تیرہویں سالگرہ رنگوں کے نام مع تصاویر

[محمد عدنان اکبری نقیبی]

یہاں بتانا ہے، پوچھنا نہیں۔
اور وہ بھی انگریزی، اردو دونوں میں۔

ہمیں معلوم ہی نہیں تو اب کیا بتائیں ،اس لیے پوچھ کر کام چلا رہے ہیں۔

 

[محمد عدنان اکبری نقیبی]

اس پھول میں کون کون سے رنگ ہیں ؟

 

[محمد عدنان اکبری نقیبی]

تابش بھیا تصویر میں زبان کا کون سا رنگ ہے ؟

 

[محمد وارث]

تابش بھیا تصویر میں زبان کا کون سا رنگ ہے ؟

"دراز" اگر کوئی رنگ ہوتا تو کہتا کہ "زبان دراز" رنگ ہے یہ!

 

[محمد تابش صدیقی]

تابش بھیا تصویر میں زبان کا کون سا رنگ ہے ؟

گرگٹ کا رنگ

 

[مریم افتخار]

رنگوں کے شیڈز کی اور کپڑوں کی قسموں وغیرہ کی زیادہ پہچان تو مجھے نہیں ہے. اس لڑی کو دیکھ کر اس میں حصہ ڈالنے کو ایک جملے کا لطیفہ ضرور یاد آ گیا:

'لڑکیوں کو سرخ لپ اسٹک کے دس شیڈز کے الگ الگ نام بھی پتا ہوتے ہیں اور لڑکے......بالوں میں کنڈیشنر لگا کر سوچتے ہیں کہ آج جھاگ کیوں نہیں ہو رہی!!!'

 

[جاسمن]

جاسمن آپی، یہ آئیڈیا بہت اچھا ہے۔ لیکن محفل کی سالگرہ کے بجائے "کھیل ہی کھیل میں" زمرہ اس کے لیے زیادہ موزوں معلوم ہوتا ہے۔
ہمیں بھی دھاگہ دیکھ کے یہی خیال آیا تھا۔ لیکن اگر آپ سالگرہ کے عنوان سے مطمئن ہیں تو ہمیں بھی کوئی مسئلہ نہیں۔

منتظمین سے استدعا ہے کہ اسے کھیل والے زمرے میں منتقل کر دیں۔

 

[جاسمن]

ویسے مجھے اردو ادب میں رنگوں بارے پڑھتے ہوئے کئی رنگوں کی پہچان نہیں ہوپاتی۔
اس لئے یہ دھاگہ کھولا ہے کہ ہمیں رنگوں کی درست پہچان ہو اور ان کے دونوں زبانوں میں نام بھی آجائیں۔

 

[جاسمن]

پھر میں محفلین لڑکیوں کو بتا سکوں کہ میں نے دھانی رنگ کا لباس بنوایا ہے اور اپنی بیٹی کے لئے روپہلے اور سنہری رنگعں کا۔

 

[محمد تابش صدیقی]

بالوں میں کنڈیشنر لگا کر سوچتے ہیں کہ آج جھاگ کیوں نہیں ہو رہی!!!'

تقریباً ہو چکا ہے میرے ساتھ۔
ہاتھ میں نکالتے ہی اندازہ ہو گیا کہ کچھ اور شے ہے۔
اللہ پوچھے لوریئل والوں کو۔ جنھوں نے ایک جیسے ڈبے بنائے۔

 

[سید عاطف علی]

منتظمین سے استدعا ہے کہ اسے کھیل والے زمرے میں منتقل کر دیں۔

کیوں بھئی ۔سالگرہ کو رنگارنگ کرنے کے لیے مناسب ہے ۔ ٹ
ھیک ہے یہیں رہنے دیں ۔

دھانی کہتے ہیں ہمارے یہاں

دھانی رنگ یہ والا ہے۔
اس کی تفصیل میں بھی یہی لکھا ہے۔
ویسے میرا اس اشتہار سے کوئی تعلق نہیں ۔

 

[سید عاطف علی]

یہ رنگ ۔ شنگرفی کہلاتا ہے۔ ( کوئی کوئی اسے شنجرفی بھی کہتا پایا جاتا ہے۔)

 

[سید عاطف علی]

اس پھول میں کون کون سے رنگ ہیں ؟

یہ تو کاسنی رنگ ہے۔
انگریزی ۔ لیونڈر

 

[محمد تابش صدیقی]

یہ تو کاسنی رنگ ہے۔
انگریزی ۔ لیونڈر

محمداحمد بھائی کی نظم یاد آ گئی

کاسنی رنگ کا
وہ جو چھوٹا سا پھول اُس کے بالوں میں ہے
کن خیالوں میں ہے؟

اور آویزے جو
جھلملاتے ہوئے اُس کے کانوں میں ہیں
کن اُڑانوں میں ہیں؟

 

[سید عاطف علی]

محمداحمد بھائی کی نظم یاد آ گئی
کاسنی رنگ کا
وہ جو چھوٹا سا پھول اُس کے بالوں میں ہے
کن خیالوں میں ہے؟

اور آویزے جو
جھلملاتے ہوئے اُس کے کانوں میں ہیں
کن اُڑانوں میں ہیں؟

مجھے تو کاسنی دوپٹہ یاد آیا۔

 

[جاسمن]

یہ تو کاسنی رنگ ہے۔
انگریزی ۔ لیونڈر

انگریزی میں موو کس رنگ کو کہتے ہیں؟

 

[محمد وارث]

اپنا بھی کچھ ایسا ہی حال ہے!

 

[م حمزہ]

رنگوں کے شیڈز کی اور کپڑوں کی قسموں وغیرہ کی زیادہ پہچان تو مجھے نہیں ہے. اس لڑی کو دیکھ کر اس میں حصہ ڈالنے کو ایک جملے کا لطیفہ ضرور یاد آ گیا:

'لڑکیوں کو سرخ لپ اسٹک کے دس شیڈز کے الگ الگ نام بھی پتا ہوتے ہیں اور لڑکے......بالوں میں کنڈیشنر لگا کر سوچتے ہیں کہ آج جھاگ کیوں نہیں ہو رہی!!!'

یہ کنڈیشنر کیا ہوتا ہے ؟

 

[عبید انصاری]

یہ کنڈیشنر کیا ہوتا ہے ؟

ارے بھائی!
فقط "خرچ" کرنے کا ہے اک بہانہ!

 

[مریم افتخار]

یہ کنڈیشنر کیا ہوتا ہے ؟

جس طرح تیل لگا کر بعد میں بال دھونے سے بال نرم اور کچھ چمکدار ہو جاتے ہیں لیکن شیمپو زیادہ استعمال کرنا پڑتا ہے. اس طرح کنڈیشنر شیمپو کی طرح ہوتا ہے جو شیمپو کرنے کے بعد اس واسطے استعمال کرتے ہیں کہ بال نرم اور چمکدار ہو جائیں.