حسین رات کی رنگین ملاقات

سید عمران نے 'ذکر محفلین' کی ذیل میں اس موضوع کا آغاز کیا، ‏ستمبر 21, 2019

  1. سید عمران

    سید عمران محفلین

    مراسلے:
    11,163
    جھنڈا:
    Pakistan
    موبائل کی گھنٹی بجی۔ اسکرین پر نیا نمبر جگمگا نے لگا۔ نمبر نیا ہو یا پرانا ہم کسی سے نہیں گھبراتے۔ نیا نمبر مس کال دے کر بند ہوجائے تو گھر تک اس کا پیچھا کرتے ہیں۔ ان ہی گوناگوں خصوصیات کی بنا پر ہم نے نیا نمبر اٹھا لیا۔ نئے نمبر پر پرانے آدمی تھے یعنی ٹرومین بھائی۔

    بھائی صاحب حج سے واپس لوٹ کر ہمیں گفتگو سے نواز رہے تھے۔ ہم نے ٹرومین بھائی کو حج کی مبارک باد دی تو کہنے لگے کہ فلسفی بھائی نے آپ کے اور عدنان بھائی کے لیے ہدیہ بھجوایا ہے، آپ تک کیسے پہنچاؤں؟ ہم نے ’’ابھی بتاتے ہیں‘‘ کہہ کر فون بند کردیا۔ فون بند کرکے عدنان بھائی کو ملایا اور ساری صورتِ حال بتائی۔ تحفہ کا نام سن کر عدنان بھائی کی بانچھیں کھل گئیں۔ اور کھل گئیں تو کم کہا دراصل چِر گئیں۔ کہنے لگے ٹرومین بھائی حج کرکے آئے ہیں اس لیے ان کے اعزاز میں دعوت رکھتے ہیں۔

    یہ ہیں ہمارے عدنان بھائی۔ کہاں تو ہمیں چائے کی ایک پیالی کے لیے آٹھ ماہ سے ترسا رہے ہیں، کہاں تحفہ کا نام سن کر جھٹ رال ٹپکانے لگے۔ کھانے تک کی دعوت دے ڈالی۔ کنجوس مکھی چوس بھیا کی اتنی خطرناک آفر پر ہمارا منہ کُھل گیا اور دماغ بند ہوگیا۔ عدنان بھائی کے وعدوں پر یقین نہ کرنے کے باوجود ہم نے ٹرومین بھائی کو حُسین آباد آنے کی دعوت دے دی۔

    گزشتہ رات بیس ستمبر دو ہزار انیس پونے نو بجے عدنان بھائی کا فون آیا کہ میں نکل رہا ہوں آپ بھی آجائیے۔ ہم نے جواب دیا کہ آپ پہنچیں اور جب تک ہم نہیں پہنچ جاتے آپ وہیں مسجد کی سیڑھیوں پر بیٹھ کر ہمارا انتظار کریں۔ امید ہے اس دوران اتنی ریزگاری اکٹھی کرلیں گے کہ دعوت کا خرچہ بآسانی نکل جائے گا۔ عدنان بھائی نے جواب دیا فکر نہ کریں، آپ کی امیدوں سے بڑھ کر جمع کرلوں گا۔

