دھوبی کا کُتا گھر کا نہ گھاٹ کا

بہت خوب۔ یعنی جاسم یہاں بھی کوئی نواں کٹا کھولنا چاہتے ہیں؟

 

اب دھوبی کے کتے کے ساتھ کٹا بھی کھل گیا ہے۔ سلام جاسم!

 

جاسم صاحب خیر کیا کریں گے، "کٹے" ویسے ہی مظلوم جانور ہیں۔

اول تو کٹے کی پیدائش پر ہی مالکان خوش نہیں ہوتے، انہیں "کٹی" چاہیئے ہوتی ہے کیونکہ کٹی بڑی ہو کر نہ صرف دودھ دے گی بلکہ مزید بچے (کٹیاں) پیدا کرے گی یوں ایک بھینس سے چند ہی سالوں میں کئی ایک بھینسوں کا مالک بنا جا سکتا ہے جن کے دودھ سے (اور پانی کی مدد سے، روپے پیسے کی) نہریں بہائی جا سکتی ہیں۔ دوم، کٹے کو دودھ کے قریب بھی نہیں جانے دیا جاتا۔ سوم، پرانے زمانوں میں بالغ کٹے (سنڈا یا بھینسا) سے مشقت کا کام لیا جاتا تھا لیکن مشینی دور کے بعد سے کٹے کی قسمت میں صرف چھری ہوتی ہے۔ چند سالوں کے جوان ہوتے کٹے کے گوشت کی بہت مانگ ہوتی ہے، اس کے ریشے نرم ہوتے ہیں بلکہ اسے مقوی بھی سمجھا جاتا ہے۔

سو جاسم صاحب کے نئے سے نئے کٹوں کی قسمت میں شروع میں محرومی اور آخر میں چھری ہی ہوتی ہے۔

 

ھاھاھاھاھا ھاھاھاھاھا
میں آپ سے متفق ہوں

 

آپ نے تو پورا کٹا ہی "چو" دیا

 

ویسے عوام کو "کٹے" دینے کا وعدہ یوٹرن کے وزیر اعظم نے بھی کیا تھا۔ البتہ فی الحال ان کے اپنے کھلے ہوئے کٹے ہی بند نہیں ہو رہے

 

لو جی اب سیاست کا نیا کٹا کھلنے جارہا ہے۔ اسے کہتے ہیں:
تلافی کی بھی"جاسم" نے تو کیا کی

 

نور اللغات اور فرہنگ آصفیہ میں اگرچہ کُتّا ہی لکھا ہے لیکن یہ نہیں بتایا گیا کہ خاص اس مقام پر یہ لفظ کس معنی میں استعمال ہوا ہے۔
کُتک اور کُتکا دونوں کا معنی انہی دونوں لغات میں موسل بتایا گیا ہے جو مسالہ کوٹنے والے ڈنڈے کو کہا جاتا ہے۔ اس اعتبار سے ظاہر ہے کہ کُتکا یا کُتک دھوبی کے ڈنڈے پر بھی بولا جاسکتا ہے جس سے کپڑے کوٹے جاتے ہیں۔ کُتکا کا اختصار یا بگاڑ کُتّا بنتا ہے
نتیجہ یہ نکلا کہ یہاں لفظ تو کُتّا ہی ہے لیکن بمعنی سگ نہیں بلکہ بمعنی ڈنڈا جس سے کپڑے کوٹے جاتے ہیں

 

یہ لفظ کُتا، حرف ک پر پیش، نہیں، بلکہ کَتا ہے۔ حرف ک پر زبر ہے۔ جبکہ تابش بھائی نے خاص طور پر حرف ک پر پیش ڈال کر اس کو کُتا، بمعنی سگ ہی لکھا ہے۔

 

کٙتا کی کوئی توجیہ ممکن نہیں ہے۔ کُتکا اور کُتک لغات میں بمعنی موسل یا ڈنڈے کے موجود ہیں۔ کُتکا کا اختصار یا بگاڑ کُتّا قرین قیاس ہے

 

جہاں تک غلط العام اور غلط العوام الفاظ کا تعلق ہے تو ایک مشہور محاورہ ہے "لکھے موسیٰ پڑھے خدا" ہر جگہ لکھا اور پڑھا جاتا ہے۔ جبکہ صحیح محاورہ "لکھے مُو سا، پڑھے خود آ" ہے۔ مُو بال کو کہتے ہیں، یعنی بال برابر باریک لکھے اور پڑھنے کے لیے بھی خود ہی آنا پڑے۔ اس طرح کئی ایک محاورے زبان زد عام ہونے کی وجہ سے اپنے اصلی الفاظ کھو بیٹھے ہیں۔

 

آفتاب اقبال کا وکیل تو نہیں لیکن یہ بات ضرور پیش رہے کہ موصوف نے اپنے پروگرام کے اس حصہ کیلئے کچھ اساتذہ اور ماہرین کی خدمات لے رکھی ہیں۔ اگر آفتاب اقبال کی بیان کردہ بات غلط ثابت ہوتی ہے تو ذمہ داری ان ماہرین اور اساتذہ کی بنتی ہے

 

اسلم اقبال صاحب اردو محفل میں خوش آمدید۔

اپنا تعارف تو دیں تاکہ اردو محفل کے دوسرے اراکین آپ سے متعارف ہو سکیں۔

یہ رہا تعارف کا زمرہ

 

محترم صاحبان محفل میرے خیال میں زمانہ قدیم سے کتے کو اس کی وفاداری کی وجہ سے نہیں رکھا جاتا بلکہ اس سے تو رکھوالی کا چوکیداری کا کام لیاجانا مقصود ہوتا ہے۔ جب وہ ایک جگہ رہتا ہے تو سمجھتا ہے یہاں آنا جانا مالکان کا ہے۔ باقی نہ کسی انسان نہ حیوان کو گذرنے دیتا ہے ۔ دھوبی بھی اپنے پاس موجود سامان کی رکھوالی کےلئےکتا رکھتا ہے۔ لیکن چونکہ دھوبی کا پڑاؤ ایک جگہ نہيں ہوتا۔ لہٰذا کتا دونوں جگہ چوکیداری نہيں کر پاتا۔ اس وجہ سے یہ کہاوت وجود میں آئی ہو گی کہ {دھوبی کا کُتا ۔ نہ گھر کا ۔ نہ گھاٹ کا۔}

 

محترم اسحاق صاحب اردو محفل میں خوش آمدید۔

اپنا تعارف تو دیں۔

یہ لفظ کَتا ہی ہے۔ کَتا اس ڈنڈے کو کہتے ہیں جس سے دھوبی کپڑے دھوتا ہے۔

 

دھوبی نہیں رہے، نہ گھاٹ رہے ہیں، اس محاورہ کو ارتقائی عمل سے گذارا جائے۔۔۔۔

 

محترم ! جو آلہ کسی شخص کے گھرچلانے کا باعث بنتا ہے۔ اس کو ہم کیوں اور کس لیئے کہيں کہ گھر کا نہ گھاٹ کا۔ اگر وہ کَتا دونوں جگہ بے کار ہے تو پھر اس کا فن بچتا ہی نہيں۔

 

دھوبی کا جو کَتا گھر چلانے کا باعث ہے تو کوئی اسے کیوں کہے کہ گھر کا ہے نہ گھاٹ کا۔ جو آلہ کسی کے فن کی پہچان ہو اسے فنکار کےلئے کیسے بے کار کہا جائے۔