1. اردو ویب کے سالانہ اخراجات کی مد میں فراخدلانہ تعاون پر احباب کا بے حد شکریہ نیز ہدف کی تکمیل پر مبارکباد۔ مزید تفصیلات ملاحظہ فرمائیں!

    $500.00
    اعلان ختم کریں

عدیم ہاشمی زندگی پاؤں نہ دَھر جانبِ انجام ابھی۔ عدیم ہاشمی

شیزان نے 'پسندیدہ کلام' کی ذیل میں اس موضوع کا آغاز کیا، ‏دسمبر 29, 2012

  1. شیزان

    شیزان لائبریرین

    مراسلے:
    6,469
    موڈ:
    Cool
    زندگی پاؤں نہ دَھر جانبِ انجام ابھی
    مرے ذمے ہیں ادُھورے سے کئی کام ابھی
    ابھی تازہ ہے بہت گھاؤ بچھڑ جانے کا
    گھیر لیتی ہے تری یاد سرِشام ابھی
    اِک نظر اور اِدھر دیکھ مسیحا میرے
    ترے بیمار کو آیا نہیں آرام ابھی
    رات آئی ہے تو کیا ، تم تو نہیں آئے ہو
    مری قسمت میں کہاں لِکھا ہے آرام ابھی
    جان دینے میں کروں دیر، یہ مُمکن ہے کہاں
    مجھ تک آیا ہے مری جاں ترا پیغام ابھی
    طائرِ دل کے ذرا پَر تو نِکل لینے دو
    اِس پرندے کو بھی آنا ہے تہِ دام ابھی
    توڑ سکتا ہے مرا دل یہ زمانہ کیسے
    میرے سینے میں دھڑکتا ہے ترا نام ابھی
    میرے ہاتھوں میں ہے موجُود ترے ہاتھ کا لمس
    دِل میں برپا ہے اُسی شام کا کہرام ابھی
    میں ترا حسن سخن میں ابھی ڈھالوں کیسے
    میرے اشعار بنے ہیں کہاں اِلہام ابھی
    مری نظریں کریں کیسے ترے چہرے کا طواف
    مری آنکھوں نے تو باندھے نہیں احرام ابھی
    یاد کے ابَر سے آنکھیں مری بھیگی ہیں عدیم
    اِک دھندلکا سا ہے ،بھیگی تو نہیں شام ابھی
    نذرِ اقبال
    عدیم ہاشمی
     
    • پسندیدہ پسندیدہ × 5
  2. فرخ منظور

    فرخ منظور لائبریرین

    مراسلے:
    12,647
    جھنڈا:
    Pakistan
    موڈ:
    Cold
    واہ! کیا بات ہے۔ بہت خوبصورت انتخاب۔ بہت شکریہ شیزان صاحب!
     
    • دوستانہ دوستانہ × 1
  3. شیزان

    شیزان لائبریرین

    مراسلے:
    6,469
    موڈ:
    Cool
    آپ کو پسند آیا انتخاب۔۔ یہ میری خوش بختی۔۔
    بہت نوازش فرخ صاحب:)
     
    • دوستانہ دوستانہ × 1
  4. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,826
    جھنڈا:
    Pakistan
    موڈ:
    Cheerful
    واہ ،
    کیا خوبصورت شعر ہے ،
    لاجواب غزل ۔
     

اس صفحے کی تشہیر