جو دل میں شعر آئے وہ لکھ دیجیے -- نیا سلسلہ

[سعدیہ زندگی]

میرے چہرے کی اب اداسی میں
دیئے روشنی کے جاگتے ہیں

 

[ذوالقرنین]

تم نے دیکھا ہے کبھی ایک نظر شام کے بعد
کتنے چپ چاپ سے لگتے ہیں شجر شام کے بعد
اتنے چپ چاپ کہ راستے بھی رہیں لاعلم
چھوڑ جائیں گے کسی روز نگر شام کے بعد

 

[غ۔ن۔غ]

کل سے مراد صبحِ قیامت سہی مگر
اب تم کہاں ملو گے دوبارہ جواب دو!

 

[غ۔ن۔غ]

مری تکمیل میں شامل ہے ترا حصہ بھی
میں اگر تجھ سے نہ ملتی تو ادھوری ہوتی

 

[غ۔ن۔غ]

نماز عشق ادا ہو نہ سکی آج تلک
تمام عمر رہے اشک سے وضو کرتے

 

[غ۔ن۔غ]

سب کچھ خُدا سے مانگ لیا تُجھ کو مانگ کر
اُٹھتے نہیں ہیں ہاتھ مِرے ، اِس دُعا کے بعد

 

[غ۔ن۔غ]

یا تو کسی کو جراتِ دیدار ہی نہ ہو
یا پھر میری نگاہ سے دیکھا کرے کوئی

 

[عبدالرزاق قادری]

یہ مسائل تصوف یہ تیرا بیان غالب
تجھے ہم ولی سمجھتے جو نہ بادہ خوار ہوتا

 

[محمداحمد]

جب کوئی غم نہیں ہوتا ناصر
بے کلی دل کی سوا ہوتی ہے

 

[سعدیہ زندگی]

بے وضو پڑھتا رہا وہ مجھ کو
اورنمازِ عشق ادا ہو نہ سکی
سعدیہ

 

[سید ذیشان]

احباب کی صورت ہو کہ اغیار کی صورت
ہر چہرے میں آتی ہے نظر یار کی صورت

واصف کو سرِ دار پکارا ہے کسی نے
انکار کی صورت ہے نہ اقرار کی صورت

 

[مغزل]

نماز عشق ادا ہو نہ سکی آج تلک
تمام عمر رہے اشک سے وضو کرتے

پگلی ۔۔ جواب آں غزل جو کہی تھی وہ شامل کررہا ہوں محفل میں ۔۔۔

سن صومُ و صلوٰةِ عشق کب مجھ سے قضا ہے تو
تجھ نین وضو سے ہوں مفرورِ عبادت نئیں !!!
م۔م۔مغل ؔ

 

[انیس الرحمن]

تشخیص بجا ہے کہ مجھے عشق ہوا ہے
نسخے میں لکھو ان سے ملاقات مسلسل

 

[محمد وارث]

اعجاز یہ کس کا ہے؟ یہ کس کی کرامت ہے؟
دل چُور ہے زخموں سے، پر شوق سلامت ہے

 

[کاشفی]

ابتدا وہ تھی کہ تھا جینا محبت میں محال
انتہا یہ ہے کہ اب مرنا بھی مشکل ہوگیا
(جگر مُراد آبادی)

 

[انیس الرحمن]

محبت ہاتھ میں پہنی ہوئی چوڑی کی مانند ہے​

سنورتی ہے، کھنکتی ہے، کھنک کر ٹوٹ جاتی ہے​

 

[محمداحمد]

ابتدا وہ تھی کہ تھا جینا محبت میں محال
انتہا یہ ہے کہ اب مرنا بھی مشکل ہوگیا
(جگر مُراد آبادی)

بہت خوب۔۔۔۔۔!

یہ پڑھ کر یہ شعر یاد آگیا

ابتدا یہ تھی کہ دیکھی تھی خوشی کی اک جھلک
انتہا یہ ہے کہ غم ہر سو نظر آنے لگے

 

[سید زبیر]

غرور بیچیں گے نہ التجا خریدیں گے
نہ سرجھکائیں گے نہ سر جھکا خریدیں گے
قبول کرلی دیوار چین آنکھوں نے
اب اندھے لوگ ہی رستہ نیا خریدیں گے

 

[مغزل]

پگلی ی ی ی !!!

سجا کے دیکھ لیے آسماں پہ بھی لیکن !!!!
ستارے تیری جبین پر ہی اچھے لگتے ہیں

شاعر: قیصر منور

 

[غ۔ن۔غ]

پگلی ی ی ی !!!

سجا کے دیکھ لیے آسماں پہ بھی لیکن !!!!
ستارے تیری جبین پر ہی اچھے لگتے ہیں

شاعر: قیصر منور

مغزل
پکارا جا رہا تھا ایک ہی نام
ہوئے تقسیم جب اعزاز دل میں