1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $418.00
    اعلان ختم کریں

شیفتہ شب وصل کی بھی چین سے کیوں کر بسر کریں ۔ نواب مصطفیٰ خان شیفتہ

فرخ منظور نے 'پسندیدہ کلام' کی ذیل میں اس موضوع کا آغاز کیا، ‏جنوری 10, 2013

  1. فرخ منظور

    فرخ منظور لائبریرین

    مراسلے:
    12,553
    جھنڈا:
    Pakistan
    موڈ:
    Cold
    شب وصل کی بھی چین سے کیوں کر بسر کریں
    جب یوں نگاہبانئ مرغِ سحر کریں
    محفل میں اک نگاہ اگر وہ ادھر کریں
    سو سو اشارے غیر سے پھر رات بھر کریں
    طوفانِ نوح لانے سے اے چشم فائدہ؟
    دو اشک بھی بہت ہیں، اگر کچھ اثر کریں
    آز و ہوس سے خلق ہوا ہے یہ نامراد
    دل پر نگاہ کیا ہے، وہ مجھ پر نظر کریں
    کچھ اب کے ہم سے بولے تو یہ جی میں ہے کہ پھر
    ناصح کو بھی رقیب سے آزردہ تر کریں
    واں ہے وہ نغمہ جس سے کہ حوروں کے ہوش جائیں
    یاں ہے وہ نالہ جس سے فرشتے حذر کریں
    اہلِ زمانہ دیکھتے ہیں عیب ہی کو بس
    کیا فائدہ جو شیفتہ عرضِ ہنر کریں
    (نواب مصطفیٰ خان شیفتہ)
     
    • پسندیدہ پسندیدہ × 2

اس صفحے کی تشہیر