    تمام اہلیانِ محفل کو
    السلام علیکم!
    میں کافی دن سے مصروف تھا جس کی وجہ سے محفل پر نہیں آ سکا تھا۔ خیر اب مصروفیت ختم ہو گئی ہے۔
    اگر دیکھا جائے تو اردو میں ایک خاص حد تک مختلف ادارے اور لوگ اپنی اپنی نوعیت کا کام کر رہے ہیں۔ یہ سب کام اپنا ایک الگ مقام رکھتے ہیں۔ لیکن آج تک کوئی قابل نستعلیق فانٹ نہیں بن سکا۔ انپیج اپنے فانٹ کی خوبصورتی کی وجہ سے ہی اردو کمپیوٹنگ پر چھایا ہوا ہے اور جو آج تک اپنی ایک حیثیت رکھتا ہے۔ مگر مسئلہ وہی جو آپ سب جانتے ہیں کہ یہ یونیکوڈ سافٹ ویئر نہیں۔ خیر اس دھاگے کو شروع کرنے کا مقصد یہ ہے کہ ہم اردو کے لباس نستعلیق کی طرف دیوانہ وار ایک رضاکارانہ ٹیم کی صورت میں توجہ دیں۔ اردو محفل پر بے شمار فانٹ ماہرین موجود ہیں۔ اب میں چاہتا ہوں کہ سب مل کر ایک ٹیم بنائیں۔ جیسا کہ ایک ٹیم کام کرتی ہے ویسے ہی ہم سب مل کر کام کریں۔ جو جس کام میں ماہر ہے یا کرنے کی استطاعت رکھتا ہے وہ اپنے ذمہ کام لے اور اسے جلد پورا کرنے کی کوشش کرے۔
    میں خود تو فانٹ بنانے کے بارے میں کچھ خاص نہیں جانتا لیکن جتنا کام میں کر سکتا ہوں اتنا ضرور کروں گا۔ پھر جیسے جیسے لوگ اس ٹیم میں شامل ہوں گے تو وہ اپنا اپنا کام کرتے جائیں گے۔
    • سب سے پہلے جو بھی جتنا بھی کام جانتا ہے چاہے بالکل تھوڑا ہی کیوں نہ جانتا ہو۔ یہاں آئے اور اردو کے لئے اپنی خدمات دے۔
    • سب سے پہلے تو ہمیں خطاط حضرات کی ضرورت ہے جو پہلے سے موجود اوپن سورس فانٹس میں دیکھیں کہ کس فانٹ کی خطاطی بالکل ٹھیک ہے۔ جسے استعمال میں لایا جائے اور مزید بہتر بلکہ بہترین کیا جائے۔۔۔ اگر خطاط حضرات دیکھتے ہیں کہ کسی فانٹ میں بھی خطاطی معیاری نہیں تو پھر ہمیں نئی خطاطی کروانی ہو گی۔ اس کام کے لئے اگر کسی محنت کی اور کمپیوٹر پر کسی گرافکس سافٹ ویئر جیسے کورل ڈرا میں کام کرنے کی ضرورت ہے تو میں یہ کام کرنے کے لئے تیار ہوں۔ خیر ان باتوں کی تب ضرورت پڑے گی جب پہلے کسی فانٹ میں خطاطی معیاری نہ ہوئی۔
    • اس کے بعد ہمیں فانٹ ماہرین کی ضرورت ہے جو اس خطاطی کو کسی سافٹ ویئر کے ذریعے ایک ابتدائی فانٹ کی صورت دے سکیں۔۔۔
    • پھر ہمیں وولٹ ماہرین کی ضرورت ہو گی جو وولٹ کے ذریعے فانٹ کو مزید بہتر کریں اور ایک معیاری نستعلیق فانٹ تیار ہو سکے۔۔۔

