غم

[شمشاد]

ق۔ط۔رہ ق۔ط۔رہ زن۔۔دگ۔ی ک۔ے زہ۔۔ر کا پینا ہے غ۔۔۔۔م
اور خوشی ہے دو گھڑی پی کر بہک جانے کا نام
(آنند نرائن ملا)

 

[محمد وارث]

اٹھا میں مدرسہ و خانقاہ سے غم ناک
نہ زندگی، نہ محبت، نہ معرفت، نہ نگاہ

(اقبال)

 

[شمشاد]

بیانِ غم سے نہیں ہم کو خوفِ رسوائی
یہ ڈر ہے نام ترا بھول کر نہ آجائے
(سرور)

 

[محمد وارث]

خرید سکتے ہیں دنیا میں عشرت، پرویز
خدا کی دین ہے سرمایۂ غمِ فرہاد

کیے ہیں فاش رموزِ قلندری میں نے
کہ فکرِ مدرسہ و خانقاہ ہو آزاد

(اقبال)

 

[شمشاد]

غ۔۔۔۔مِ حی۔۔۔۔ات، غ۔۔۔۔مِ آرزو، غ۔۔۔۔۔مِ دنیا
خدا ہی جانے کہاں تک یہ سلسلہ جائے
(سرور)

 

[عیشل]

آگے حریم ِ غم سے کوئی راستہ نہ تھا
اچھا ہوا کہ ساتھ کسی کو لیا نہ تھا
کچھ اتنی روشنی میں تھے چہروں کے آئینے
دل اسکو ڈھونڈتا تھا جسی جانتا نہ تھا

 

[محمد وارث]

ہم نے مانا جنگ کڑی ہے
سر پھوڑیں گے، خون بہے گا
خون میں غم بھی بہہ جائیں گے
ہم نہ رہیں ، غم بھی نہ رہے گا

(فیض)

 

[شمشاد]

بس ایک غم ہی مری زندگی کا ساتھی ہے
کوئی کسی کے کہاں ورنہ کام آتا ہے؟
(سرور)

 

[محمد وارث]

وقت اچھا بھی آئے گا ناصر
غم نہ کر زندگی پڑی ہے ابھی

(کاظمی)

 

[عمر سیف]

یہ کہاں کی دوستی ہے کہ بنے ہیں دوست ناصح
کوئی چارہ ساز ہوتا کوئی غمگسار ہوتا

 

[شمشاد]

ابرِ ریشم کی طرح مجھ پہ وہ چھانے والا
میرے حصّے کے غموں کو بھی اٹھانے والا
(ناہید ورک)

 

[محمد وارث]

گراں ہے دل پہ غمِ روزگار کا موسم
ہے آزمائشِ حسنِ نگار کا موسم

نصیبِ صحبتِ یاراں نہیں تو کیا کیجے
یہ رقص سایۂ سرو و چنار کا موسم

(فیض)

 

[شمشاد]

ہمارا غم نہ رہا غم، خوشی خوشی نہ رہی
وہ کیا گئے کہ تب و تاب زندگی نہ رہی
(سرور)

 

[عمر سیف]

اتنی آساں زندگی کو اتنا مشکل کر لیا
جو اٹھا سکتے نا تھے وہ غم بھی شامل کر لیا

 

[شمشاد]

پندار تمنا ٹوٹ گیا اب دل کا عالم کیا ہو گا
پھر جان پہ شاید بن جائے ناکامی کا غم کیا ہو گا
(سرور)

 

[محمد وارث]

جب دوست اپنے اپنے چراغوں کے غم میں تھے
تب آندھیوں کی زد پہ کوئی اور تھا کہ میں

کل جب رکے گا بازوئے قاتل تو دیکھنا
اے اہلِ شہر تم تھے شہیدِ وفا کہ میں

(فراز)

 

[الف عین]

کوچۂ جاں عجیب صحرا ہے
غم کی بارش بھی قہر ڈھانے لگی
اعجاز عبید

 

[عیشل]

شام ِ غم کی سحر نہیں ہوتی
یا ہم ہی کو خبر نہیں ہوتی
نالہ یوں نا رسا نہیں ہوتا
آہ یوں بے اثر نہیں ہوتی

 

[محمد وارث]

جو غم ملا جبیں کے شکن میں چھپا لیا
دل سی گداز چیز کو پتھر بنا لیا

(ظفر اقبال)

 

[فرخ منظور]

گھر میں تھا کیا جو تیرا غم اسے غارت کرتا
وہ جو رکھتے تھے ہم اک حسرت تعمیر، سو ہے