    نو بجے ہم حسین آباد پہنچے تو عدنان بھائی مسجد کی سیڑھیوں پر بیٹھے مل گئے۔ ہمیں دیکھ کر اٹھ کھڑے ہوئے۔ اب ٹرومین بھائی کا انتظار تھا۔ فون ملایا تو بتایا کہ راستے میں ہوں۔ ٹرومین بھائی کے آتے ہی ایک ریسٹورینٹ کا رخ کیا۔ عدنان بھائی نے سارا ملبہ ہمارے سر ڈالنے کی کوشش کی۔ ہم نے پوچھا کھانے کے لیے کیا منگوائیں، کہنے لگے جو آپ کھلائیں، ہم تو مہمان ہیں۔ ہم چیختے رہ گئے، ہائیں عدنان بھائی آپ کہاں کے مہمان؟ عین وقت پر یہ کیسی دھوکہ بازی؟ مہمان ٹرومین بھائی ہیں جو حرمین کی زیارت کرکے آئے ہیں، آپ نے کیا کوئٹہ کے زیارت کی زیارت کی ہے جو مہمان بن بیٹھے؟ مگر وہ پُراسرار سی مسکراہٹ کے ساتھ زبردستی کے مہمان بنے رہے۔ عدنان بھائی کی اس ہوشیاری کو ٹرومین بھائی نے خندہ پیشانی سے برداشت کیا اور خود ہی کھانے کا آرڈر دیا۔ چکن ملائی بوٹی، بیف بوٹی، چکن چرغہ، نان، چپاتی، سلاد اور رائتہ اور ہاں منرل واٹر بھی۔

    آج صرف ہم تین تھے۔ خوب کھل کر باتیں ہوئیں۔ راز و نیاز کے عجیب پردے اٹھے۔ کہی ان کہی بیان ہوئی۔ ٹرومین بھائی بار بار فلسفی بھائی کی محبتوں کا ذکر کرتے رہے۔ انہوں نے بتایا کہ فلسفی بھائی بذریعہ فلائٹ سینکڑوں کلومیٹرز کا فاصلہ طے کرکے ہم سے ملنے ریاض سے مدینہ منورہ آئے اور صرف ایک دن بعد واپس چلے گئے۔ فلسفی بھائی کی اس ہمت، محبت اور مشقت پر داد تو بنتی ہے۔ ٹرومین بھائی نے مزید بتایا کہ فلسفی بھائی آپ کا اور عدنان بھائی کا بار بار ذکر خیر کرتے تھے۔ خیر ہمارا ذکر خیر تو بنتا ہے لیکن یہ بھیا کا ذکر خیر کرنے کی کیا تُک تھی؟ ہم فلسفی بھائی سے ضرور پوچھیں گے۔ ٹرومین بھائی نے تقریباً ساری گفتگو کو آف دی ریکارڈ قرار دے کر یار لوگوں کو خیالی گھوڑے دوڑانے کی کھلی چھوٹ دے دی۔

    کھانے کے بعد بیرا آیا بل لایا جسے ٹرومین بھائی نے پھرتی سے چکایا۔ ہم ہائیں ہائیں کرتے رہ گئے۔ عدنان بھائی سے یہ بھی نہ ہوسکا۔ اب ہمیں ساری بات سمجھ میں آنے لگی کہ ہمارے کنجوس مکھی چوس بھیا فراخ دلی سے کھانے کی دعوت کیوں دے رہے تھے۔

    کھانے کے بعد آئس کریم پارلر گئے۔ وہاں بیٹھ کر آہستہ آہستہ آئس کریم کھائی تاکہ باقی ماندہ باتوں کا کوٹہ پورا ہوسکے۔ باہر نکل کر ٹرومین بھائی نے بھیا کی غیرت کو جھنجوڑنا چاہا کہ عمران بھائی کو چائے پلا کر اپنی ازلی ابدی کنجوسی سے جان چھڑائیں مگر بھیا نے الٹے سیدھے بہانے بنا کر صاف انکار کردیا۔

    اس دوران ٹرومین بھائی نے فلسفی بھائی کا اور اپنا تحفہ پیش کیا جسے بھیا نے جھٹ سے لے کر فٹ سے قبول کرلیا۔ بھیا لاکھ کنجوس سہی مگر ان کاموں میں کنجوسی سے کام نہیں لیتے۔ آخر میں بھیا نے سب کو ایک ایک پان کھلا کر فیاضی کے وہ دریا بہائے کہ قریب تھا سارا کراچی اس دریا میں بہہ جاتا۔

    پان کے رنگ سے منہ سرخ کرکے سب کوچۂ یار سے سرخروئی کے ساتھ اپنے اپنے گھروں کو روانہ ہوگئے۔

    اس حسین رات کو رنگین بنانے پر ٹرومین بھائی کا شکریہ۔ اور اتنی محبتیں بانٹنے پر، ہمیں اتنا یاد رکھنے پر فلسفی بھائی کا بھی شکریہ!!!
     
