انشا اللہ خان انشا جس شخص نے کہ اپنے نخوت کے بل کو توڑا - سید انشاءاللہ خان انشا

جس شخص نے کہ اپنے نخوت کے بل کو توڑا
راہِ خدا میں اس نے گویا جبل کو توڑا

اپنا دلِ شگفتہ تالاب کا کنول تھا
افسوس تو نے ظالم! ایسے کنول کو توڑا

تھا ساعتِ فرنگی - دل چپ جو ہو رہا ہے
کیا جانئے کہ کس نے ہے اس کی کل کو توڑا

دارا و جم نے تجھ سے کیا کیا شکست پائی
اے چرخ! تو نے کس کس اہلِ دول کو توڑا

لینی ہے جنسِ دل تو ظالم! تو آج لے چُک
پڑ جائے گا وگرنہ پھر اس کاکل کو توڑا

احوالِ خوش انہوں کا انشا میاں جنہوں نے
اُس ذاتِ بحَت سے مل بندِ اجل کو توڑا

سید انشاءاللہ خان انشا

 

لا جواب، بہت خوب

 

خدا سلامت رکھے۔ میرا پسندیدہ کلام میں سے ھے یہ

 

بہت خوب شراکت

 

بہت خوبصورت کلام ہے.۔۔ شیئرنگ کے لیے شکریہ

 

بہت خوب