دل کی رفتار میں آئی ہے بلا کی تیزی

ظہیراحمدظہیر نے 'آپ کی شاعری (پابندِ بحور شاعری)' کی ذیل میں اس موضوع کا آغاز کیا، ‏نومبر 23, 2020

  1. ظہیراحمدظہیر

    ظہیراحمدظہیر محفلین

    مراسلے:
    3,787
    جھنڈا:
    Pakistan
    موڈ:
    Busy
    پرانے کلام سے ایک اور غزل احبابِ محفل کی خدمت میں پیش ہے ۔ خوشخبری یہ ہے کہ اب پانچ چھ پرانی غزلیں اور بچی ہیں اور ان سب کی داد اور بیداد بھی تابش بھائی کے حصے میں جائے گی ۔ میں بری الذمہ ہوں ۔


    ٭٭٭

    زہر کی ہے یہ لہو میں کہ دوا کی تیزی
    دل کی رفتار میں آئی ہے بلا کی تیزی

    اُس کے چھونے سے مرے زخم ہوئے رشکِ گلاب
    بس گئی خون میں اُس رنگِ حنا کی تیزی

    بھاوٴ بڑھتے ہی گئے عشقِ طلب گار کے اور
    راس آئی اُسے بازارِ وفا کی تیزی

    پھر کسی رخصتِ تازہ کی خبر دیتی ہے
    سرد موسم کے تناظر میں ہوا کی تیزی

    صرف ہونٹوں سے جو نکلے تو صدا ہے رسمی
    دل سے نکلے تو ہے برّاق دعا کی تیزی

    شہر عادی ہے یہ سرگوشیاں سننے کا ظہیرؔ
    کہیں بھونچال نہ بن جائے صدا کی تیزی

    ٭٭٭

    ظہیر ؔاحمد ۔۔۔۔۔۔۲۰۰۴
     
    • زبردست زبردست × 11
    • پسندیدہ پسندیدہ × 7
  2. محمد تابش صدیقی

    محمد تابش صدیقی منتظم

    مراسلے:
    26,624
    جھنڈا:
    Pakistan
    موڈ:
    Breezy
    کیا کہنے ظہیر بھائی۔ لاجواب غزل۔
    یہ اشعار تو خاص طور سے پسند آئے۔ :)
     
    • پسندیدہ پسندیدہ × 1
    • دوستانہ دوستانہ × 1
  3. محمد تابش صدیقی

    محمد تابش صدیقی منتظم

    مراسلے:
    26,624
    جھنڈا:
    Pakistan
    موڈ:
    Breezy
    خوشخبری اس صورت میں ہو سکتی ہے اگر اس کے بعد مزید تازہ کلام سننے کو ملے۔ :)
    ورنہ تو دکھ کی خبر ہے۔
     
    • متفق متفق × 2
    • پسندیدہ پسندیدہ × 1
  4. محمد تابش صدیقی

    محمد تابش صدیقی منتظم

    مراسلے:
    26,624
    جھنڈا:
    Pakistan
    موڈ:
    Breezy
    آپ کے اشعار پر بیداد میں حصہ مل جانا بھی میرے لیے اعزاز کی بات ہو گی۔ :)
     
    • پر مزاح پر مزاح × 3
  5. ظہیراحمدظہیر

    ظہیراحمدظہیر محفلین

    مراسلے:
    3,787
    جھنڈا:
    Pakistan
    موڈ:
    Busy
    تابش بھائی اس کے بعد تازہ غزلیں ہیں چند ۔ :) ایک نسبتاً طویل نظم پر کچھ عرصے سے کوشش کررہا ہوں لیکن مکمل ہی ہو کر نہیں دیتی۔ سنجیدہ اور اہم موضوع ہے۔ شاید آنے والی چھٹیوں میں مکمل ہوجائے ۔ مجھے سو فیصد یقین ہے کہ یہ نظم آپ کو بہت پسند آئے گی ۔
    دوسری خبر یہ ہے کہ ایک ہفتے پہلے شعری مجموعے کا مسودہ اعجاز بھائی کو بھیج دیا ۔ اعجاز بھائی آج کل بہت مصروف ہیں ۔ ایک تفسیر پر کام کررہے ہیں اور بہت ساری دوسری کتابیں بھی اپنی باری کی منتظر ہیں ۔ ان کا اندازہ ہے کہ میرے مجموعے کی باری آنے میں دیر لگ جائے گی ۔ سو جہاں اتنی دیر میری طرف سے ہوئی وہاں کچھ دیر اور سہی ۔ اللہ کریم اعجاز بھائی کے وقت اور توانائی میں برکت دے ۔ آمین ۔
     