    آخری تدوین: ‏ستمبر 21, 2019
    • زبردست زبردست × 17
    • پسندیدہ پسندیدہ × 5
  2. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,846
    جھنڈا:
    Pakistan
    موڈ:
    Cheerful
    ماشاءاللہ
    بہت یادگار ملاقات رہی۔
    صاحب نے ہمیشہ کی طرح عمدہ انداز میں ملاقات احوال بیان کرکے ملاقات میں کھائے کھانے کا حق ادا کردیا۔
     
    آخری تدوین: ‏ستمبر 21, 2019
    • پسندیدہ پسندیدہ × 3
    • دوستانہ دوستانہ × 3
    • پر مزاح پر مزاح × 1
  3. ٹرومین

    ٹرومین محفلین

    مراسلے:
    426
    زبردست تحریر:great:
    ہمیں اندازہ نہ تھا کہ آپ مختصر سی ملاقات میں بھی اتنا باریکیاں نوٹ کرلیں گے۔:):zabardast1:
    بہت عمدہ احوال پڑھ کے واقعی مزہ آگیا۔ :)
     
    آخری تدوین: ‏ستمبر 21, 2019
    • متفق متفق × 4
    • معلوماتی معلوماتی × 1
    • دوستانہ دوستانہ × 1
  4. سید عمران

    سید عمران محفلین

    مراسلے:
    11,163
    جھنڈا:
    Pakistan
    آپ یہ حق کیسے ادا کریں گے؟؟؟
    :thinking::thinking::thinking:
     
    • پر مزاح پر مزاح × 4
    • دوستانہ دوستانہ × 1
  5. محمد وارث

    محمد وارث لائبریرین

    مراسلے:
    25,454
    جھنڈا:
    Pakistan
    موڈ:
    Depressed
    تحریر عمدہ ہے۔

    ہاں عنوان اور اس کی بعد کی کہانی نے وہی کام کیا جو کبھی بچپن میں ہم بک اسٹالز پر دیکھا کرتے تھے۔ اسی طرح کا رنگین عنوان ہوتا تھا ہوشربا قسم کا، کتاب پلاسٹک کے کور میں بند کہ کوئی ایک لفظ بھی نہ دیکھ سکے اور خرید ہی کر پڑھے۔ خرید کر پڑھتے تھے تو اندر سے اسی طرح کی کہانی نکلتی تھی، رہے نام اللہ کا۔ مفتی صاحب آپ کو تو کسی آن لائن اخبار میں ہونا چاہیئے تھا۔ :)
     
    • پر مزاح پر مزاح × 16
  6. اے خان

    اے خان محفلین

    مراسلے:
    4,411
    جھنڈا:
    Pakistan
    موڈ:
    Innocent
    زبردست پان میٹھا تھا؟ مجھے کراچی میں پان بہت پسند ہے. اگرچہ اور بھی بہت کچھ کراچی کا پسند ہے. لیکن رات کو کراچی کی سڑکوں پر منہ میں پان رکھ کر آوارہ گردی کرنے کا الگ مزہ ہے. کچھ تصاویر کھینچی یا وہی پرانی روش؟
    فلسفی بھائی کی محبت کی واقعی داد بنتی ہے.
     
