مثنوی اردو محفل - اردو محفل کو سالگرہ مبارک

محمد وارث

لائبریرین
سب اراکینِ محفل کی خدمت میں اس خاکسار کا سلام۔

پچھلے سال، اردو محفل کی سالگرہ کے دنوں میں، ایک سلام، دو قطعوں اور ایک رباعی کی صورت میں پیش کیا تھا، اُس وقت کچھ احباب نے ذکر کیا کہ اردو محفل کے اراکین کا ذکر بھی ہونا چاہیئے۔

سو حاضر ہوں ایک نئے سلام کے ساتھ محفل کی سالگرہ کے موقعے پر، واضح کر دوں کہ خاکسار کو شاعر ہونے کا کبھی دعویٰ نہیں رہا بس یونہی کبھی کچھ ہو جائے تو جائے اور وہ بھی مختصر مختصر، نظم کے میدان کا میں آدمی نہیں ہوں، غزل پسند ہے اس میں بھی پانچ اشعار بمشکل ہوتے ہیں اسلیئے رباعیاں زیادہ پسند ہیں کہ دو اشعار میں کام ختم :)

لیکن اس بار کچھ موضوع ہی ایسا تھا کہ اپنی طبیعت کے خلاف نظم میں طبع آزمائی کی، اور مجھے لگا کہ اس کام کیلیے 'مثنوی' بہتر رہے گی سو یہ 'مثنوی نما' چیز آپ کی خدمت بہ احترام و محبت و عقیدت پیش کر رہا ہوں، جانتا ہوں کہ اس میں کچھ خوبی نہیں لیکن محبت تو ہے :)

ایک بات یہ کہ یہ ہیچمدان انتہائی خواہش کے باوجود بہت سے احباب کا نام قلمبند نہیں کر سکا جس کیلیے معذرت خواہ ہوں، لیکن پھر کہوں گا کہ ان کا نام ہو نہ ہو، محبت تو ہے :)


مثنوی "اردو محفل"
(اردو محفل کی چوتھی سالگرہ کے موقعے پر)


