شاعری ، اپنی پسند کی ،

[شمشاد]

آتے ہوئے اذاں ہوئی جاتے ہوئے نماز
کتنے قلیل وقت میں ہم آئے اور چلے گئے

 

[الف نظامی]

بے حجابہ در آ از در کاشانہ ما

کہ کسے نیست بجز دردِ تو در خانہ ما​

 

[تیشہ]

بہت خوب ، سب کی پسند بہت لاجواب ہے ،

 

[الف نظامی]

بہت خوب ، سب کی پسند بہت لاجواب ہے ،

اپنی پسند بھی تو لکھیں۔

 

[تیشہ]

بہت خوب ، سب کی پسند بہت لاجواب ہے ،

اپنی پسند بھی تو لکھیں۔

میں نے سٹارٹ میں اوپر اپنی پسند لکھی تو ہے ، ابھی تھورا موڈ بنا تو ضرور لکھوں گی ، آپ سب واقعی میں بہت اچھا شیئر کر رہے ہیں ،

 

[وہاب اعجاز خان]

جواب

اشعار جو مجھے پسند ہیں۔

تمام عمر تیرا انتظار ہم نے کیا
اس انتظار میں کس کس سے پیار ہم نے کیا (حفیظ ہوشیارپوری)

مجھے خود اپنی نہیں اس کی فکر لاحق ہے
بچھڑنے والا بھی مجھ سا ہی بے سہارا تھا (مقبول عامر)

میں‌بھی بہت عجیب ہوں اتنا عجیب ہوں‌کہ بس
خود کو تباہ کر لیا اور ملال بھی نہیں

شاید مجھے کسی سے محبت نہیں ہوئی
لیکن یقین سب کو دلاتا رہا ہوں میں
کل دوپہر عجیب سے ایک بے کلی رہی
بس تیلیاں جلا کے بجھاتا رہا ہوں میں (جون ایلیا)

قربِ بدن سے کم نہ ہوئے دل کے فاصلے
اک عمر کٹ گئی کسی ناآشنا کے ساتھ (سلیم احمد)

کبھی تیغِ تیز سپر د کی کبھی تحفہء گل تر دیا
کسی شاہزادی کے عشق نے میرا دل ستاروں سے بھر دیا
زمیں‌چھوڑ کر نہیں جاوں گا نیا ایک شہر بساوں‌گا
میرے وقت نے میرے عہد نے مجھے اختیار اگر دیا (ثروت حسین)

کمال اس نے کیا اورمیں نے حد کر دی
کہ خود بدل گیا اس کی نظر بدلنے تک

تیرا انجام ہوا جو وہی ہونا تھا جمال
اس جہاں میں تو کسی اور جہاں کا نکلا (جمال احسانی)

 

[شمشاد]

رستے سارے کالے ناگ اور تیز ہوا
اک دیا ہے ہاتھوں پر اور ننگے پاؤں
اِن آنکھوں سے اُن آنکھوں تک لمبے رستے
صدیوں جتنا اک سفر اور ننگے پاؤں

 

[شمشاد]

برف وادی کے جو مسافر ہوں
آگ دل میں جلا کے چلتے ہیں
ہم نہ یوسف نہ وہ زلیخا ہیں
پھر بھی دامن بچا کے چلتے ہیں

 

[تیشہ]

میں نے اس فکر میں کاٹیں کئی راتیں کئی دن
میرے شعروں میں تیرا نام نہ آئے لیکن
جب تیری سانس میری سانس میں رس گھولتی ہے
شاعری سچ بولتی ہے ۔،

 

[شمشاد]

اک بس تو ہی نہیں مجھ سے خفا ہو بیٹھا
میں نے جو سنگ تراشا وہ خدا ہو بیٹھا
اٹھ کے منزل ہی اگر آئے تو شاید کچھ ہو
شوقِ منزل میں میرا آبلہ پا ہو بیٹھا
(فرحت شہزاد)

 

[شمشاد]

اک مدت ہوئی اک زمانہ ہوا
خاکِ گلشن میں جب آشیانہ ہوا
زلفِ برہم کی جب سے شناسائی ہوئی
زندگی کا چلن مجرمانہ ہوا
(ساغر صدیقی)

 

[الف نظامی]

الا یایھا الساقی ادرکاسا و ناولھا

کہ عشق آساں نمود اول ولے افتاد مشکلہا​

 

[شمشاد]

یا تو مٹ جائیے یا مٹا دیجیئے
کیجیئے جب بھی سودا کھرا کیجیئے
اب جفا کیجیئے یا وفا کیجیئے
آخری وقت ہے بس دعا کیجیئے
(واجدہ تبسم)

 

[الف نظامی]

یاد شمشیر نگاہِ نبوی ہے دل کو

شکر اللہ کا بسمل نہ ہوا تھا سو ہوا​

آج محروم پھرا اس کو نہ دروازے سے

تیرا شائق کبھی مائل نہ ہوا تھا سو ہوا​

 

[الف نظامی]

آنکھ فدائے روئے محمد (صلی اللہ علیہ والہ وسلم)

قلب نثار کوئے محمد (صلی اللہ علیہ والہ وسلم)​

خوشبوئے کونین سے بہتر، پھولوں سے بر تر کلیوں سے بڑھ کر

خوشبوئے گیسوئے محمد (صلی اللہ علیہ والہ وسلم)​

دنیامیری ذکر مدینہ ، دین مرا دیں شہ بطحا

ایماں مرا روئے محمد (صلی اللہ علیہ والہ وسلم)​

 

[شمشاد]

نامہ گیا کوئی نہ کوئی نامہ بر گیا
تیری خبر نہ آئی زمانہ گزر گیا

ہنستا ہوں یوں کہ ہجر کی راتیں گزر گئیں
روتا ہوں یوں کہ لطفِ دعائےِ سحر گیا
(سیماب اکبرآبادی)

 

[شمشاد]

ہاتھ چھوٹے بھی تو رشتے نہیں چھوڑا کرتے
وقت کی شاخ سے لمحے نہیں توڑا کرتے

جس کی آواز میں سلوٹ ہو نگاہوں میں شکن
ایسی تصویر کے ٹکڑے نہیں جوڑا کرتے
(گلزار)

 

[شمشاد]

یوں ان کی بزمِ خاموشیوں نے کام کیا
سب نے میری محبت کا احترام کیا

ہمارا نام بھی لینے لگے وفا والے
ہمیں بھی آ کے فرشتوں نے اب سلام کیا
(سعید راہی)

 

[شمشاد]

زمانہ ان کو ہمیشہ ہی یاد رکھے گا
وہ جس نے عشق کی دنیا میں اپنا نام کیا

تُو بے وفا ہے مگر مجھکو جان سے پیارا ہے
اسی ادا نے تو ‘راہی‘ کو تیرا غلام کیا
(سعید راہی)

 

[شمشاد]

یوں تیری رہگذر سے دیوانہ وار گزرے
کاندھے پے اپنے رکھ کے اپنا مزار گزرے

تُو نے بھی ہم کو دیکھا، ہم نے بھی تجھکو دیکھا
تُو دل ہی ہار گزرا، ہم جان ہار گزرے
(میناکماری ناز)