    میرے خیال میں ہماری ٹیم کی مزید 3 ٹیمیں بنیں گی۔ ایک تو خطاط حضرات دوسرے فانٹ ماہرین اور تیسرے وولٹ ماہرین۔۔۔ اس لئے آپ جو کام اچھا جانتے ہیں اس کے لئے میدان عمل میں کود پڑیں۔۔۔
    اب ہمیں چاہئے کہ جو جتنا کر سکتا ہے وہ اتنا کام رضاکارانہ طور پر کرے۔ ہو سکتا ہے کہ کئی فانٹ ماہرین یا کسی بھی ممبر کے آپس میں کوئی اختلاف ہو لیکن کیونکہ ہم اردو کی ترقی کے لئے یہ کام کر رہے ہیں تو ہمیں ذاتی یا کسی بھی قسم کی رنجش کو ایک طرف کر کے صرف فانٹ کے بارے میں سوچنا ہو گا۔
    حکومت کی نستعلیق کی طرف توجہ نہ دینے اور اردو کے لئے حکومتی اداروں کا حال ہم سب کے سامنے ہے۔ جنہوں نے اتنے سالوں میں ہمیں جو دیا ہے اس کا بھی سب کو پتہ ہے۔ اس بارے میں کافی بحثیں ہو چکی ہے لیکن بحث کے حساب سے کام بہت کم۔ اس لئے حکومت کی طرف دیکھنے کی بجائے اب ہمیں خود کچھ کرنا ہو گا اسلئے میری تمام دوستوں سے گذارش ہے کہ آؤ مل کر قطرہ قطرہ جمع کر کے سمندر بنا ڈالیں۔ کام مشکل ہو سکتا ہے لیکن ناممکن نہیں۔ اس لئے ہمیں ہمت کرنی ہو گی اور ایک معیاری نستعلیق رسم الخط بنانا ہوگا۔
    اللہ تعالٰی ہم سب کا حامی و ناصر ہو۔۔۔آمین
     
    • پسندیدہ پسندیدہ × 15
    • زبردست زبردست × 1
  2. مغزل

    مغزل محفلین

    مراسلے:
    17,597
    جھنڈا:
    Pakistan
    موڈ:
    Dunce
    بلال صاحب ۔۔ فبہا۔۔
    بندہ بھی حاضر ہے۔۔ مگر کوئی راستہ تو سجھائے۔
    میرا اپنا خواب ہے کہ جسے ان پیج میں نستعلیق (نوری) ہے
    ویسا ہی فانٹ یہاں بھی کام کرے۔ ان پیج میں دو ایک لفظ جیسے محبتین اور صحبتیں وغیرہ کے
    علاوہ یہ ایک معتدل فونٹ ہے اور اردو پوائنٹ پر کامیابی استعمال کیا جارہاہے۔
    یہاں احباب نے نستعلیق پر کام کیا ہے وہ بطور فونٹ تو اچھی کوشش ہے مگر
    اس میں نشستِ لفظی، کرسی، کش ، دامن ، شوشہ جیسے بہت سے عیوب ہیں
    عبدالحمید صاحب اس ضمن میں اشاریہ دیا ہے کہ وہ متحرک ٹیوٹرل یہاں پیش کریں گے۔
    اس سلسلے میں انہوں نے بہت سے تمہیدی مراسلات بھی پیش کیئے ہیں۔
    آپ اس ضمن میں‌کیا مدد کرسکتے ہیں۔؟
     
    • پسندیدہ پسندیدہ × 2
  3. دوست

    دوست محفلین

    مراسلے:
    13,086
    جھنڈا:
    Germany
    موڈ:
    Fine
    اگر نوری نستعلیق کے گلائفز پر مشتمل ایک لگیچر بیسڈ فانٹ (جیسا پاک نوری نستعلیق تھا) بنا لیا جائے تو بہترین رہے گا۔ محسن شفیق حجازی، ظہور احمد سولنگی اور شعیب نواز ہمارے ساتھ موجود ہیں۔ نوری نستعلیق پر کسی کی اجارہ داری نہیں۔ اور نہ ہی ہمیں ایک نیا فونٹ بنانے سے کوئی روک سکتا ہے چاہے وہ کسی پہلے فونٹ کی کاپی ہی ہو۔
    لگیچر بیسڈ فانٹ کی تجویز اس لیے دی ہے کہ نارمل فونٹ اگر رفتار پر توجہ دیں گے تو پاک نستعلیق کی طرح لینکس پر نہیں چلے گا۔ مذکورہ بالا احباب اس سلسلے میں پہلے کام کرچکے ہیں اور اگر یہ گائیڈ ہی کرتے جائیں تو کام ہوسکتا ہے۔ مجھے امید ہے پاک نوری نستعلیق والے مراحل دوہرانا مشکل نہیں ہوگا۔
    وسلام
     
