میری ڈائری میں درج ایک غزل

[غدیر زھرا]

حیرتیں آشکار کر لوں کیا​

رات کو رازدار کر لوں کیا​

​

گر برہنہ ہوں اُس کی نظروں میں​

پیرہن تار تار کر لوں کیا​

​

اب تو سورج ہے سر پہ آن ٹھہرا​

اپنے سائے پہ وار کر لوں کیا​

​

آج اک غم بھی دستیاب نہیں​

آج خود کو شکار کر لوں کیا​

​

آسمان عاق کر چکا مجھ کو​

خاک پہ انحصار کر لوں کیا​

​

موت پھر گھات میں نکل آئی​

عشق کو پہرہ دار کر لوں کیا​

​

تُو اگر ذات کا تسلسل ہے​

میں تجھے حصہ دار کر لوں کیا​

​

خامشی بات کرنا چاہتی ہے​

اے دلِ سوگوار کر لوں کیا​

​

تیرا دیدار بس ترا دیدار​

ایک بس ایک بار کر لوں کیا​

​

نوٹ : معذرت شاعر کا نام میرے علم میں نہیں - اگر احباب میں سے کسی کے علم میں ہو تو برائے کرم آگاہ کریں ​

​

نایاب ، شمشاد ، تلمیذ ، بھلکڑ ، محب علوی ، نیرنگ خیال ، طارق شاہ ، عمر سیف ، محمدعلم اللہ اصلاحی، عمراعظم ، فلک شیر ، اوشو​

شوکت پرویز

 

[زبیر مرزا]

واہ بہت خُوب

 

[عمراعظم]

تُو اگر ذات کا تسلسل ہے
میں تجھے حصہ دار کر لوں کیا
واہ ! زبر دست ۔ ہمیشہ خوش رہیں۔آمین

 

[غدیر زھرا]

واہ بہت خُوب

بہت شکریہ

 

[غدیر زھرا]

تُو اگر ذات کا تسلسل ہے
میں تجھے حصہ دار کر لوں کیا
واہ ! زبر دست ۔ ہمیشہ خوش رہیں۔آمین

جزاک اللہ پسندیدگی کے لیے تشکر

 

[تلمیذ]

عمدہ انتخاب۔ شراکت کا شکریہ۔

 

[غدیر زھرا]

عمدہ انتخاب۔ شراکت کا شکریہ۔

شکریہ سر

 

[شمشاد]

خوبصورت غزل ہے۔

شریک محفل کرنے کا شکریہ۔

 

[عمر سیف]

بہت خوب ۔۔

 

[نایاب]

بہت خوب شراکت

 

[عینی شاہ]

واہ واہ

 

[غدیر زھرا]

خوبصورت غزل ہے۔

شریک محفل کرنے کا شکریہ۔

شکریہ چاچو

 

[غدیر زھرا]

بہت خوب ۔۔

شکریہ بھیا

 

[غدیر زھرا]

بہت خوب شراکت

شکریہ

 

[غدیر زھرا]

واہ واہ

ہاں ہاں

 

[نیرنگ خیال]

بہت خوب ہے غدیر۔۔۔۔۔

 

[غدیر زھرا]

بہت خوب ہے غدیر۔۔۔ ۔۔

شکریہ بھیا

 

[شوکت پرویز]

بہت خوب غزل شریک محفل کی ہے سسٹر غدیر۔۔۔ بہت ہی خوصورت اشعار ہیں۔۔۔
۔۔۔۔۔۔۔۔۔۔۔۔۔
یہ دو مصرعے وزن سے نکل گئے ہیں

اب تو سورج ہے سر پہ آن ٹھہرا​

آسمان عاق کر چکا مجھ کو​

یہ شاید اس طرح ہوں:

اب تو سورج ہے سر پہ آ ٹھہرا​

اور​

آسماں عاق کر چکا مجھ کو​

 

[شوکت پرویز]

نوٹ : معذرت شاعر کا نام میرے علم میں نہیں - اگر احباب میں سے کسی کے علم میں ہو تو برائے کرم آگاہ کریں​

​

کوئی دعویٰ نہ کرے تو اس غریب کا ہی نام ڈال دیجئے گا

 

[غدیر زھرا]

بہت خوب غزل شریک محفل کی ہے سسٹر غدیر۔۔۔ بہت ہی خوصورت اشعار ہیں۔۔۔
۔۔۔ ۔۔۔ ۔۔۔ ۔۔۔ ۔
یہ دو مصرعے وزن سے نکل گئے ہیں


یہ شاید اس طرح ہوں:

اب تو سورج ہے سر پہ آ ٹھہرا​

اور​

آسماں عاق کر چکا مجھ کو​

پتا نہیں بھیا میری غزل ہوتی تو میں کہتی میں درستی کر دیتی ہوں خیر شاید ایسے ہی ہو میرے پاس تو جیسے لکھی تھی میں نے ویسے ہی شئیر کی آپ کی بات بھی درست ہے یہ بات میں نے بھی نوٹ کی تھی