جگر ملا کے آنکھ نہ محرومِ ناز رہنے دے - جگر مُراد آبادی

[کاشفی]

غزل​

(جگر مراد آبادی)​

​

ملا کے آنکھ نہ محرومِ ناز رہنے دے​

تجھے قسم جو مجھے پاک باز رہنے دے​

​

میں اپنی جان تو قربان کرچکوں تجھ پر​

یہ چشمِ مست ابھی نیم باز رہنے دے​

​

گلے سے تیغِ ادا کو جدا نہ کر قاتل!​

ابھی یہ منظر راز و نیاز رہنے دے​

​

یہ تیرناز ہیں تو شوق سے چلائے جا​

خیالِ خاطر اہلِ نیاز رہنے دے​

​

ازل سے حسن تو عاشق نواز ہے لیکن​

جو عشق ہے اسے عاشق نواز رہنے دے​

​

بجھا نہ آتشِ فرقت کرم کے چھینٹوں سے​

دلِ جگر کو مجسم گداز رہنے دے​

 

[محمد وارث]

واہ کیا بات ہے، بہت شکریہ کاشفی صاحب شیئر کرنے کیلیے۔

 

[کاشفی]

شکریہ محمد وارث صاحب!
شکریہ سخنور صاحب!