مومن دل آگ ہے اور لگائیں گے ہم - مومن

[کاشفی]

غزل​

(مومن خان مومن)​

​

دل آگ ہے اور لگائیں گے ہم​

کیا جانے کسے جلائیں گے ہم ​

​

اب گریہ میں ڈوب جائیں گے ہم​

یوں آتش دل بجھائیں گے ہم​

​

خنجر تو نہ توڑ سخت جانی​

پھر کس کو گلے لگائیں گے ہم​

​

گر غیر سے ہے یہ رنگ صحبت​

تو اور ہی رنگ لائیں گے ہم​

​

اے پردہ نشین نہ چھپ کہ تجھ سے​

پھر دل بھی یوں ہی چھپائیں گے ہم​

​

مت لال کر آنکھ اشک خوں پر​

دیکھ اپنا لہوں بہائیں گے ہم​

​

دم دیتے تو ہو پر یہ سمجھ لو​

دشمن کی قسم دلائیں گے ہم​

​

کیوں غش ہوئے دیکھ آئینہ کو​

کہتے تھے کہ تاب لائیں گے ہم​

​

گر ہے دل غیر نقش تسخیر​

تو تیرے لئے جلائیں گے ہم​

​

کہہ اور غزل بطرز و اسوخت​

مومن یہ اُسے سُنائیں گے ہم​

 

[محمد وارث]

لاجواب۔ بہت شکریہ کاشفی صاحب شیئر کرنے کیلیے۔

 

[کاشفی]

محمد وارث صاحب اور فرخ منظور صاحب آپ دونوں کا بیحد شکریہ۔۔خوش رہیں سدا۔

 

[ایم اے راجا]

بہت خوب ، بہت شکریہ کاشفی صاحب شیئر کرنے کیلیے۔

 

[کاشفی]

پسندیدگی کے لیئے آپ کا بھی شکریہ جناب ایم اے راجا صاحب۔ خوش رہیں۔