    • پسندیدہ پسندیدہ × 8
  4. ابو کاشان

    ابو کاشان محفلین

    مراسلے:
    1,841
    جھنڈا:
    Pakistan
    موڈ:
    Brooding
    بطور مبتدی یہ پوچھنا چاہتا ہوں کہ فونٹ سوفٹویئر میں ان پیج کے نوری نستعلیق کے glyphs کھل جاتے ہیں تو ان سے مدد نہیں لی جا سکتی۔
    میں نے ایک دفعہ ان سب کو ایک جگہ جمع کرنے کی کوشش کی تھی لیکن وولٹ سے نابلد ہونے پر کام ادھورا رہ گیا۔
     
    • پسندیدہ پسندیدہ × 3
  5. عبدالمجید

    عبدالمجید محفلین

    مراسلے:
    933
    سب سے پہلے تو بلال بھائی کا بہت شکریہ کہ انہوں نے اس توجہ طلب کام کیلئے یہ دھاگہ شروع کیا ہے دوستوں مجھے یقین ہے کہ اگر ہم سب دوست اس سلسلے میں کام کرنا چاہیں‌تو ہمیں بہت جلد ایک بہترین نستعلیق فانٹ ملے گا ہماری اپنی ہی کوششوں سے اس سلسلے میں میں فانٹ کریٹر اور وولٹ کے کام کیلئے اپنے خدمات پیش کرسکتا ہوں باقی مجھے یقین ہے کہ اس بارے میں ہمارے باقی دوست صاحبان بھی اپنے کمنٹس دینگے
     
    • پسندیدہ پسندیدہ × 5
  6. محمد عویدص عطاری

    محمد عویدص عطاری محفلین

    مراسلے:
    1,086
    امید ہے آپ کی وہ خدمت جلد نظر بھی آئیے گی۔ ان شاء اللہ عزوجل
     
    • پسندیدہ پسندیدہ × 3
  7. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    شکریہ بلال، اگر آپ اپنی خطاطی کے نمونہ جات بھی جلد پیش کر دیں، تو اس کو بھی بنیاد کے طور پر کھڑا کیا جاسکتا ہے۔ چونکہ انپیج کے نوری نستعلیق کو اوپن ٹائپ میں کرنے کی بہت بار کوشش کی جاچکی ہے، اسلئے میری ناقص رائے میں فی الحال لگیچرز کی بجائے ایک قابل استعمال کیریکٹر بیس نستعلیق خط بنایا جائے، جو کہ موجودہ خطوط سے زیادہ خوبصورت ہو۔۔۔۔
     
    • پسندیدہ پسندیدہ × 2
  8. بلال

    بلال محفلین

    مراسلے:
    2,121
    جھنڈا:
    Pakistan
    موڈ:
    Busy
    جیسا کہ میں کام کرنے کا طریقہ اوپر بتا چکا ہوں اس لئے سب سے پہلے خطاط حضرات یہاں آئیں اور بتائیں کہ کیا کوئی فانٹ ہے جس کی خطاطی معیاری ہے۔۔۔ پھر مزید کام کی طرف چلیں گے۔۔۔
     
    • پسندیدہ پسندیدہ × 1
  9. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    ذیل کے سنیپ میں نوری نستعلیق اور فیض لاہوری نستعلیق کا موازنہ:
    [​IMG]

    آپ دیکھ سکتے ہیں کہ فیض لاہوری نستعلیق دکھنے میں‌اور اسکرین پر پڑھنے میں بھی نوری نستعلیق سے زیادہ خوبصورت اور پر کشش ہے۔ نوری نستعلیق پر تو بہت بار کام ہو چکا ہے، لیکن کچھ خاطر خواہ نتیجہ کسی فانٹ نے نہیں دیا:
    [​IMG]
    [​IMG]

    تو کیوں نہ اردو کے ''اصل '' فانٹ یعنی فیض نستعلیق کے گلفس بنا کر اسے اوپن ٹائپ میں کرنے کی کوشش کی جائے؟ محترم شاکر القادری صاحب نے کچھ عرصہ قبل اس سے ملتے جلتے ترسیمے ڈیزائین کیے تھے اور دو حروف کے جڑاؤ مکمل کر لئے تھے۔اگر آپ یہ فائلز/سنیپس یہاں مہیا کر دیں تو اس پر کچھ پیش رفت کی جا سکتی ہے۔ باقی دوستوں کی کیا رائے ہے؟
     