    • زبردست زبردست × 9
    • پسندیدہ پسندیدہ × 1
  6. ظہیراحمدظہیر

    ظہیراحمدظہیر محفلین

    مراسلے:
    3,787
    جھنڈا:
    Pakistan
    موڈ:
    Busy
    ٹھیک ہے ۔ابھی خبر کرتا ہوں ذوالقرنین کو ۔ وہ بتائیں گے کہ بیداد کیسی ہوتی ہے ۔:):):)
     
    • پر مزاح پر مزاح × 4
  7. محمد تابش صدیقی

    محمد تابش صدیقی منتظم

    مراسلے:
    26,624
    جھنڈا:
    Pakistan
    موڈ:
    Breezy
    ماشاء اللہ۔ زبردست خبر ہے یہ تو۔
    آمین
     
    • پسندیدہ پسندیدہ × 1
    • دوستانہ دوستانہ × 1
    • متفق متفق × 1
  8. الف عین

    الف عین لائبریرین

    مراسلے:
    36,192
    جھنڈا:
    India
    موڈ:
    Psychedelic
    واہ کیا تیزی ہے غزل میں ماشاء اللہ!
    کیا یہ غزل مسودے میں شامل ہے ای بک کے؟ یہ پوچھنا بھول گیا تھا کہ تازہ مسودے اور پچھلی ای بک میں 2019، 2020 کے اضافے اور نثری اضافہ کے علاوہ اور کچھ تبدیلیاں تو نہیں، یعنی پچھلی ای بک کی مکمل تدوین کر چکا ہوں میرے حساب سے درست کمپوزنگ کے ساتھ!
     
    • زبردست زبردست × 6
    • پسندیدہ پسندیدہ × 1
  9. محمّد احسن سمیع :راحل:

    محمّد احسن سمیع :راحل: محفلین

    مراسلے:
    2,163
    جھنڈا:
    Pakistan
    موڈ:
    Confused
    بہت خوب۔ ہمیشہ کی طرح نادر زمین میں عمدہ کلام ۔۔۔
    غزل کی زمین دیکھ کر یونہی خیال آیا کہ کہیں یہ کسی اسٹاک ایکسچینج کی زمین پر تو نہیں کہی گئی؟ :):D
     
    • پر مزاح پر مزاح × 6
  10. سید عاطف علی

    سید عاطف علی لائبریرین

    مراسلے:
    12,688
    جھنڈا:
    SaudiArabia
    موڈ:
    Cheerful
    پھر تو دریف "کی مندی" کی بھی ہو سکتی ہے ۔
     
    • پر مزاح پر مزاح × 6
  11. محمّد احسن سمیع :راحل:

    محمّد احسن سمیع :راحل: محفلین

    مراسلے:
    2,163
    جھنڈا:
    Pakistan
    موڈ:
    Confused
    بس کوئی اس کو ’’ارز‘‘ والی مندی نہ سمجھ بیٹھے :)
     
    • پر مزاح پر مزاح × 4
  12. سید عاطف علی

    سید عاطف علی لائبریرین

    مراسلے:
    12,688
    جھنڈا:
    SaudiArabia
    موڈ:
    Cheerful
    اگر قافیہ اسٹاک کا بٹھا دیا جائے ہو تو پھر معنی کا خلط نہ ہو گا۔
     
    • پر مزاح پر مزاح × 4
  13. بابا-جی

    بابا-جی محفلین

    مراسلے:
    1,404
    احباب کو بہت پسند آئی مگر یِہ غزل مجھ ایسے سُست الوجود پر زیادہ اثر نہ کر سکی۔ مُجھے یقین ہے بُرا نہیں مانیں گے۔ اب جو پانچ چھ بچ رہی ہیں، وُہ پیش کر دیں تاکِہ جینوئن تعریف یا تنقید کر سکوں۔
     
    • دوستانہ دوستانہ × 1
    • مضحکہ خیز مضحکہ خیز × 1
  14. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    19,140
    جھنڈا:
    Pakistan
    موڈ:
    Cheerful
    حسب حال
    شاندار اور بہترین اشعار سے آراستہ غزل
     
    • دوستانہ دوستانہ × 1
    • متفق متفق × 1
  15. نیرنگ خیال

    نیرنگ خیال لائبریرین

    مراسلے:
    18,765
    جھنڈا:
    Pakistan
    موڈ:
    Dunce
    وہ کیا شعر تھا۔۔۔ دیتے رہے داد بھی کرتے رہے بیداد بھی۔۔۔ لیکن یہ تو شاعر کا کلام ہے۔ ذوالقرنین بیچارہ تو سبھی کو داد دیتا رہتا ہے۔ تابش بھائی استاد طبیعت کے آدمی ہیں۔ اور ایسی طبیعت سے افتاد طبع اکثر گریزاں رہتی ہے۔ سو حکم کیجیے کہ باہر سے کیا کیا لکھ کر بھیجوں ان کو۔۔۔ یوں بھی جلد ملاقات متوقع نہیں۔ :p
     