    • پر مزاح پر مزاح × 4
    • پسندیدہ پسندیدہ × 1
  7. سید عمران

    سید عمران محفلین

    مراسلے:
    11,163
    جھنڈا:
    Pakistan
    اخبار میں نہیں ہیں مگر اس بار آئیڈیا وہیں کا چرایا۔۔۔
    ویسے اگر مضمون اسم بامسمیٰ ہوتا تو کیا منتظمین اسے باقی رہنے دیتے؟؟؟
     
    • پسندیدہ پسندیدہ × 3
    • پر مزاح پر مزاح × 1
  8. اے خان

    اے خان محفلین

    مراسلے:
    4,411
    جھنڈا:
    Pakistan
    موڈ:
    Innocent
    جی میرے ساتھ بھی ایسا ہوا ہے ایک کتاب تھی پیرس کی حسین راتیں اس طرح کچھ نام تھا. لیکن اندر کہانی صرف دن کی تھی
     
    • پر مزاح پر مزاح × 9
  9. محمد تابش صدیقی

    محمد تابش صدیقی منتظم

    مراسلے:
    24,079
    جھنڈا:
    Pakistan
    موڈ:
    Breezy
    زبردست۔ ماشاء اللہ۔
    تحفہ کا ذکر گول ہونے پر احتجاج۔
    تصویری ثبوت؟
     
    • دوستانہ دوستانہ × 4
    • متفق متفق × 2
    • پسندیدہ پسندیدہ × 1
  10. سید عمران

    سید عمران محفلین

    مراسلے:
    11,163
    جھنڈا:
    Pakistan
    وہی پرانی روش!!!
     
    • پر مزاح پر مزاح × 4
  11. اے خان

    اے خان محفلین

    مراسلے:
    4,411
    جھنڈا:
    Pakistan
    موڈ:
    Innocent
    :at-wits-end:
     
    • پر مزاح پر مزاح × 5
  12. سید عمران

    سید عمران محفلین

    مراسلے:
    11,163
    جھنڈا:
    Pakistan
    تم جیسوں کے ساتھ ایسا ہی ہونا چاہیے!!!
    :ROFLMAO::ROFLMAO::ROFLMAO:
     
    • پر مزاح پر مزاح × 7
  13. سید عمران

    سید عمران محفلین

    مراسلے:
    11,163
    جھنڈا:
    Pakistan
    ذکر کیا تو ہے!!!
     
    • معلوماتی معلوماتی × 2
    • پر مزاح پر مزاح × 2
  14. سید عمران

    سید عمران محفلین

    مراسلے:
    11,163
    جھنڈا:
    Pakistan
    باتیں ایسی سنسنی خیز تھیں کہ تصاویر کھینچنا یاد نہ رہیں!!!
     
    • پسندیدہ پسندیدہ × 5
  15. سید عمران

    سید عمران محفلین

    مراسلے:
    11,163
    جھنڈا:
    Pakistan
    :cool::cool::cool:
     
  16. اے خان

    اے خان محفلین

    مراسلے:
    4,411
    جھنڈا:
    Pakistan
    موڈ:
    Innocent
    رنگ لائے گی ہماری فاقہ مستی ایک دن
     
    • پر مزاح پر مزاح × 4
    • زبردست زبردست × 1
  17. اے خان

    اے خان محفلین

    مراسلے:
    4,411
    جھنڈا:
    Pakistan
    موڈ:
    Innocent
    وہ ہل پارک والی باتوں سے بھی زیادہ؟
     
    • معلوماتی معلوماتی × 1
  18. سید عمران

    سید عمران محفلین

    مراسلے:
    11,163
    جھنڈا:
    Pakistan
    اسے فاقہ مستی نہیں بدمستی کہتے ہیں!!!
     
    • پر مزاح پر مزاح × 4
  19. سید عمران

    سید عمران محفلین

    مراسلے:
    11,163
    جھنڈا:
    Pakistan
    وہ ان کے آگے کیا بیچتی ہیں!!!
     
    • پر مزاح پر مزاح × 3
  20. اے خان

    اے خان محفلین

    مراسلے:
    4,411
    جھنڈا:
    Pakistan
    موڈ:
    Innocent
    کیا مطلب
     
    • معلوماتی معلوماتی × 1

اس صفحے کی تشہیر