لفظ چائے والے اشعار

اصل میں چینی کم نہیں تھی آپ نے چمچی نہیں ہلائی تھی. عام طور پر اندر خوشیاں ہوتی ہیں بس چمچی ہلانے کی ضرورت ہوتی ہے. ہاں جب چائے ختم ہونے والی ہوتی ہے تو کچھ مٹھاس محسوس ہوتی ہے. پھر انسان جلدی جلدی چمچی چلاتا ہے. مگر اب چائے اتنی میٹھی ہوجاتی ہے کہ پی ہی نہیں جاتی.
اب آپ اس پیراگراف کے شعر بنا لیں. پلیز

 

نثری نظم کیوں نہ بنا لیں .

 

واہ کیا آئیڈیا ہے

 

دو کی بجائے چائے بنائی ہے ایک کپ
افسوس! آج تو بھی فراموش ہو گیا
(طوطئِ لاہور، رشکِ نابغہ و فرذوق، غیرتِ سعدیؔ و خاقانیؔ، سید الشعرا، اعلیٰ حضرت وصیؔ شاہ علیہِ ما علیہ وغیرہ وغیرہ)

اس کی میز پہ ہم چھوڑ آئے
جلتا سگرٹ، ٹھنڈی چائے
(نامعلوم)​

 

اس کی محفل میں چھوڑ آئے
جلتی سگریٹ ٹھنڈی چائے
پتا نہیں کس ظالم کا شعر ہے ..... کمال شعر ہے ...

 

میں نے تو محفل ہی پڑھا تھا معلوم نہیں شاعر نے کیا کہا ہو انٹرنیٹ کی دنیا میں شعر کے الفاظ تبدیل ہونا انہونی بات بھی نہیں ۔ شاعر کا پتا نہیں کون ہے مگر ظالم کے شعر میر کی سی ادا ہے

 

نقاش نقشِ ثانی (ثالث؟) بہتر کشد ز اول​

شاعر تو ہم بھی ہیں۔
اس منطق کو اگر کوئی اللہ کا بندہ فی سبیل اللہ قبول فرما لے تو ہم عرض کریں گے کہ محفل کا لفظ ہمیں بھی بہتر ہی معلوم ہوتا ہے۔ کیونکہ تجربے کی رو سے سگریٹ میز پہ کوئی رکھنے نہیں دیتا اور ایش ٹرے میں ہم پھینکتے نہیں۔ محفل ہی میں ضم فرماتے ہیں عموماً۔

منہ پھیر کر ادھر کو ادھر کو بڑھا کے ہاتھ​

اب یہ سگریٹ کی تانیث و تذکیر کا ٹنٹا الگ نکل آیا ہے۔ کمال کرتے ہو، پانڈے جی!

ہم نے یہ شعر حلقۂِ اربابِ ذوق میں سنا تھا ۲۰۰۸ء میں۔ فرخ منظور صاحب بھی اکثر ان گفتگوؤں میں ہوا کرتے تھے۔ شاید انھیں درست طور پر یاد ہو۔

 

پٹھانوں والی چائے کو خراج تحسین۔۔۔۔۔۔۔۔۔
چائے والے شعر ہم لائے وہاں سے دوستو
"چائے والا " بن گیا ماڈل جہا ں سے دوستو

 

معذرت میں نے یہ شعر کبھی نہیں سنا۔

 

ہنس کے بولوں جو پڑوسن سے تو جل جاتی ہے
کھولتی چائے کی مانند ابل جاتی ہے
مجید فضا

 

سگریٹ ہوتی ہے ... دلیل
موت بھی اس لئے قبول ہمیں
موت آتا نہیں ہے آتی ہے ....
اس مینائے غریباں کو مونث ہی کہا جائے

 

چائے کی ٹیبل پہ بھی یکجا نہیں ہوتے ہیں ہم
سوچتی ہوں ایک گھر کے کتنے خانے ہو گئے

ریحانہ قمر