    • پر مزاح پر مزاح × 3
  16. نیرنگ خیال

    نیرنگ خیال لائبریرین

    مراسلے:
    18,765
    جھنڈا:
    Pakistan
    موڈ:
    Dunce
    اس قدر کوچہ مخالف شعر ہے۔۔۔۔ کہ اللہ اللہ۔۔۔ مطلب یہ لفظ بھی ہمارے ہاں ممنوع ہے۔۔۔ محمداحمد بھائی نے سن لیا تو وہی لیٹے لیٹے گھور لیں گے۔۔۔ فلک شیر بھائی تو اس سے بھی گئے اب۔۔۔

    فشار خون بلند ہونےلگا ہے مریض کا۔۔۔ کیا ہی جراحی طبع شعر ہے۔۔۔ ادھر جراح (مونث جراح) بھی بغیر دستانے چڑھائے جراحت کرتی نظر آرہی ہیں۔۔۔

    کاروبار دنیا پر بھی نظر ہے۔۔۔

    شام کو خبریں بھی سنی جا رہی ہیں۔۔۔

    اور شرم بھی دلائی جا رہی ہے۔۔۔ اللہ اللہ۔۔۔۔

    آخر میں ظہیر بھائی نے ذوالقرنین کو مخاطب کر کے کہا ہے کہ میاں اس غزل مسلسل کی تشریح کرنے کا وقت آگیا ہے۔۔۔ جلدی کرو۔۔۔ (اگرچہ یہ جلدی کرو طنزیہ بھی ہوسکتا ہے۔)
    اور ذوالقرنین نے ظہیر بھائی کی باتوں میں آکر اس غزل کی تشریح کرنے کا سوچ لیا ہے۔۔۔

    شکر ہے پیش کرنے میں "تیزی" نہیں کی۔ ورنہ میرا اعتبار ہی اٹھ جاتا دنیا سے۔۔۔
     
    • زبردست زبردست × 3
    • پر مزاح پر مزاح × 3
  17. نیرنگ خیال

    نیرنگ خیال لائبریرین

    مراسلے:
    18,765
    جھنڈا:
    Pakistan
    موڈ:
    Dunce
    ظہیراحمدظہیر بھائی۔۔۔ بہت ہی خوبصورت اور اعلی غزل ہے۔۔۔ کمال ہے۔۔۔ مزا آگیا۔۔۔ ماشاءاللہ
     
    • دوستانہ دوستانہ × 2
    • متفق متفق × 1
  18. محمد تابش صدیقی

    محمد تابش صدیقی منتظم

    مراسلے:
    26,624
    جھنڈا:
    Pakistan
    موڈ:
    Breezy
    ظہیراحمدظہیر بھائی، نین بھائی تو پنجابی والی سجی دکھا کر کھبی مار گئے ہیں۔ :)
    بلوچی ہوتی تو ہم بھی شریک ہو جاتے۔
    اب فری کیا ہے تو بھگتیں۔ :p
     
    • پر مزاح پر مزاح × 5
  19. ظہیراحمدظہیر

    ظہیراحمدظہیر محفلین

    مراسلے:
    3,787
    جھنڈا:
    Pakistan
    موڈ:
    Busy
    الف عین اعجاز بھائی، نیا مسودہ پرانے والے سے کئی لحاظ سے مختلف ہے ۔ نہ صرف یہ کہ اس میں ۲۰۱۹ اور ۲۰۲۰ کی شاعری بھی شامل ہے بلکہ غزلوں کی ترتیب بھی زمانی اعتبار سے قائم کردی ہے ۔ ۹۰ کی دہائی سے شروع کرکے آخر میں ۲۰۲۰ کی غزلیں رکھ دی ہیں ۔ تابش بھائی کے مشورے پر یہ بلا کی تیزی والی غزل اس میں شامل کردی تھی اور اس کے علاوہ بھی پانچ چھ غزلیں اور شامل کی ہیں جو ابھی تک اردو محفل پر پوسٹ نہیں ہوئیں لیکن عنقریب پوسٹ کرنے کا ارادہ ہے۔
     
    • زبردست زبردست × 5
    • پسندیدہ پسندیدہ × 1
  20. ظہیراحمدظہیر

    ظہیراحمدظہیر محفلین

    مراسلے:
    3,787
    جھنڈا:
    Pakistan
    موڈ:
    Busy
    بہت شکریہ راحل بھائی ! بہت نوازش! قدرافزائی پر بہت ممنون ہوں ۔ یہ ابتدائی دور کا کچھ ناپختہ سا کلام ہے ۔ آپ سب دوستوں کی کی محبت کہ اسے بھی سراہتے ہیں ۔ اللہ خوش رکھے۔
     
    • پسندیدہ پسندیدہ × 1
    • دوستانہ دوستانہ × 1

اس صفحے کی تشہیر