عشق

[شمشاد]

عشق کو مطمئن نہ رکھ حسن کے اعتماد پر
وھ تجھے آزما چکا، تواسے آزمائے جا
(جگر مراد آبادی)

 

[حجاب]

عشق نے سیکھ ہی لی وقت کی تقسیم کہ اب
وہ مجھے یاد تو آتا ہے مگر کام کے بعد۔۔۔۔۔۔

 

[شمشاد]

تنہا کبھي وہ ملے تو
اس کو سناؤں باتيں دل کي
اس کو بتاؤں حال اپنا
اس سے کہوں کہ اس کے بنا
دن کيسے گزرتا ہے
رات کيسے ڈھلتي ہے
سورج کے نکلتے وقت
جان کيسي سلگتي ہے
دھڑکن کيسے مچلتي ہے
بے چيني کے عالم ميں
کيا کروں بالم ميں
دل کو کيسے بہلاؤں
بيتابيوں کے موسم ميں

تنہا کبھي وہ ملے تو
محبت کے درد بتاؤں اسے
پيار کے کچھ تقاضے ہیں
پيار کا روگ لگاؤں اسے
چاہت کے رنگوں ميں رنگوں اسے
عشق کا روپ ديکھاؤں اسے
تنہا تنہا رہنے والا
جھل مل جھل مل اس کا روپ
سب ہي کے ساتھ وہ رہتا ہے
پر چپ چاپ سا کچھ لگتا ہے
سب ميرے بھي اپنے ہیں
مگر وہ سب سے اپنا لگتا ہے

تنہا کبھي وہ ملے تو

اس سے کہوں کہ اس کے بناء
ميں رہ نہیں سکتي
جدائي کا دکھ يوں
ميں سہہ نہيں سکتي
ليکن
اب اگر وہ

تنہا کبھي وہ ملے تو

ميں جانتي ہو
تنہائي کے يہ لمحے
يونہي سرک جائيں گے
ميں کچھ نہ کہہ پاؤں گي
لفظ حلق ميں اٹک جائیں گے
کچھ دير وہ رکے گا
ميري طرف بھي ديکھے گا
ميري ہاتھوں کي کپکپاہٹ
ميري جھکي پلکوں کي جنبش
ميرے بند ہونٹوں کي لرزش
کو ديکھ کر وہ
يقينا مسکرائےگا
ميں کچھ نہ بھي کہوں تو
وہ خود ہي سمجھ جائے گا
يہ ديوانگي عشق کي
کس سے بھلا چھپ سکي ہے​

 

[الف عین]

درد ہی خود ہے، خود دوا ہے عشق
شیخ کیا جانے تو کہ کیا ہے عشق

 

[ڈاکٹر عباس]

میدانِ وفا دربار نہیں، یاں نام و نسب کی پوچھ کہاں
عاشق تو کسی کا نام نہیں، کچھ عشق کسی کی ذات نہیں

 

[الف عین]

شعرِ شور انگیز ایک اور
تھی عشق کی وہ ابتدا جو موج سی اٹھتی کبھو
اب دیدۂ تر کو جو تم دیکھو تو ہے گرداب سا

 

[ڈاکٹر عباس]

گر بازی عشق کی بازی ہے جو چاہو لگا دو ڈر کیسا
گر جیت گئے تو کیا کہنے ، ہارے بھی تو بازی مات نہیں

 

[الف عین]

آگ تھے ابتدائے عشق میں ہم
ہو گئے خاک انتہا ہے یہ

 

[توقیر]

ہے عشق اسیرِایّام ابھی تک
آسُن! کہ لبُوں پر ہے تِرا نام ابھی تک

 

[ڈاکٹر عباس]

عشق ہے عشق یہ مذاق نہیں
چند لمحوں میں فیصلہ نہ کرو

 

[الف عین]

غمِ فراق ہے دُنبالہ گردِ عیشِ وصال
فقط مزہ ہی نہیں عشق میں بَلا بھی ہے
میر

 

[ڈاکٹر عباس]

عشق میں اور کچھ نہیں ملتا
سینکڑوں غم نصیب ہوتے ہیں

 

[سیمل]

عشق دم جبریل ،عشق دلِ مصطفٰی
عشق خدا کا رسول(ص)، عشق خدا کا کلام

اقبال

 

[سارہ خان]

اس عشق و ترکِ عشق میں ناصح کہاں سے آ گیا
یہ اختیار آنکھوں کا ہے یہ فیصلہ ہے دل کے پاس

 

[عمر سیف]

عشق کرنا ہے تو یہ عہد بھی کرنا ہوگا
اب نا خوسیوں کا گزر اس طرح آساں ہوگا
اور بھی جینا ہے یہ سوچ کہ ڈر لگتا ہے
تیرے بن جینا تو بس پوت سے بدتر ہوگا ۔

 

[ڈاکٹر عباس]

جفا جو عشق میں ھوتی ھے وہ جفا ھی نہیں
ستم نہ ھو محبت میں تو کچھ مزا ھی نہیں (اقبال)​

 

[توقیر]

عشق کےانداز بھی کیاخوب ہیں
دل سُلگتا ہے دھواں اُٹھتا ہے

 

[عمر سیف]

حسن سے عشق جدا ہے نا جدا عشق سے حسن
کون سی شے ہے؟ جو آغوش در آغوش نہیں۔

 

[توقیر]

.
سنا ہے عشق کا آزار ہوگیا ہے مجھے
بجا کسی سے بہت پیار ہوگیاہے مجھے
.

 

[عمر سیف]

وہ عشق جس کا ہو آغاز بر سر بازار
وہ عشق تجھ کو رلا کے بھی تھم گیا ہوگا