طارق شاہ
محفلین
غزل
وَسوَسوں کا اُنھیں غلبہ دینا!
چاہیں سوچوں پہ بھی پہرہ دینا
وہ سلاسل ہیں، نہ پہرہ دینا
چاہے دِل ضُعف کو تمغہ دینا
ٹھہری شُہرت سے حَسِینوں کی رَوِش!
حُسن کے سِحْر سے دھوکہ دینا
خود کو دینے سا تو دُشوار نہیں
اُن کا ہر بات پہ طعنہ دینا
بُھولے کب ہیں رُخِ مہتاب کا ہم !
اوّل اوّل کا وہ جَلوہ دینا
لرزشِ لَب پہ بھی ہِمّت نہ بِساط
چھوڑوں رُخسار پہ بَوسہ دینا
ہِجْرِ دِل دار سے باقی نہ رہا
ہم میں وہ عِشق پہ خطبہ دینا
کم نہ ماہِر ہو جو ہم سے سِیکھے !
مُدَّعا کو لَب و لہجہ دینا
عِلم کب مُفت میں ہاتھ آئے خلشؔ
شرطِ حاصِل ہے توجّہ دینا
شفیق خَلِشؔ
وَسوَسوں کا اُنھیں غلبہ دینا!
چاہیں سوچوں پہ بھی پہرہ دینا
وہ سلاسل ہیں، نہ پہرہ دینا
چاہے دِل ضُعف کو تمغہ دینا
ٹھہری شُہرت سے حَسِینوں کی رَوِش!
حُسن کے سِحْر سے دھوکہ دینا
خود کو دینے سا تو دُشوار نہیں
اُن کا ہر بات پہ طعنہ دینا
بُھولے کب ہیں رُخِ مہتاب کا ہم !
اوّل اوّل کا وہ جَلوہ دینا
لرزشِ لَب پہ بھی ہِمّت نہ بِساط
چھوڑوں رُخسار پہ بَوسہ دینا
ہِجْرِ دِل دار سے باقی نہ رہا
ہم میں وہ عِشق پہ خطبہ دینا
کم نہ ماہِر ہو جو ہم سے سِیکھے !
مُدَّعا کو لَب و لہجہ دینا
عِلم کب مُفت میں ہاتھ آئے خلشؔ
شرطِ حاصِل ہے توجّہ دینا
شفیق خَلِشؔ
