سر پھوڑ کے مر جائیں؟ سرکار، کدھر جائیں؟

[رانا]

ان دونوں مصرعوں میں عمل تسبیغ واقع ہو رہا ہے۔

اللہ رحم کرے۔۔۔آپ شاعروں میں کوئی تسہیل تسبیغ کا نسخہ وغیرہ نہیں ہوتا؟؟

 

[(فراز)]

ان دونوں مصرعوں میں عمل تسبیغ واقع ہو رہا ہے۔
مفعول مفاعیلن کو مفعول مفاعیلان کرنا جائز ہے

 

[ابن رضا]

خوب غزل ہے جناب، لاجواب

 

[نوشاب]

لے کر یہ محبت کے آزار کدھر جائیں؟
سر پھوڑ کے مر جائیں؟ سرکار، کدھر جائیں؟
بیٹھیں تو کہاں بیٹھیں اس کوئے ملامت میں؟
اٹھ جائیں تو ہم اہلِ پندار کدھر جائیں؟
مانا کہ مسیحا کو ہیں اور ہزاروں کام
یہ بھی تو کہو کوئی، بیمار کدھر جائیں؟
یہ کرب، یہ سناٹا، یہ رنگ کی ننگی لاش
لالے تو گئے صاحب! گلزار کدھر جائیں؟
اندھوں کو بتا دینا، باہر بھی اندھیرے ہیں
بے فائدہ کیا گھومیں؟ بے کار کدھر جائیں؟
کس اینٹ پہ سر پٹکیں؟ کس در پہ کریں گریہ؟
راحیل ؔ بتا، تیرے غم خوار کدھر جائیں؟
راحیلؔ فاروق​

مشمولہ: زار

اس نظم میں شاعر کہنا کیا چاہتا ہے؟
اتنی مایوسی ،اتنی مایوسی آخر اتنی مایوسی کیوں؟؟

 

[سید عاطف علی]

خوب است راحیل بھائی۔
کیا صرف ہمیں ایسا محسوس ہو رہا ہے کہ ان دونوں مصرعوں میں کچھ تو ایسا ہے جو باقی مصرعوں کے وزن سے کچھ ہٹ کر ہے؟ اور یہ کہ اگر ایسا ہے تو کیا اس بحر میں اس کی اجازت موجود ہے؟ یا ہم سے گنگنانے میں کوئی گڑبڑ ہو رہی ہے؟

سعید بھائی ۔ گنگنانے والے تو بے بحری شاعری کو بھی بحری آہنگ دے لیتے ہیں ۔آپ اپنے موسیقائی مزاج کو ذرا شوکت علی صاحب کی طرح کھلا چھوڑ کر دیکھیں۔ مثلا ََ۔(یارب دل مسلم کو ۔۔۔) ۔
فاتح بھائی درست کہہ رہے ہیں ۔

 

[ظہیراحمدظہیر]

کیا بات ہے راحیل بھائی !! اتنے خوبصورت ، اتنے مترنم اور اتنے سارے سوالات ایک ساتھ!!!
کیا اچھی غزل ہے !! سلامت رہیں!

 

[محمد فہد]

بہت خوبصورت اظہارِجذبات محبت ۔۔۔۔ماشااللہ۔۔

 

[کاشف اسرار احمد]

ماشا اللہ۔
خوب غزل ہے راحیل بھائی۔
کیا کہنے !

 

[عاطف ملک]

لے کر یہ محبت کے آزار کدھر جائیں؟
سر پھوڑ کے مر جائیں؟ سرکار، کدھر جائیں؟
بیٹھیں تو کہاں بیٹھیں اس کوئے ملامت میں؟
اٹھ جائیں تو ہم اہلِ پندار کدھر جائیں؟
مانا کہ مسیحا کو ہیں اور ہزاروں کام
یہ بھی تو کہو کوئی، بیمار کدھر جائیں؟
یہ کرب، یہ سناٹا، یہ رنگ کی ننگی لاش
لالے تو گئے صاحب! گلزار کدھر جائیں؟
اندھوں کو بتا دینا، باہر بھی اندھیرے ہیں
بے فائدہ کیا گھومیں؟ بے کار کدھر جائیں؟
کس اینٹ پہ سر پٹکیں؟ کس در پہ کریں گریہ؟
راحیل ؔ بتا، تیرے غم خوار کدھر جائیں؟
راحیلؔ فاروق​

مشمولہ: زار

رلا دیا!

 

[سروش]

لے کر یہ محبت کے آزار کدھر جائیں؟
سر پھوڑ کے مر جائیں؟ سرکار، کدھر جائیں؟

کس اینٹ پہ سر پٹکیں؟ کس در پہ کریں گریہ؟
راحیل ؔ بتا، تیرے غم خوار کدھر جائیں؟

بہت اعلیٰ ۔ جناب کے انداز بیاں کا جواب نہیں ۔