منتخب اشعار برائے بیت بازی!

[شمشاد]

نہ فقر کے لیے موزوں، نہ سلطنت کے لیے
وہ قوم جس نے گنوایا متاعِ تیموری
(علامہ اقبال)

 

[الف عین]

یارب وہ بھی دن ہووے گا جو مصر سے چل کر
کنعاں کی طرف قافلے شب گیر کریں گے
میر صاحب

 

[حجاب]

یہ اہلِ بزم تنک حوصلہ سہی پھر بھی
ذرا فسانہء دل ابتداء کرو اس سے
یہ کیا کہ تم ہی غمِ ہجر کے فسانے کہو
کبھی تو اُس کے بہانے سنا کرو اُس سے

 

[شمشاد]

یارب یہ جہانِ گذراں خوب ہے لیکن
کیوں خوار ہیں مردانِ صفا کیش و ہنر مند
(علامہ اقبال)

 

[الف عین]

دردِ دل زخمِ جگرکلفتِ غم داغِ فراق
آہ عالم سے مرے ساتھ چلا کیا کیا کچھ
میر

 

[سیدہ شگفتہ]

ہم خستہ تنوں سے محتسبو کیا مال منال کا پوچھتے ہو
جو عُمر سے ہم نے بھر پایا سب سامنے لائے دیتے ہیں
دامن میں ہے مُشتِ خاکِ جگر ، ساغر میں ہے خُونِ حسرتِ مَے
لو ہم نے دامن جھاڑ دیا ، لو جام اُلٹائے دیتے ہیں

قلعۂ لاہور
مارچ 1959ء


کلام : فیض احمد فیض



​

 

[فیصل عظیم فیصل]

نہ خستہ تنی کا دعویٰ ہے نہ محتسبوں کا خوف رہا
کچھ شعر سنانے آتے ہیں کچھ شعر سنائے دیتے ہیں
دامن میں نہیں ہے خاکِ قبر ، اور باتیں اونچے محلوں کی
لو ہم نے حقیقت بتلا دی ، لو موت دکھائے دیتے ہیں


پھر ن سے

 

[الف عین]

ناحق یہ ظلم کرنا انصاف کہہ پیارے
ہے کون سی جگہ کا کس شہر کا کہاں کا

 

[شمشاد]

حاضر ہیں کلیسا میں کباب و مئے گلگوں
مسجد میں دھرا کیا ہے بجز موعظہ و پند
(علامہ اقبال)

 

[حجاب]

دشمنوں سے دوستی کا تجربہ کیسا رہا
بدگمانی میں گماں کا ذائقہ کیسا رہا

 

[شمشاد]

ہاں کس کو ہے میسر یہ کام کر گزرنا
اک بانکپن سے جینا اک بانکپن سے مرنا
(جگر مراد آبادی)

 

[حجاب]

انسان کی دید کو میری آنکھیں ترس گئیں
چہرے پر ایک نقاب سی ڈالے ہوئے ہیں لوگ

 

[شمشاد]

گلے لگا کے جو سنتے تھے دل کی آہوں کو
ترس رہا ہوں انہی کی حسین باہوں کو
(شمیم جے پوری)

 

[حجاب]

وہ بظاہر جو زمانے سے خفا لگتا ہے
ہنس کے بولے تو زمانے سے جدا لگتا ہے

 

[سیدہ شگفتہ]

ہم بے سرو ساماں ہیں تو دو ہم کو نہ طعنہ
کچھ شوق سے گھر بار لُٹایا نہیں جاتا
کس عہد میں سقراط نہیں ہوتے ہیں اظہر
افکار کو کب زہر پلایا نہیں جاتا


شاعر : اظہر قادری


​

 

[حجاب]

اب مست ہوا کے جھونکوں نے گلشن سے گزرنا چھوڑ دیا
جب بادَ صبا ہی روٹھ گئی پھر جشنِ بہاراں کون کرے

 

[سیدہ شگفتہ]

یہ اپنے اپنے نصیبوں کی بات ہوتی ہے
کہ اپنا ہوتا ہے کوئی مگر نہیں ہوتا
کسی سے کیسے کرو گے معاملہ دل کا
کہ تم سے فیصلہ دل کا اگر نہیں ہوتا

شاعر : محمود غزنوی


​

 

[حجاب]

ایک اداسی کر جائے گی سرایت روح میں
اس قدر وابستگی اچھی نہیں شام سے

 

[سیدہ شگفتہ]

سائے کی خواہش تو ہے مگر صحن میں اپنے
لوگوں سے کوئی پیڑ اُگایا نہیں جاتا


شاعر : اظہر قادری


​

 

[شمشاد]

آنکھوں میں بس کر دل میں سما کر چلے گئے
خوابیدہ زندگی تھی جگا کر چلے گئے
(جگر مراد آبادی)