غم

[عمر سیف]

ایک گمنام مسرت کا بھی پہلو نکلے
کچھ قرینے سے اگر غم کو سجایا جائے

 

[شمشاد]

ٹوٹ جائے نہ دیکھ بندِ غم
میری آنکھوں میں ہے نمی باقی
(ناہید ورک)

 

[عیشل]

ہزاروں غم ہیں لیکن آنکھ سے نکلے نہیں آنسو
ہم اہلِ ظرف ہیں پیتے ہیں چھلکایا نہیں کرتے​

 

[شمشاد]

بہت سُن چُکے رنج و غم کا فسانہ
ذرا ایک ساغر اِدھر تو بڑھانا
(سرور)

 

[فرخ منظور]

تم تو غم دے کے بھول جاتے ہو
مجھ کو احساں کا پاس رہتا ہے

(فیض)

 

[شمشاد]

سیلاب جیسے لیتا ہے دیوار کے قدم
کرتا ہے غم بھی دل سے کوئی واردات اور

 

[فرخ منظور]

تیرے خیال کے پہلو سے اٹھ کے جب دیکھا
مہک رہا تھا زمانے میں چار سو تیرا غم

 

[الف عین]

سو غموں کا ترا اک غم ہی مداوا نکلا
تجھ کو قاتل میں سمجھتا تھا، مسیحا نکلا

اع

 

[شمشاد]

س۔ی۔۔ر غ۔۔مِ راح۔۔ل۔۔۔۔۔۔ہ و زاد س۔۔ے ت۔۔۔۔۔۔۔و
کوہ و دریا سے گزر سکتے ہیں مانندِ نسیم
(اقبال)

 

[عیشل]

نہ حریفِ جاں نہ شریک ِ غم شبِ انتظار کوئی تو ہو
کسے بزمِ شوق میں لائیں ہم دلِ بے قرار کوئی تو ہو
کسے زندگی ہے عزیز اب،کسے آرزوئے شب ِ طرب
مگر اے نگارِ وفا طلب ترا اعتبار کوئی تو ہو​

 

[شمشاد]

فراز غم بھی ملتے ہیں نصیب والوں کو
ہر اک کے ہاتھ کہاں خزانے لگتے ہیں
(احمد فراز)

 

[نوید صادق]

ہم نے بھی وضعِ غم بدل ڈالی
جب سے وہ طرزِ التفات گئی

شاعر: جگر مراد آبادی

 

[شمشاد]

غم نہیں ہوتا ہے آزادوں کو بیش از یک نفس
برق سے کرتے ہیں روشن شمعِ ماتم خانہ ہم
(چچا)

 

[نوید صادق]

تاراجِ کاوشِ غمِ ہجراں ہوا، اسد
سینہ کہ تھا دفینہ گہر ہائے راز کا

شاعر: غالب

 

[شمشاد]

وہ میری چینِ جبیں سے غمِ پنہاں سمجھا
رازِ مکتوب بہ بے ربطئِ عنواں سمجھا
(چچا)

 

[SamirAhmed]

اصل غم قیامت کے دن کی رسوائی ہے

 

[شمشاد]

سمیر صاحب میں آپ کو کیسے سمجھاؤں؟

آپ عنوان کا خیال نہیں رکھتے اور کہیں بھی کچھ بھی لکھتے جا رہے ہیں۔

جناب یہ شعر و شاعری کا دھاگہ ہے۔

 

[SamirAhmed]

دیکھے ہوے کسی کو بہت دن گزر گئے
اس دل کی بےبسی کو بہت دن گزر گئے
مدت ہوئی کہ ٹوٹ کے رویا نہیں ہوں میں
اس چین کی گھڑی کو بہت دن گزر گئے

 

[SamirAhmed]

تو جا رہا تھا لوٹ کے مہمان کی طرح
بکھرا ہوا تھا دل، تیرے سامان کی طرح

 

[شمشاد]

سمیر صاحب کھیل کو کھیل سمجھ کر کھیلیں تو بہت مزہ آتا ہے۔

اس دھاگے پر ایسے اشعار لکھنے ہیں جن میں لفظ " غم " آتا ہو۔ آپ نے جو دو اشعار لکھے ہیں ان میں مطلوبہ لفظ نہیں ہے۔

برائے کرم محفل کے اصولوں کا احترام کریں۔