اوّل حمد خدا کی کروں جو ہے رحمان
نیک اور بد کی دی جس نے ہم کو پہچان

اور درود اُن پر جو سب کے رسولِ کریم (ص)
ہر دل کی وہ دھڑکن، جانے خدائے علیم

اور اُن پر جو آپ کے اہلِ بیتِ پاک
اُن کے قدم چومے اے کاش کبھی مری خاک

سالگرہ کا موسم چھایا 'محفل' پر
آئی بہار ہے گویا میرے بھی دل پر

اس کی محبت میں ہاں مَیں بھی آیا ہوں
ایک سلام نیا اس سال بھی لایا ہوں

ٹوٹے پھوٹے سہی الفاظ مرے، کیا ڈر
رکن ہوں اسکا، فخر سے اونچا ہے یہ سر

گُن گاتا ہوں 'محفل' کے ہر پل، دن رات
ایماں کی کہنا جو کٹی اس کے بِن رات؟

اک خر کہتا ہے کہ یہ فورم بے مقصَد
جُھوٹا ہے وہ، کرتا ہے محفل سے حسَد

سب ہی بزرگ کہیں، حاسد کا منہ کالا
قافیہ تو سُوجھا، پہ لگا منہ کو تالا

روحِ رواں محفل کے ہیں زیک اور نبیل
لاکھ مگر ڈھونڈو، نہ ملے گا ایسا قبیل

فیضِ عام ہے جاری اُن کا، یہ ایسی سبیل
اپنے ہوں کہ پرائے ہوں سب اُن کے قتیل

بزمِ سُخن کے ٹھہرے امام اعجاز عبید
ہر کوئی تجھ کو جھک کے کرے ہے سلام، اعجاز عبید

کون رگوں میں لہو بن دوڑے، بجُز شمشاد
رکھے خدا یہ محبت اُن کی سدا آباد

خوشبو میں ہے بسی ظفری کی ہر اک بات
ہونٹوں کو دےہنسی ظفری کی ہر اک بات

یارِ جانی مرے فاتح الدّین بشیر
عصرِ حاضر کے مجھے لگتے ہیں وہ کبیر

ناممکن، ساتھ اُن کے نہ ہو ذکرِ فرّخ
وہ ہیں سخنور، واہ اوجِ فکرِ فرّخ

رہتے ہیں تاریخ میں گُم سے ابوشامِل
ہیں اپنے موضوع میں یعنی وہ کامِل

بیٹی، بٹیا، رانی، گُڑیا کہتے ہیں
ابنِ سعید انہی الفاظ میں رہتے ہیں

اور کچھ ذکر اُن کا جو سب کی سب ہیں عظیم
بات یہ مانے جو بھی رکھّے عقلِ سلیم

مُنہ پر مارے گی جوتی ایسی بُوچھی *
کج رو کی کر دے گی ایسی تیسی، بُوچھی

اور اک اُن کی سہیلی، نام ہے فرزانہ
کیا ہی خوب ہے اُن کا کلام جُداگانہ

کون قتیلِ غالب، بُلبُلِ محفل کون؟
کون، جیہ، ہاں، ان کے سوا دلِ محفل کون؟

فرحت کی ہے تلاش مجھے، ڈھونڈو تو سہی
بزمِ سخن ہے اُداس بہت، دیکھو تو سہی

ہر موضوع نیا اک لاتی ہیں تعبیر
صد الفاظ سے بہتر ہے اک ہی تصویر

سارہ خان، شگفتہ، ماورا اور جیا
اس محفل کو اک گھر سا منظر ہے دیا

اب دو اجازت یارو اپنے وارث کو
رکیے صاحب، اپنی مبارک باد تو لو

سالگرہ ہو مبارک 'اردو محفل' کو
سب اہلِ محفل کو اور میرے دل کو


---------
(*) مضروبانِ بوچھی سے معذرت کے ساتھ ;)
 

الف عین

لائبریرین
واہ واہ۔۔ کیا مثنوی ہے۔۔ بہت خوب۔
اس میں اضافے کی گنجائش بھی ہے، کچھ اور ارکان شامل کئے جا سکتے ہیں۔
 

نبیل

تکنیکی معاون
میں سالگرہ فورم میں ایک کھیل کی تجویز پیش کرتا ہوں جہاں فورم کے ارکان ایک دوسرے کے بارے میں اشعار پیش کریں۔ کیا خیال ہے آپ سب کا؟ :)
 

ابوشامل

محفلین
سبحان اللہ ۔۔۔۔۔ بہت خوب ۔
حضور آپ نے درجۂ کاملیت ادا کر دیا؟ آپ صرف تاريخ کا طالبعلم ہی قرار دے دیتے تو ہمارے لیے ایک اعزاز ہوتا۔
 

محمد وارث

لائبریرین
واہ واہ۔۔ کیا مثنوی ہے۔۔ بہت خوب۔
اس میں اضافے کی گنجائش بھی ہے، کچھ اور ارکان شامل کئے جا سکتے ہیں۔

بہت شکریہ اعجاز صاحب، نوازش آپ کی۔ آپ سے داد مل گئی گویا محنت ٹھکانے لگی :)

اشعار تو میں مزید کہنا چاہتا تھا لیکن کچھ 'تھک' سا گیا تھا :)



نوازش برادرم، بغیر الفاظ کے اتنی مسکراہٹیں، میری سمجھ میں انکی وجہ آتی ہے، شروع شروع میں ایسا ہی ہوتا ہے :)


میں سالگرہ فورم میں ایک کھیل کی تجویز پیش کرتا ہوں جہاں فورم کے ارکان ایک دوسرے کے بارے میں اشعار پیش کریں۔ کیا خیال ہے آپ سب کا؟ :)

نیکی اور پوچھ پوچھ، بسم اللہ برادرم :)


سبحان اللہ ۔۔۔۔۔ بہت خوب ۔
حضور آپ نے درجۂ کاملیت ادا کر دیا؟ آپ صرف تاريخ کا طالبعلم ہی قرار دے دیتے تو ہمارے لیے ایک اعزاز ہوتا۔

قبلہ، قافیے کا عذرِ لنگ نہیں تراشونگا :grin: اس خاکسار نے سچ کے سوا کچھ نہیں کہا :)
 