    • پسندیدہ پسندیدہ × 11
  10. بلال

    بلال محفلین

    مراسلے:
    2,121
    جھنڈا:
    Pakistan
    موڈ:
    Busy
    جیسا کہ میں نے پہلے بھی ٹیم کی صورت میں کام کرنے کا بتا چکا ہوں لیکن اب مزید تفصیل سے بیان کرتا ہوں۔۔۔ میرے خیال میں یہ طریقہ ہونا چاہئے لیکن اگر یہ غلط ہے یا اس میں کوئی کمی بیشی ہے تو آپ اسے تبدیل کرنے کا حق رکھتے ہیں۔۔۔
    نستعلیق فانٹ بنانے والی ٹیم میں ایک تو خطاط حضرات ہوں گے اور اُن کے ساتھ میرے گرافکس سافٹ ویئر کا کام جاننے والے لوگ اور دوسرے فانٹ بنانے والے سافٹ ویئر کے ماہرین۔۔۔
    سب سے پہلے تو خطاطی میں تجربہ رکھنے والے لوگ یہاں آئیں اور بتائیں کہ پہلے سے بنے ہوئے فانٹس میں کس فانٹ کی خطاطی معیاری اور خوبصورت ہے یا کسی کی نہیں۔ مختلف فانٹس کا موازنہ عارف کریم بھائی نے اسی دھاگہ میں بھی کر دیا ہے اور مزید مشہور نستعلیق فانٹس کا موازنہ اس دھاگے پر پہلے سے موجود ہے اور کافی تعمیری بحث بھی ہو چکی ہے۔
    یہاں پر ہمارے پاس دو راستے بنے گے۔۔۔
    کس فانٹ کی خطاطی معیاری ہے
    یا
    کسی فانٹ کی خطاطی معیاری نہیں
    پہلی صورت میں جس فانٹ کی خطاطی معیاری ہو گی ہمارے فانٹ سافٹ ویئر کے ماہرین اُس پر مزید کام کر کے اسے ایک معیاری فانٹ بنائیں گے۔۔۔
    دوسری صورت میں سب سے پہلے سب مل کر یہ فیصلہ کریں گے کہ لیگچرز بیسڈ فانٹ بنانا ہے یا پھر کریکٹر بیسڈ۔۔۔ اس کے بعد ہمیں معیاری خطاطی کی ضرورت ہو گی۔ انپیج یا کسی دوسرے سافٹ ویئر سے خطاطی حاصل کرنے یا خود سے نئی خطاطی کرنے یا کروانے کا فیصلہ ہمارے خطاط حضرات کریں گے۔
    اس کے بعد گرافکس پر کام کرنے والے لوگ کام کریں گے اور پھر یہ خطاطی فانٹ بنانے والے سافٹ ویئر کے ماہرین کو دے دی جائے گی جو اس پر مزید کام کر کے ایک معیاری نستعلیق فانٹ تیار کریں گے۔۔۔

