ہمیں لاحق جو اک بے نام سا غم ہے،عجب غم ہے
تبسّم زیر لب ہے آنکھ پُرنم ہے،عجب غم ہے
بظاہر روشنی ہے،زندگی ہے،دلنوازی ہے
درونِ خانہ ء دل شورِ ماتم ہے،عجب غم ہے
متاعِ لوح و قلم چھن گئی تو کیا غم ہے
کہ خونِ دل میں ڈبو لی ہیں انگلیاں میں نے
زباں پہ مہر لگی ہے تو کیا کہ رکھ دی ہے
ہر ایک حلقۂ زنجیر میں زباں میں نے
لُطف سو گواری میں
غم کی آبیاری میں
ہم ملے محّبت کی
پہلی برف باری میں
گھر سے کون نکلے گا
اِتنی سنگ باری میں
اِک سکون شامل ہے
دل کی بے قراری میں
عُمر ساری گُزری ہے
کِتنی سو گواری میں
اِک فریب لگتا ہے
اس کی اِنکساری میں
(نوشی گیلانی)
میرے غم کا ساتھی میرے بخت کا ستارا
تیری آرزو نے لوٹا تیری جستجو نے مارا
میں بساطِ زندگی پر غم ِ آرزو کی بازی
کبھی انکی شہہ پہ جیتا،کبھی دل کی شہہ پہ ہارا