مغزل

محفلین
چہ خوب چہ خوب ۔ واہ واہ ۔ کیا کہنے وارث صاحب، سبحان اللہ، بلاگ پر شامل نہیں‌کی تو ، اجازت دیجے تاکہ میں اپنے بلاگ پر شامل کرسکوں۔
بہت خوب کلام ہے ، اس عہد میں جہاں غزل دم توڑتی نظر آتی ہے وہاں آپ مثنوی چہ جائیکہ شخصی ہی سہی ۔۔
مگر کیا خوب روایت کو زندہ کیا ہے ۔ سبحان اللہ سبحا ن اللہ۔
 

محمد وارث

لائبریرین
ذرّہ نوازی ہے آپ کی مغل صاحب، نوازش۔

نہیں بلاگ پر تو نہیں لکھی ابھی، آپ اپنے بلاگ پر لکھنا چاہتے ہیں تو ضرور لکھیئے محترم!
 

محمداحمد

لائبریرین
سبحان اللہ وارث بھائی!

بہت خوب ابھی دیکھی ہے یہ مثنوی محفل کے نام۔ دل خوش ہوا پڑھ کر۔ واہ واہ!

بہت خوب لکھا ہے آپ نے، بے حد محبت ہے آپ کی۔ جب تک آپ ایسے لوگ اس محفل میں‌ہیں یہ محفل یوں ہی سجی سنوری رہے گی۔

‪‪تا قیامت رہے جہاں آباد
میرا محبوب ہے یہاں آباد


سید انور جاوید ہاشمی
 

شاہ حسین

محفلین
بہت خوب جناب وارث صاحب واقعی لاجواب مثنوی ہے گو کہ مشکل امر تھا اس طرح اراکین کو بمعہ صفعات شامل کرنا پر آپ نے بہت خوب نبھایا ۔ اندازہ ہوتا ہے ایک ایک شعر پر بہت محنت ہوٕی ہو گی ۔
 

محمد وارث

لائبریرین
سبحان اللہ وارث بھائی!

بہت خوب ابھی دیکھی ہے یہ مثنوی محفل کے نام۔ دل خوش ہوا پڑھ کر۔ واہ واہ!

بہت خوب لکھا ہے آپ نے، بے حد محبت ہے آپ کی۔ جب تک آپ ایسے لوگ اس محفل میں‌ہیں یہ محفل یوں ہی سجی سنوری رہے گی۔

‪‪تا قیامت رہے جہاں آباد
میرا محبوب ہے یہاں آباد

سید انور جاوید ہاشمی

بہت شکریہ احمد صاحب، نوازش آپ کی محترم۔


بہت خوب جناب وارث صاحب واقعی لاجواب مثنوی ہے گو کہ مشکل امر تھا اس طرح اراکین کو بمعہ صفعات شامل کرنا پر آپ نے بہت خوب نبھایا ۔ اندازہ ہوتا ہے ایک ایک شعر پر بہت محنت ہوٕی ہو گی ۔

نوازش شاہ صاحب، بہت شکریہ، ہاں پچھلے چند ایک دن اسی کے ساتھ بسر ہوئے ہیں :)
 

نایاب

لائبریرین
السلام علیکم
محترم محمد وارث بھائی
بہت خوب
داد سے بالاتر ہے آپ کی محفل اردو سے محبت کا اظہار ۔
اللہ کرے زور شاعری اور زیادہ ۔ آمین
نایاب
 

محمد وارث

لائبریرین
بہت خوب مثنوی ہے حضرت۔ اللہ کرے زورِ قلم اور زیادہ!
:)

بہت شکریہ قبلہ، نوازش آپ کی :)


السلام علیکم
محترم محمد وارث بھائی
بہت خوب
داد سے بالاتر ہے آپ کی محفل اردو سے محبت کا اظہار ۔
اللہ کرے زور شاعری اور زیادہ ۔ آمین
نایاب

بہت شکریہ برادرم نایاب، عنایت ہے آپ کی!


بہت ہی خوب محمد وارث بھائی بہت ہی محنت طلب کام تھا جو آپ جیسے اساتذہ کو ہی زیب ہے ۔ ۔

بہت شکریہ عابد، نوازش!
 
Top