    لگتا ہے م م مغل صاحب بھی خطاطی کا کافی تجربہ رکھتے ہیں اس لئے یہ خطاطی کا جائزہ لیں اور ان کے ساتھ محفل کے باقی خطاط حضرات بھی اس کام میں شامل ہوں اور اردو کی خدمت میں اپنا کردار ادا کریں۔
    عبدالمجید بھائی اور عارف کریم بھائی فانٹ کریئٹر اور وولٹ کا تجربہ رکھتے ہیں اس لئے یہ فانٹ کو حتمی شکل دینے کا کام کریں گے اور جو بھی اس کام میں ان کے ساتھ شامل ہونا چاہے تو وہ بھی ضرور شامل ہو تاکہ کام کرنے میں آسانی ہو اور یہ کام جلد مکمل ہو۔۔۔
    ابوکاشان بھائی آپ نے انپیج سے گلفز اکٹھے کیے تھے لگتا ہے آپ میرے ساتھ اس طرح کے کام کرنے یعنی گرافکس کا کام کریں گے۔۔۔ کیوں ابوکاشان بھائی تیار ہیں آپ؟؟؟
    شاکر بھائی اور محمد عویدص بھائی آپ کیا کام کرنا چاہیں گے۔۔۔ ویسے اگر آپ کے پاس وقت ہو تو اس کام میں ہمارے ساتھ ضرور شامل ہوں۔۔۔ محفل پر فانٹ بنانے کے بارے میں بہت لوگ تجربہ رکھتے ہیں میری اُن سے گذارش ہے کہ مہربانی کر کے اس کام میں شامل ہوں۔ تھوڑا سہی لیکن کچھ تو کریں۔۔۔۔۔۔۔
    جو جتنا کام کر سکتا ہے اتنا کرے لیکن کوشش کرے کہ ہمارے ساتھ شامل ہو اور اردو کی خدمت میں حصہ ڈالے
    ویسے آپ کی رائے سے ہمیں قیمتی مشورہ تو مل جاتا ہے لیکن یہ پتہ نہیں چلتا کہ آپ خود کیا کام کرنا چاہتے ہیں یا کیا کام کر سکتے ہیں۔ اس لئے سب سے پہلے آپ جو کام کرنا چاہتے ہیں یا کر سکتے ہیں اُس میں اپنا نام درج کروائیں تاکہ ہمیں پتہ چلے پھر اس ترتیب سے کام کیا جائے۔۔۔ اس کے علاوہ جو دوست فانٹ کے متعلق کام کرنا نہیں جانتے یا پھر وقت کی کمی کی وجہ سے کام نہیں کر سکتے۔ وہ اپنے قیمت مشوروں سے ضرور نوازیں۔۔۔ تاکہ یہ کام بہتر سے بہتر ہو۔۔۔ شکریہ
    اللہ تعالٰی آپ سب کو خوش رکھے، ہم سب کا حامی و ناصر ہو اور ایک معیاری نستعلیق بنانے کی ہمت اور توفیق دے۔۔۔آمین۔۔۔
     
    • پسندیدہ پسندیدہ × 6
  11. مہوش علی

    مہوش علی لائبریرین

    مراسلے:
    3,003
    بلال صاحب، نوٹ فرمائیے:

    ۱۔ لیگیچرز چاہے ہزاروں ہو جائیں، مگر اس سے فونٹ کی سپیڈ میں فرق نہیں پڑتا۔

    ۲۔ مگر لگیچرز چاہے ہزاروں ہو جائیں، وہ کبھی بھی اردو زبان کے تمام حروف کو نہیں سمیٹ سکتے [مثلا اگر کوئی اردو الفاظ میں زیر، زبر، پیش وغیرہ لگا دے، یا پھر عربی کی کوئی آیت بمع اعراب لکھنا چاہے، تو یہ کام لگیچر بیسڈ فونٹ میں نہیں ہو سکتا۔


    اس مسئلے کا حل

    اس مسئلے کا حل یہ ہے کہ ایک کریکٹر بیسڈ نستعلیق فونٹ کو بنیاد بنایا جائے ۔

    [اس وقت اس کام کے لیے سب سے موزوں پاک نستعلیق ہے، اگرچہ کہ یہ بھی عربی کے کچھ اعراب میں ٹوٹ پھوٹ کا شکار ہو جاتا ہے، مگر انکی تعداد بہت کم ہے اور اسکو وولٹ ورک کی مدد سے حل کیا جا سکتا ہے]


    پھر اس کریکٹر بیسڈ فونٹ کو بنیاد بناتے ہوئے اس میں ان تمام ہزاروں لگیچرز کا اضافہ کر دیا جائے۔


    اب ایسے فونٹ میں ہو گا یہ کہ نارمل اردو لکھتے وقت 99 فیصد اردو کے الفاظ ان لگیچرز میں لکھے جائیں گے، اور جہاں کہیں اعراب استعمال ہو گئے، تو وہ لفظ پاک نستعلیق کریکٹر بیسڈ فونٹ کی صورت میں لکھا جائے گا۔

    اگرچہ کہ یہ حل 100 فیصد نہیں، مگر سب سے زیادہ آئیڈیل حل ہے۔ [مزید بہتری اس صرت میں کی جا سکتی ہے کہ اگر لگیچرز کے لیے پہلے مرحلے میں نوری نستعلیق کو استعمال کیا جا رہا ہے تو پھر پاک نستعلیق کریکٹر بیسڈ فونٹ کو زیادہ سے زیادہ نوری نستعلیق کے مطابق بنایا جائے۔

