1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $453.00
    اعلان ختم کریں

دھوبی کا کُتا گھر کا نہ گھاٹ کا

محمد تابش صدیقی نے 'اردو نامہ' کی ذیل میں اس موضوع کا آغاز کیا، ‏اگست 31, 2019

  1. محمد تابش صدیقی

    محمد تابش صدیقی منتظم

    مراسلے:
    23,927
    جھنڈا:
    Pakistan
    موڈ:
    Breezy
    محترم آفتاب اقبال صاحب اپنے ٹی وی پروگرام میں عموماً غلط العام اور غلط العوام الفاظ کے حوالے سے بات کرتے رہتے ہیں۔ اور عام ناظرین میں ان کی بات کو مستند سمجھا جاتا ہے۔ حالانکہ وہ بعض اوقات بغیر حوالوں کے اور غلط بات بھی کر جایا کرتے ہیں۔ اور ایک ایسے فرد کی جانب سے غلط سبق پڑھایا جانا اردو کے لیے زیادہ نقصان دہ ہے۔

    یہ معاملہ بھی مجھے کچھ ایسا ہی معلوم ہوتا ہے۔ البتہ اس پر اہلِ علم کی رائے درکار ہے، کہ میں غلط بھی ہو سکتا ہوں۔

    آفتاب اقبال صاحب نے اپنے ایک پروگرام میں یہ محاورہ سنا کر دعویٰ کیا ہے کہ اس محاورہ میں لفظ کُتا نہیں بلکہ کَتا ہے، جس کا مطلب دھوبی کا لکڑی کا ڈنڈا ہے۔ اور کُتا کا استعمال اس محاورہ میں غلط العام بلکہ کاتب کی غلطی ہے۔

    ایک فیس بک گروپ نے جب کسی نے یہ پوسٹ کی تو مجھے اطمینان نہ ہوا، اور کچھ تحقیق کی۔
    نوراللغات کو کھنگالا تو یہاں بھی کُتا ہی ملا

    [​IMG]
    فرہنگِ آصفیہ جو دیکھی تو اس میں ک پر حرکت نہیں تھی، البتہ مفہوم سے کُتا ہی معلوم ہوا

    [​IMG]
    اردو لغت بورڈ کی لغت کبیر میں بھی کُتا ہی ہے۔

    اور اسی میں سند کے طور پر میر کا شعر لکھا ہے، اس سے بھی کُتا ہی معلوم ہوتا ہے۔

    اب میں نہیں مان سکتا کہ مستند ترین لغات اور مستند ترین شاعر ایک ہی غلطی کے مرتکب ہوئے ہوں۔ اگر میں غلطی پر ہوں تو تصحیح کیجیے۔
     
    • معلوماتی معلوماتی × 7
    • پسندیدہ پسندیدہ × 5
    • متفق متفق × 1
  2. محمد تابش صدیقی

    محمد تابش صدیقی منتظم

    مراسلے:
    23,927
    جھنڈا:
    Pakistan
    موڈ:
    Breezy
    آفتاب اقبال کا پروگرام
     
    • پسندیدہ پسندیدہ × 2
  3. محمد تابش صدیقی

    محمد تابش صدیقی منتظم

    مراسلے:
    23,927
    جھنڈا:
    Pakistan
    موڈ:
    Breezy
  4. فرقان احمد

    فرقان احمد محفلین

    مراسلے:
    8,743
    ہماری ناقص فہم کے مطابق، قرین قیاس یہی ہے کہ، آفتاب اقبال صاحب غالباََ درست فرما رہے ہیں۔ ہم آج تک یہ سوچتے آئے کہ دھوبی کو کُتا یعنی ایک جانور سے کیا نسبت! ممکن ہے کہ اس ڈنڈے کو کَتا یا پھر، کُتا ہی کہا جاتا ہو جس کی طرف آفتاب صاحب نے ویڈیو میں اشارہ بھی کیا ہے۔ ایک دو جگہ اور بھی یہی پڑھا ہے؛ یا پھر شاید، وہ بھی آفتاب صاحب کے متاثرین میں شامل ہوں گے۔
     
    • پسندیدہ پسندیدہ × 2
    • معلوماتی معلوماتی × 1
    • دوستانہ دوستانہ × 1
  5. محمد تابش صدیقی

    محمد تابش صدیقی منتظم

    مراسلے:
    23,927
    جھنڈا:
    Pakistan
    موڈ:
    Breezy
    کَتا لفظ فرہنگِ آصفیہ میں ہے ہی نہیں۔
    نور اللغات اور لغت کبیر میں اس کا مطلب دو دھاری تلوار ہے۔
    کہیں بھی وہ مطلب نہ ملا جو آفتاب اقبال صاحب نے بتایا۔

