غم

[محمد وارث]

خرید سکتے ہیں دنیا میں عشرت پرویز
خدا کی دین ہے سرمایۂ غمِ فرہاد

رشی کے فاقوں سے ٹوٹا نہ برہمن کا طلسم
عصا نہ ہو تو کلیمی ہے کارِ بے بنیاد

(اقبال)

 

[شمشاد]

ایسے پُر درد تعلق کا ہمیں غم ہے کہ آہ
یہ دلِ صبر کناں اور وہ ستم پیشہ نگاہ

 

[محمد وارث]

مری نوائے غم آلود ہے متاعِ عزیز
جہاں میں عام نہیں دولت دلِ ناشاد

گلہ ہے مجھ کو زمانے کی کور ذوقی سے
سمجھتا ہے مری محنت کو محنتِ فرہاد

(اقبال)

 

[شمشاد]

زندگی تلخ سہی ، زہر سہی، سم ہی سہی
درد و آزار سہی، جبر سہی، غم ہی سہی
(نوشی گیلانی)

 

[عمر سیف]

نہ کوئی غم نہ خوشی، کوئی تعلق نہ ملال
جیسا تو خود ہے میری جاں مجھے ایسا کردے

 

[شمشاد]

مری عمر کٹ گئی پر ترا غم ٹلا نہیں ہے
مری روح پر رہے گا یہ سیہ غبار کب تک
(ناہید ورک)

 

[عمر سیف]

دل میں چھپا لیا ہے تیرے غم کو اس لیے
کہ یہ بھی نا بچھڑ جائے تیرے پیار کی طرح

 

[شمشاد]

چمکتی آنکھ میں، مسکاتے ہونٹوں پر مرے تم
بسا ہے آ کے غم جو اُس کی رعنائی تو دیکھو
(ناہید ورک)

 

[محمد وارث]

جان کی پروا پھر کس کو ہو جب قاتل ہو یاروں سا
باتیں ہو دلداروں جیسی، لہجہ ہو غم خواروں سا

برسوں بعد فراز کو دیکھا اس کا حال احوال نہ پوچھ
شعر وہی دل والوں جیسے، شغل وہی بنجاروں سا

 

[شمشاد]

سرورہے غمِ عشق سے دیوانہ تو کیا ہے
کیا تم نے کوئی صاحبِ ایماں نہیں دیکھا
(سرور)

 

[عمر سیف]

کوئی غم ہو ، کوئی دکھ ہو درد کوئی ہو عدیم
مسکرانا پڑ ہی جاتا ہے زمانے کے لئے

 

[عیشل]

کیا غم نے رسوا،لگے آگ اس محبت کو
نہ لادے تاب جو غم کی،وہ میرا رازداں کیوں ہو
وفا کیسی کہاں کا عشق جب سر پھوڑنا ٹھہرا
تو پھر اے سنگ دل،تیرا ہی سنگِ آستاں کیوں ہو

 

[شمشاد]

غم کو سینے سے لگاؤں کب تلک
ضبط اپنا آزماؤں کب تلک
(ناہید ورک)

 

[عمر سیف]

اس سے میں کچھ پا سکوں اس کی کہاں امید تھی
غم بھی وہ شاید برائے مہربانی دے گیا

 

[شمشاد]

نشّّ۔۔۔اطِ س۔۔ای۔۔ۂ دی۔۔وار م۔رہ۔۔ونِ تم۔۔۔۔ازت ہے
غموں سے کچھ تو رشتہ ہے سرور و شادمانی کا
(سرور)

 

[عمر سیف]

سوز ِ غم دے کے مجھے اُس نے یہ ارشاد کیا
جا تجھے کشمکش ِ دہر سے آزاد کیا

 

[شمشاد]

آنسوؤں سے یہ بتا ناہید میں
حدّتِ غم کو بجھاؤں کب تلک
(ناہید ورک)

 

[عمر سیف]

وہ مجھے جب بھی ملے گا کوئی غم دے جائے گا
آنکھ کی آسودگی کو زخمِ نم دے جائے گا

 

[شمشاد]

نہ دوستوں کی تمنا، نہ دشمنوں کا غم
یہ کیا مقام ہے میں آگیا یہاں کیسے
(سرور)

 

[محمد وارث]

روش روش ہیے وہی انتظار کا موسم
نہیں ہے کوئی بھی موسم، بہار کا موسم

گراں ہے دل پہ غمِ روزگار کا موسم
ہے آزمائشِ حسنِ نگار کا موسم

(فیض)