    //////////////////////////

    کیا نئے سرے سے کام کیا جائے؟

    دیکھئے، میں سب سے آسان طریقہ بتانے جا رہی ہوں۔ یہ قابل عمل ہے یا نہیں، اس کا جواب آپ کو محسن اور ظہور برادر ہی دے سکتے ہیں۔

    ان دونوں برادران نے بہت محنت کر کے ایک نہیں بلکہ دو فونٹ بنائے ہیں:






    میرا خیال یہ ہے کہ اس دوسرے [لگیچر بیسڈ] فونٹ کو لیا جائے، اور اس میں پاک نستعلیق کا اضافہ کیا جائے [پاک نستعلیق کو لیکر اس میں لگیچرز ڈالنا بہت طویل کام ہو گا]

    سوالات یہ ہیں:






    میری معلومات کے مطابق، یہ دوسرا لگیچر بیسڈ فونٹ اوپن نہیں کیا گیا ہے۔

    اس صورت میں ہمیں یہ کرنا ہو گا:



    یہ کام طویل ضرور ہے، مگر اس فورم پر اتنی مہارت رکھنے والے لوگ موجود ہیں جو اس سمت میں کام کر کے اس پروجیکٹ کو مکمل کر سکتے ہیں۔ ہر چیز واضح ہے، بس ہمت چاہیئے۔

    [اگر میں غلطی پر نہیں تو شاکر القادری برادر کو نوری نستعلیق پسند نہیں۔ فیض یا لاہوری نستعلیق انکی پسند ہے۔ اس صورت میں انہیں ان ہزاروں لگیچرز کی خطاطی کر کے انہیں سکین کرنا ہو گا جو کہ مزید طویل کام ثابت ہو سکتا ہے۔
    ایک مسئلہ یہ ہو سکتا ہے کہ پاک نستعلیق دہلوی نستعلیق کی طرز پر بنایا گیا ہے۔ مجھے علم نہیں کہ دہلوی نستعلیق اور نوری نستعلیق میں کتنا بڑا فرق ہے، یا پھر پاک نستعلیق اور فیض نستعلیق میں کتنا فرق ہے۔
    اگر پاک نستعلیق ہی ہمارے پاس بنیاد بنانے کے لیے موجود ہے تو بہتر ہو گا کہ لگیچرز نستعلیق کی اُس قسم کے شامل کیے جائیں جو پاک نستعلیق کے قریب تر ہو۔
    پاک نستعلیق کے علاوہ دوسرے کچھ اور کریکٹر بیسڈ نستعلیق فونٹ بھی موجود ہیں، مگر انہیں بنیاد بنانے میں قباحت یہ ہے کہ انکی رفتار پاک نستعلیق کے مقابلے میں بہت سست ہے۔ اگرچہ کہ لگیچرز کا اضافہ کرنے سے رفتار میں کوئی فرق نہیں پڑتا [چاہے ہزاروں لگیچرز ہی کیوں نہ شامل کر دیے جائیں] تاہم پاک نستعلیق کے علاوہ کوئی اور کریکٹر بیسڈ نستعلیق سپیڈ کے حوالے سے کامیاب نہیں ہے [بلکہ بری طرح ناکام ہیں]
    ۱۔ پاک نستعلیق [کریکٹر بیسڈ] ۲۔ اور ایک اور نستعلیق فونٹ جو کہ لگیچر بیسڈ ہے اور اس میں انہوں نے تمام یونیکوڈ ویلیوز ان لگیچرز کو پہلے سے ہی دے دی ہیں۔ یہ بہت محنت طلب کام ہے اور یہ لوگ اسے مکمل کر چکے ہیں۔ ۱۔ کیا پاک نستعلیق بمع وولٹ ورک کے دستیاب ہے؟ ۲۔ کیا یہ دوسرا لگیچر بیسڈ فونٹ اوپن کر دیا گیا ہے؟ 1۔ پاک نستعلیق کو بمع وولٹ ورک کے بنیاد بنایا جائے۔ 2۔ اور نوری نستعلیق کے تمام تر ان ہزاروں لگیچرز کو اس میں شامل کر دیا جائے۔ یہ طویل کام ثابت ہو گا کیونکہ یہ کئی ہزار لگیچرز ہیں۔ ہر لگیچر میں موجود ہر ہر حرف کی یونیکوڈ ویلیوز دینا پڑیں گی۔
     