    دوسری بات یہ ہے کہ ضرب المثل کا مفہوم آوارگی کا ہے، اور اس کا تعلق ضرور آوارہ کتے سے بنتا ہے۔
    اور یہ ضرب المثل بہت پرانی ہونے کے سبب ہم آج یہ نہیں کہہ سکتے کہ دھوبی کا کتے سے کیا تعلق۔ ایک گمان یہ آتا ہے کہ دھوبی کا کتا دھوبی کے ساتھ ہی کبھی گھاٹ پر ہوتا ہو گا اور کبھی گھر پر۔ اور کسی ایک جگہ سے اس کی وفاداری نہ بن پانے کے سبب اس میں آوارگی آ جاتی ہو گی۔
    بہرحال میرؔ کے شعر اور مستند ترین لغات میں بھی کُتا ہی ہے۔ جبکہ فرہنگِ آصفیہ میں سرے سے کَتا لفظ ہی موجود نہیں۔

    بغیر کسی مستند حوالے کے ہم کیسے اس بات کو تسلیم کر سکتے ہیں؟
     
    • معلوماتی معلوماتی × 3
    • متفق متفق × 3
    • پسندیدہ پسندیدہ × 1
  6. فرقان احمد

    فرقان احمد محفلین

    مراسلے:
    8,743
    میر تقی میر کے شعر سے دونوں معانی برآمد ہوتے ہیں بلکہ ہماری دانست میں، اس شعر کو بغور پڑھا جائے تو دھیان کتا (جانور) کی طرف کم ہی جاتا ہے۔ ایک بار پھر سے پڑھیے۔ ہمیں تو یوں ہی لگا۔
     
    • پسندیدہ پسندیدہ × 1
    • متفق متفق × 1
  7. محمد تابش صدیقی

    محمد تابش صدیقی منتظم

    مراسلے:
    23,927
    جھنڈا:
    Pakistan
    موڈ:
    Breezy
    ذرا ربط پر جائیے۔ یہ ہجو ہے اور ماحول کے ساتھ پڑھیے۔ :)
     
    • معلوماتی معلوماتی × 1
  8. محمد تابش صدیقی

    محمد تابش صدیقی منتظم

    مراسلے:
    23,927
    جھنڈا:
    Pakistan
    موڈ:
    Breezy
    محض اگلے دو اشعار کے ساتھ

    کتوں کی جستجو میں ہوا روڑا باٹ کا
    دھوبی کا کتا ہے کہ نہ گھر کا نہ گھاٹ کا

    تھکتا ہے پھر جو کرتے ہوئے دوڑ اور دھپاڑ
    لیتا ہے بے دماغ ہو لوگوں کے کپڑے پھاڑ

    جو ہڈیوں پہ لڑتا رہا ہو بسان سگ
    ہو آدمیت اس کو بھلا کس مقام لگ
     
    • پسندیدہ پسندیدہ × 2
    • معلوماتی معلوماتی × 2
  9. محمد تابش صدیقی

    محمد تابش صدیقی منتظم

    مراسلے:
    23,927
    جھنڈا:
    Pakistan
    موڈ:
    Breezy
    بلکہ غور کیا تو اس میں مفہوم بھی آ گیا ہے
     
    • پر مزاح پر مزاح × 2
    • پسندیدہ پسندیدہ × 1
  10. فرقان احمد

    فرقان احمد محفلین

    مراسلے:
    8,743
    جی ہاں! یہ اشعار پڑھے تھے تاہم آفتاب صاحب کی طرح زیادہ تر بے مقصد گفت گو کا اپنا ہی لُطف ہے۔
     
    • پر مزاح پر مزاح × 6
  11. محمد تابش صدیقی

    محمد تابش صدیقی منتظم

    مراسلے:
    23,927
    جھنڈا:
    Pakistan
    موڈ:
    Breezy
    یعنی آپ نے مجھے بلاوجہ محقق بننے پر لگایا ہوا ہے۔
     
    • پر مزاح پر مزاح × 3
  12. فرقان احمد

    فرقان احمد محفلین

    مراسلے:
    8,743
    صاحب! ہم بھی آفتاب صاحب کی طرح ایک نئی شُرلی چھوڑے دیتے ہیں۔ ابھی ابھی ایک کتاب نظر سے گزری، 'ہندوستانی محاورے' کے نام سے ہے! ریختہ پر بھی ہے! اُس میں دو محاورے الگ الگ لکھے ہوئے ہیں۔ ایک میں 'دھوبی کا کتا' ہے اور اگلا محاورہ الگ سے ہے، 'دھوبی کا کتا گھر کا نہ گھاٹ کا'۔ ربط صفحہ 88
    ممکن ہے، یہ دو الگ محاورے ہوں! :)
     
    • پسندیدہ پسندیدہ × 1
  13. محمد تابش صدیقی

    محمد تابش صدیقی منتظم

    مراسلے:
    23,927
    جھنڈا:
    Pakistan
    موڈ:
    Breezy
    دونوں ایک ہی ضرب المثل ہیں۔ نور اللغات میں بھی ساتھ ساتھ ہی ہیں
    یوں سمجھ لیں کہ اصل ضرب المثل دھوبی کا کتا ہے۔
    نہ گھر کا نہ گھاٹ کا اس کی وضاحت ہے۔ آوارگی ظاہر کرنے کے لیے۔
     
