اقبال لب پہ آتی ہے دعا بن کے تمنا میری

بچے کی دعا
(ما خو ذ)
بچوں کے لیے


لب پہ آتی ہے دعا بن کے تمنا میری
زندگی شمع کی صورت ہو خدایا میری

دور دنیا کا مرے دم سے اندھیرا ہو جائے
ہر جگہ میرے چمکنے سے اجالا ہو جائے

ہو مرے دم سے یونہی میرے وطن کی زینت
جس طرح پھول سے ہوتی ہے چمن کی زینت

زندگی ہو مری پروانے کی صورت یا رب
علم کی شمع سے ہو مجھ کو محبت یا رب

ہو مرا کام غریبوں کی حمایت کرنا
درد مندوں سے ضعیفوں سے محبت کرنا

مرے اللہ! برائی سے بچانا مجھ کو
نیک جو راہ ہو اس رہ پہ چلانا مجھ کو

(علامہ محمد اقبالؒ)

 

مجھے نہیں معلوم کہ یہ پہلے محفل پہ دی گئی ہے یا نہیں لیکن آج کل کے حالات کے پیشِ نظر مجھے اس کی ضرورت محسوس ہوئی۔

 

آمین ثم آمین
بے شک ان حالات میں ایسی دعاؤں کی بہت ضرورت ہے محمد بلال اعظم بیٹا

 

برادر بلال ۔ بہت خوب۔۔۔ ویسے تو یہ نظم تو ایک دائمی اور سدا بہار نوعیت کی ہے جو ہماری شخصیت کی اخلاق کی بنیادیں استوار کرنے علامہ اقبال نے لکھی ہے۔ہماری نسلیں جتنی ان بنیادوں سی دور ہوں گی ہم اسی قدر ان کے محتاج ہوں گے۔کاش ہماری نسلیں اس کی قدر پہچانیں۔

 

بلال بھائی بہت خوب
کس دور کی یاد دلا دی ہے آپ نے

 

خوبصورت دعا

مرے اللہ! برائی سے بچانا مجھ کو​

نیک جو راہ ہو اس رہ پہ چلانا مجھ کو ​

(آمین)

 

واہ واہ واہ ۔۔۔واہ ہی واہ

 

واہ واہ! بہت عمدہ
چھوٹے بھیا تم نے تو اسکول یاد دلا دیا

 

واہ واہ کیا سوز ہے اس کلام مین واہ

 

عالی جناب !
محمد بلال اعظم!
السلام علیکم ورحمۃ اللہ وبرکاتہ!
ایک عظیم کام کر کے واقعتاً آپ اسم با مسمیٰ ثابت ہوئے۔
یہ دُعا ہمارے یہاں آج بھی اسکولوں میں حمد وبیداری Assembly Programme میں پڑھی جاتی ہے۔
نہایت ہی عمدہ اور مؤثر دُعا ہے۔

 

بہت خوب

 

واہ واہ!

 

بہت شکریہ مہ جبین آنی

 

صد فیصد متفق ہوں عاطف بھائی

 

شکریہ کامران بھائی

 

ثم آمین

 

اس پہ بھی
واہ واہ واہ۔۔۔واہ ہی واہ

 

بہت شکریہ
یہ نظم پڑھ کے تو ہمارے سینئر موسٹ سٹیزنز بھی سکول کی یادیں تازہ کرنے لگ جاتے ہیں۔

 

متفق ہوں عینی آپی
گو کہ یہ منظوم ترجمہ ہے لیکن پھر بھی گمان تک نہیں ہو تا۔

 

وعلیکم السلام
یہ حُسنِ ظن ہے آپ کا ورنہ من آںم کہ من دانم

انتہائی افسوس سے یہ کہنا پڑ رہا ہے کہ ہمارے ہاں اکثر پرائیویٹ بلکہ اب تو سرکاری اسکولوں میں سے بھی یہ نظم ختم کر رہے ہیں
مقامِ صد افسوس