    • پسندیدہ پسندیدہ × 7
  12. مہوش علی

    مہوش علی لائبریرین

    مراسلے:
    3,003
    جی میں ان سبز والوں میں شامل ہوں۔ [اب یہ نہ کہیے گا کہ آپ ہری جھنڈی دکھانے والوں میں سے ہیں :) ]
     
    • پسندیدہ پسندیدہ × 5
  13. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    پاک نستعلیق کا مسئلہ یہ ہے کہ اسکا سورس ہمارے پاس موجود نہیں۔ اور یہ خوبصورتی کے لحاظ سے بھی کوئی بڑا سنگ میل نہیں ہے۔ دوسرا ان ہزاروں لگیچرز کو شامل کرنا ، پھر انکے لک اپس بنانا، ان سب کاموں میں بہت وقت لگے گا۔ بہتر ہے ہم ایم بلال بھائی کے مطابق فی الحال فانٹ کی خطاطی پر اپنی توجہ قائم رکھیں۔ کیرکٹرز یا لگیچرز کا فیصلے ماہر خطاط پر چھوڑ دیتے ہیں۔۔۔۔۔۔
     
    • پسندیدہ پسندیدہ × 1
  14. دوست

    دوست محفلین

    مراسلے:
    13,086
    جھنڈا:
    Germany
    موڈ:
    Fine
    پہلے یہ واضح کریں کہ فونٹ ہمیں کس مقصد کے لیے درکار ہے۔
    ویب، پی ڈی ایف اور دوسری دستاویزات کے لیے یا خطاطی کے لیے؟
    موجودہ نستعلیق فانٹ ویب یا دستاویزات پر استعمال کی صورت میں انتہائی سست رفتار ثابت ہوتے ہیں۔ جس کا مظاہرہ سکرولنگ سے بخوبی ہوتا ہے۔ لگیچر بیسڈ فانٹ کا مشورہ اسی رفتار کے مسئلے کی وجہ سے دیا گیا تھا۔ پاک نستعلیق صرف ایک مثال ہے جو تیز رفتار رینڈرنگ کرسکتا ہے۔ لیکن اس پر بھی خوبصورتی کے اعتراضات ہیں۔ خوبصورتی ٹھیک بھی ہو تو یہ لینکس پر نہیں‌ چلتا اس لیے میرے جیسوں‌ کے لیے یہ بے کار ہے۔ حل وہ ہونا چاہیے جو ہر پلیٹ‌ فارم پر چلے۔ میرے خیال سے مہوش علی کا پاک نستعیلق کو بنیاد بنا کر ایک لگیچر بیسڈ فانٹ بنانے کا آئیڈیا بہترین ہے۔
    مزید بحث‌ کے بعد بھی معاملہ حل ہوتا نظر نہ آئے تو بہتر ہے کہ رائے شماری کروا لی جائے۔
    وسلام
     
    • پسندیدہ پسندیدہ × 7
  15. الف عین

    الف عین لائبریرین

    مراسلے:
    36,431
    جھنڈا:
    India
    موڈ:
    Psychedelic
    میں بھی مہوش کے خیال سے متفق ہوں۔ کہ فانٹ کیریکٹر بنیاد پر ہو لیکن اس میں لگیچرس کا اضافہ بھی ہو۔
    پاک نستعلیق وندوز میں بھی کسی ورڈ پروسیسر میں ٹھیک کام نہیں کرتا سوائے ورڈ 2007 کے۔ اس کو کس طرح سدھارا جا سکتا ہے، اس پر بھی مہوش روشنی دالیں۔۔ آخر ہری جھنڈی دکھا رہی ہیںٓٓ
     