    • پسندیدہ پسندیدہ × 1
    • معلوماتی معلوماتی × 1
  14. فرقان احمد

    فرقان احمد محفلین

    مراسلے:
    8,743
    معلوم ہوتا ہے کہ آپ کو غلط ثابت کرنے کے لیے ہمیں مزید تحقیق کرنا ہو گی کیونکہ ابھی ابھی انیسویں صدی کے ایک شاعر کا کلام نگاہ سے گزرا اور اس میں بھی یہی جانور آوارہء منزل دکھائی دیا۔
     
    • پسندیدہ پسندیدہ × 1
    • دوستانہ دوستانہ × 1
  15. ابن توقیر

    ابن توقیر محفلین

    مراسلے:
    3,585
    آفتاب اقبال کو جب سن لیا کرتا تھا تب یہ بات اکثر محسوس ہوتی کہ صاحب کسی بات کا رد کرتے وقت ٹھوس انداز ضرور اپنا لیتے ہیں مگر ٹھوس دلیل نہیں دیتے۔ جیسے اس کلپ میں بھی دیکھا جاسکتا ہے کہ دوٹوک بات کرتے ہوئے انہوں نے کوئی مستند حوالہ نہیں پیش کیا۔
     
    • پسندیدہ پسندیدہ × 3
    • معلوماتی معلوماتی × 1
  16. آصف اثر

    آصف اثر معطل

    مراسلے:
    2,922
    جھنڈا:
    Pakistan
    موڈ:
    Busy
    چلیں حالات کے مطابق اسے ”بازار کا کُتا نہ گھر کا نہ گھاٹ کا“ کردیتے ہیں۔ دھوبی تو ویسے بھی نہیں رہے۔
     
    • پر مزاح پر مزاح × 4
  17. محمد تابش صدیقی

    محمد تابش صدیقی منتظم

    مراسلے:
    23,927
    جھنڈا:
    Pakistan
    موڈ:
    Breezy
    مزید غور و فکر سے ایک بات یہ سامنے آئی کہ فرہنگِ آصفیہ اور نور اللغات میں پیش کے ساتھ کُتا ہی کے مفاہیم میں رہٹ کی لکڑی بھی موجود ہے۔
    البتہ رہٹ کی لکڑی کا تعلق دھوبی سے نہیں رہٹ سے ہی ہے۔ چاہے کوئی بھی استعمال کرے۔

    البتہ یہ ضرور ہے کہ یقین متزلزل ہوا ہے۔ :p
     
    • پسندیدہ پسندیدہ × 2
    • پر مزاح پر مزاح × 2
  18. احمد محمد

    احمد محمد محفلین

    مراسلے:
    300
    جھنڈا:
    Pakistan
    موڈ:
    Breezy
    ممکن ہے رہٹ میں اٹکانے والے اس لکڑی کے ڈنڈے (پَھٹّی) کو کُتّا ہی کہتے ہوں اور اس میں بھی کوئی بعید نہیں کہ آفتاب صاحب نے اس غلط العام کو خود ساختہ لفظ کَتّا سے درست کرنے کی کوشش کی ہو۔

    ویسے آپ میں سے اکثر لوگ جانتے ہوں گے کہ سائیکل کے پچھلے پہیے میں جو "فری ویل" ہوتا ہے جب وہ اگلی جانب بھی فری ہو جاتا تھا تو ہم لوگ کہتے تھے کہ اس کے کُتّے فیل ہو گئے ہیں۔ سائیکل کے "فری ویل کے کُتّے" بھی وہی کام کرتے ہیں جو آفتاب صاحب کا خود ساختہ کَتّا کرتا ہے۔ بہتر طور پر سمجھانے کے لیے آپ کو فری ویل کے میکانزم کی تصویر شیئر کرتا ہوں (اگر ہو گئی تو کیوں کہ محفل پر تصویر شیئر کرنے کی میری دیرینہ خواہش ہے جو تاحال پوری نہیں ہو سکی مگر امید ہے اب کی بار ہوگی). :)


    [​IMG]
     
    آخری تدوین: ‏اگست 31, 2019
    • پسندیدہ پسندیدہ × 3
  19. محمد تابش صدیقی

    محمد تابش صدیقی منتظم

    مراسلے:
    23,927
    جھنڈا:
    Pakistan
    موڈ:
    Breezy
    آپ نے تصویر کے بجائے تصویر والے html پیج کا لنک شیئر کر دیا تھا۔ درست کر دیا ہے۔ آپ پھر کوشش کر لیجیے گا۔ :)
     
    • دوستانہ دوستانہ × 2
    • پر مزاح پر مزاح × 2
  20. فرقان احمد

    فرقان احمد محفلین

    مراسلے:
    8,743
    آپ تو آفتاب صاحب کے ساتھ غالباََ کچھ عرصہ 'لگا'چکے ہیں؛ اس لیے آپ کے کہے کو ہم مستند ماننے پر مجبور ہیں۔ :)
     
    • پر مزاح پر مزاح × 2

اس صفحے کی تشہیر