    • پسندیدہ پسندیدہ × 2
  16. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    چلو شکر ہے آپ کو آفس 2007 کی بہتری کا یقین تو آیا۔:)
    پاک نستعلیق انہی مسائل کی وجہ سے ایک اچھے کیریکٹر بیس فانٹ کا رول ادا نہیں‌ کرتا۔ اول تو اسکےسورس کے بغیر اس میں‌ لگیچرز شال کرنا ہی ناممکن ہے۔ دوسرا اسکی خطاطی بھی انپیج کے نوری کیریکٹر کی طرح نہیں ہے، یعنی جو لفظ لگیچرز میں نہیں ہوگا، وہ باقی تحریر سے بہت منفرد نظر آئے گا :(
     
  17. دوست

    دوست محفلین

    مراسلے:
    13,086
    جھنڈا:
    Germany
    موڈ:
    Fine
    لگیچرز کی تعداد کو بڑھایا بھی جاسکتا ہے۔ یہ ستر کا عشرہ نہیں ہے کہ اخبارات سے الفاظ نکال نکال کر نوری نستعلیق کے گلائف بنائے جائیں۔ اس کے لیے اردو محفل پر موجود ڈیٹا ہی کام دے سکتا ہے۔ کام صرف پروسیسنگ ہے اور الفاظ کے پیٹرن نکالنا ہونگے۔ ایک بار لاجک بن گئی تو کوڈ لکھنا مشکل نہیں ہوگا۔ گلائف بیس ہزار کی بجائے بڑھائے بھی جاسکتے ہیں۔ محنت بڑھ جائے گی لیکن کام بہترین ہوگا۔ خطاطی کی مشقت سے بچنے کے لیے ایک جیسے ترسیمے ایک ہی بار سکین کرکے انھیں کورل ڈرا یا جو بھی گرافکس ایڈیٹر استعمال ہو میں جوڑ کر کمپیوٹر میں ہی گلائف تیار کیے جاسکتے ہیں۔ پاک نستعلیق کے سورس کے بارے میں آپ اتنے پریشان کیوں ہیں؟ اس کی ریورس انجنئرنگ ہوسکتی ہے۔ محسن حجازی کے پاس سے اس کا سورس مل سکتا ہے۔ رہی بات ملکیت کی تو جب ملکیت کی بات کرنے والے آئیں گے تو ان سے نبٹ لیا جائے گا۔ ہم ایک مردہ پراجیکٹ کو زندہ کررہے ہیں اور کسی کمرشل مقصد کے لیے نہیں کررہے۔
    مزید یہ کہ فونٹ میں گلائفز کا اضافہ بند نہیں ہوجائے گا بلکہ جاری رہے گا۔ صارفین رپورٹ کریں گے کہ فلاں لفظ موجود نہیں ہے اور اسے شامل کیا جاتا رہے گا۔
    وسلام
     
    • پسندیدہ پسندیدہ × 4
  18. الف عین

    الف عین لائبریرین

    مراسلے:
    36,431
    جھنڈا:
    India
    موڈ:
    Psychedelic
    شاکر، ذرا سرگوشی سے بات کرنی تھی۔۔۔۔۔
     
  19. arifkarim

    arifkarim معطل

    مراسلے:
    29,828
    جھنڈا:
    Norway
    موڈ:
    Happy
    ہم پاک نستعلیق کے سورس کیلئے 2005 سے کوشش کر رہیں۔ لیکن چونکہ یہ مرکز فضیلت کی ملکیت ہے، اسلئے اسے انکی اجازت کے بغیرکس طرح ریلیز کر سکتے ہیں؟ کہیں پاکستان میں چھاپے نہ پڑنے شروع ہو جائیں۔ ;)
     
  20. دوست

    دوست محفلین

    مراسلے:
    13,086
    جھنڈا:
    Germany
    موڈ:
    Fine
    کاہے کے چھاپے بھائی۔ چار سوالوں کے جواب تو یہ لوگ دے نہیں‌ سکے۔ ہم کونسا چھپ کر کوئی کام کررہے ہیں۔ فونٹ کو اوپن سورس لائسنس کے تحت جاری کیا گیا ہے۔ اس کا خالق اس کا اظہار کئی بار کرچکا ہے۔ اس کے بعد کوئی اور موقف سامنے نہیں‌ آسکا تو سیدھا سا مطلب ہے کہ فونٹ استعمال کیا جاسکتا ہے۔
    وسلام
     
    • پسندیدہ پسندیدہ × 1

اس صفحے کی تشہیر